Tùm i dzuŋu zə kuum Yeso Klisto tə Jɔn â tɔɔnə 3:5 - Kaa n Kəzə̀ n fəghə mə

⁵ Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 3:5 Mawu Ofanana

Matyo 18:3

dza tə̀ ghə nə̀, “N kuum dza bə tə̀ ghaa nə̀, a may kə nə̀ ghaa kwey kɔʼnu, doʼo tsu tə̀ a loʼ aghinətəghə, ghaa nə̂ way ni nyi n fɔɔ wə idəŋ.

Matyo 19:24

N dza bə tə̀ ghaa nə̀, nyam zən ghə tɔŋŋə nə̀ à loʼ Kamel loʼnu ni zaŋŋə tsəghə tɔɔlə n sə̂ i fəsaʼ, tsəghəshi tə̀ wù kûm wə ni nyi n fɔɔ u Kəzə̀.”

Matyo 21:31

À loʼ waa u ghaa wə tə â ghəŋənə ghəə zey bày â ləghənə ə?” Ghə n dza, “U sə isə wey.” Sey, Yeso n dza tə̀ ghə nə̀, “N kuum dza bə tə̀ ghaa nə̀, ghə̂ a kwɔɔ a màʼlə kə tsow kə nsə gheyzən a kəkpala a nə ndow nyiənu n Fɔɔ u Kəzə̀ isə n kow ghaa.

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Matyo 3:11

N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.

Matyo 5:20

N dza bə tə̀ ghaa nə̀, a gɔʼɔ kə nə̀ muu i ghaa i loʼ tsətsəghə n sə k-a-zə̀ tsəghəshi tsu i ghə̂ a dii a kəlaŋ ghə nsə ghə̂ tə Falasi ghə, wù ghaa umɔʼ î way ni nyi dzə n fɔɔ wə idəŋ wə.”

Malakus 10:14

Ambə Yeso koʼ tsunə sey, tə n ka ləghə dzə, tə n dza ndòw tə̀ ghə nə̀, “Zəghə na ghinətəghə ghey ghə bə n səə mə, kə̂ ghaa nə kwɔɔ naŋŋənə ghə, boʼ nə̀, fɔɔ u Kəzə̀ u loʼ tə̀ ghə̂ ghey ghə loʼnə tə̀ a loʼ ghə.

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Malakus 9:47

Abə sə̂ zə i ghəŋənə nə̀ wə bwù n bəghəm i fə̀ŋ zə, bɔʼi nuu kɔʼ sə̂ i tii zə. Dzɔb loʼ tə̀ wɔ nə̀ wə nyi n fɔɔ u Kəzə̀ n sə̂ zə imɔʼ, tsəghəshi tə̀ wɔ ni ndòw n vəllə u tsali wə n sə̂ ghə abəghə.

Lukas 13:24

“Dəmə tsu na ni nyi ndow n fuʼ u ndwaw u təbə wə, n təŋkey, ndəmə aghə̂ ghə î ləghənu ni tsəghə nyi fu, jii i way tə ghə.

Lukas 13:3

Ngaŋ! N dza n dza bə tə̀ ghaa nə̀, abə ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo sey.

Lukas 13:5

Ngaŋ! N dza n dza bə tə̀ ghaa nə abə, ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo tə̀ a loʼ ghə.”

Tùm i dzuŋu zə kuum Yeso Klisto tə Jɔn â tɔɔnə 1:13

Ghə ka doʼo bə dzə waa a Kəzə̀ ghə, nə̀ Zə̀ kə ji bə ghə tə wù sɔŋtsuʼ nə jiənə waa, â ləghə tsu Kəzə̀ ni fuu ghə n muu i fəghə zə nə̀ ghə doʼo waa a wi.

Tùm i dzuŋu zə kuum Yeso Klisto tə Jɔn â tɔɔnə 3:3

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”

Tùm i dzuŋu zə kuum Yeso Klisto tə Jɔn â tɔɔnə 3:4

Nikodemus n bəb ndòw tə̀ wi nə̀, “Ghə loʼ ngee ni ji kuulə wù nə̀ tə n nyim ə? Tə loʼnu ni nyi dzəŋŋə ndow n nəghə u này wi tə̀ ghə ji kpiʼi bə wi ə?”

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 15:50

Waazə ghə, ghəə zey n dzanə i loʼ nə̀, wû u wù sɔŋtsuʼ u way dzə ni nyi n fɔ̀ɔ u Kəzə̀. Gow uwû zən i fwaynə, way dzə ni nyi n fɔɔ u Kəzə̀ wən fə u fway way fu.

1 Kɔrint 2:12

À kee loʼ nə̀ ghey khənu nə̀ naamə udzəm u nuu bə n wɔ Zə̀ kə, n təŋkey, Zə̀ kə ka fuu dzə ghey n zay kə wù wey tə muunə fa n mbi, tə fəd fuu ghey n Zay kə wi kə.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

Galeshia 6:15

Tə ghə səghə tyi kə kə̀ nkee ghə ka səghə, kweyyə kə loʼ way dzə n sə K-a-zə̀. Isəŋə loʼ kə nə̀, saa doʼo bə ghə̂ a fəghə ghə.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Jɔn 2:29

Saa khə Klisto tə a loʼ wù wey tə loʼnə tsətsəghə, saa a khə soʼonə nə̀ wù wən tə ghəŋənə ghəə a wi ghə tsətsəghə, à loʼ waa Kəzə̀.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.