Tùm i dzuŋu zə kuum Yeso Klisto tə Jɔn â tɔɔnə 4:48 - Kaa n Kəzə̀ n fəghə mə

⁴⁸ Yeso n dza ndòw tə̀ wi nə̀, “N khənu nə̀ wù ghaa umɔʼ way ni bəghəm tə mə nə̀ tə ka koʼ dzə tsəə tə nsə n faalə mə.”

Tùm i dzuŋu zə kuum Yeso Klisto tə Jɔn â tɔɔnə 4:48 Mawu Ofanana

Matyo 16:1

Ghə̂ a tə Falasi nsə ghə̂ a tə Sadusi a loʼ ghə n ndòw bə n səə Yeso ni bə mɔm koʼ wi. Ghə n dza tə̀ Yeso nə̀ tə ghəŋə tsu ghə i faalə i loʼ zə ni dii tsu nə̀ daʼa key tə khənə, à fuu bə Zə̀ kə idəŋ kə.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 27:42

“Tə â bəghəshiə ghə̂ a loʼ ghə, tə u kee way ni bəghəshi wû u wi! N dza tə loʼ də̀ŋ kə naʼ zə Izree? Tə shi tsu bə fey n zat kə fəkaʼ, a i daŋŋə bəghəm fuu ndow tə̀ wi!

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Lukas 10:18

Tə n dza ndòw tə̀ ghə nə̀, “Mə koʼ Satan tə bwù tsu bənə tə̀ a loʼ ighow i mwallə zə n bikighow.

Lukas 16:31

Abraham n fəd dza tə̀ wi nə̀, ‘Abə ghə way ni bwey n laŋ u Mushi nsə n tsə i tûm tə Kəzə̀, ghə i nam way ni kwey abə wù tsəm zhəm dzəŋŋə bə kə nə ivə bə dza bə tə ghə.’”

Tùm i dzuŋu zə kuum Yeso Klisto tə Jɔn â tɔɔnə 12:37

Nghee tə Yeso â tsəm dii kə ndəmə ghəə a faalə ghə n sə kə ghə̂ a Təjuu, ghə n nam tuu ni bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 15:24

Abə a mə loʼ nə̀ ghə â ka koʼ fwaʼ key mə â fwaʼnə n fəŋŋə kə ghə nə̀ wù loʼ ka kam fwaʼ koʼ tsə, a mə loʼ nə̀ ghə ka kam ghəŋə bəəbə dzə ghə i loʼ zə. A sə fa loʼ kə nə̀ ghə n koʼ, ghə a nam ndow kə n sə kə ni bàa mə ghi Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 2:18

Ghə̂ a nii a Təjuu ghə n bəb tə̀ wi nə̀, “Wə̀ khə tsəə i ghaa zə ni dii bə tə̀ ghey keeli tsu nə̀ wə̀ khənu daʼa kə tii kə ni ghəŋə ghəə ghən ə?”

Tùm i dzuŋu zə kuum Yeso Klisto tə Jɔn â tɔɔnə 20:29

Yeso n dza tə̀ wi nə̀, “Wə n nya bəghəm nghee wə koʼ bənə mə ə? Buulə i loʼ tə̀ ghə̂ ghey ghə bəghəm fuunə nə̀ ghə ka buʼ koʼ.”

Tùm i dzuŋu zə kuum Yeso Klisto tə Jɔn â tɔɔnə 4:49

Wù wey n dza tə̀ Yeso nə̀, “Mûkəbii, bəghə tə a zaŋŋə ndow kə̂ waa wuŋ nə kpuunə.”

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 15:12

Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.

Kəfwaʼ 2:19

Mə i dii tətsəə n bikighow N dii ghəə a faalə ghə n ghəlikətsə, Ghaa i koʼ təkaŋ inaʼ, naʼ zə i fəə, nyoʼ kə i dzəə təluʼu.

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Kəfwaʼ 2:43

Ngəd tə Yeso tə n ghəŋŋə ndəmə ghəə a faalə ghə nsə ghəə a zum ghə idzuu ghə, sey, aghə̂ adzəm ghə n khə tsəŋ i Kəzə̀ n fə̀ŋ tə ghə.

Kəfwaʼ 4:30

Dii bə daʼa kə kə̀ sey nə̀ ghey i loʼ ni baŋŋə ghə̂ ghə, ghey i ghəŋə ghəə a faalə ghə n zəd i Yeso, wù kəfwaʼ wə u zow wə.”

Kəfwaʼ 5:12

Ngəd tə Yeso tə â ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂. Dzûmə tə Yeso tədzəm tə n təmə dzəŋi tsə n zeeli kə Solomun.

Kəfwaʼ 6:8

Sətifən â loʼ wù nə Zə̀ kə n fuu wi n ndzuŋ nsə daʼa kə naʼ idzəm. Tə n ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂.

Kəfwaʼ 7:36

Tə n ney nuu shi bə ghə nə Ijip, nə tə dii tsu dzə ghəə a faalə ghə nsə ghəə a zum ghə idzuu ghə fu tii, n dzuu i baŋa zə, nsə n mbvən ə ntsaŋ. Ghəə ghən â ney tənum nghəm nkaykə.

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

1 Kɔrint 1:22

I loʼ nə, ghə̂ a Təjuu a ləghə ni koʼ tsu dzə tətsəə ni dii tsu nə̀ tûm zən nuu bə n wɔ Zə̀ kə, ghə̂ ghən ghə way ghə̂ a Təjuu ghə a kee ləghə ni zow ghɔɔmə zey i diinə tɔb u nii wə.

2 Kɔrint 12:12

Mə â kow tsu fə̀ŋ ni ghəŋə ndəmə ghəə a zum ghə idzuu ghə nsə faalə mə n fəŋŋə kə ghaa ni dii bə tə̀ ghaa nə̀ n ndzəm loʼ ngəd ə Yeso.

2 Tesalonika 2:9

Wù wən tə sii ndzəŋŋənə ghə̂ ghə î bəghə n daʼa kə Satan. Tə i dii nfaalə, tə ghəŋə ghəə a zum ghə idzuu ghə ni nəb fu aghə̂.

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.