Tùm i dzuŋu zə kuum Yeso Klisto tə Jɔn â tɔɔnə 4:15 - Kaa n Kəzə̀ n fəghə mə

¹⁵ Weyzən wey n dza ndow tə̀ wi nə̀, “Mûkəbii, fuu bə mə n mmuu mey wə dzanə tə̀ n mə̂, kə̂ fə̀ŋ ə mmuu nə kəm zuʼlənə mə, mə i kəm bəghə way fa ni bə sìi mmuu.”

Tùm i dzuŋu zə kuum Yeso Klisto tə Jɔn â tɔɔnə 4:15 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 4:16

Yeso n dza ndow tə wi nə̀, “Ndow tɔŋɔ bə num wə, wə bə fa ghi wi.”

Tùm i dzuŋu zə kuum Yeso Klisto tə Jɔn â tɔɔnə 6:26

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀ ghaa mə kəŋə dzə way bòʼ faalə mey ghaa mə koʼnə mə n ghəŋənə, ghaa mə kəŋə bòʼ baa wey ghaa zə̂ kow tsunə.

Tùm i dzuŋu zə kuum Yeso Klisto tə Jɔn â tɔɔnə 6:34

Ghə n dza ndòw tə̀ wi nə̀, “Mûkəbii, i fuu bə ghey n baa kə tii kə nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 6:35

Yeso n dza ndòw tə̀ ghə nə̀, “N loʼ baa key kə fuunə muu zə, wù wey tə bə doʼo bənə ghi mə̀ nə̂ dey koʼ way dzəŋ. Ghə̂ ghey ghə bəghəmnə tə̀ mə̀ fə̀ŋ ə mmuu nə zuʼlə koʼ way ghə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Roma 8:5

I loʼ nə̀, ghə̂ ghən ghə muunə muu zən gow uwû ləghənə, bɔɔmə moʼlə tənə kə ghəə ghey a kpiilənə tə̀ gow uwû. A kee bə ghə̂ ghey ghə muunə, muu zey Zay kə Zow kə ləghənə, bɔɔmə moʼlə tənə kə ghəə ghey a kpiilənə tə Zay kə Zow kə.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

Jems 4:3

Abə ghaa buʼ nɔɔ kənu, ghaa way ni keeli təŋkey ghaa nɔɔ n moʼlə tə bəbə tə n fə̀ŋ tə ghaa. Ghaa nɔɔ fə u tii wə ni ghəŋŋə ghəə ghey a kpiilənə tə ghaa.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.