Tùm i dzuŋu zə kuum Yeso Klisto tə Jɔn â tɔɔnə 3:27 - Kaa n Kəzə̀ n fəghə mə

²⁷ Jɔn n beeli ndòw ghə nə̀, “Abə Zə̀ kə idəŋ kə ka fuu wù n fə̂ kə, wù way ni keeli koʼ fə̂ kə tii kə.

Tùm i dzuŋu zə kuum Yeso Klisto tə Jɔn â tɔɔnə 3:27 Mawu Ofanana

Matyo 21:25

Jɔn â ney ghee daʼa kə ni fuu ghə̂ ghə n mmuu n Kəzə̀ mə ə? Â loʼ n wɔ Zə̀ kə idəŋ kə mɔ â loʼ n wɔ wù sɔŋtsuʼ ə?” Ghə n ghɔɔmə n wû i ghə dza nə̀, “Abə a dza tsunə nə̀, ‘Â loʼ n wɔ Zə̀ kə idəŋ kə’, tə î bəbə bə tə̀ saa nə̀, ‘Ghaa â ka sə bəghəm tə̀ wi nə̀ a loʼ kee?’

Matyo 25:15

Tə n fuu ndòw kə tə̀ kay, tə̀ daʼa kə wi kə diinə. Tə n fuu ndòw wù umɔʼ n mbəghə wə ukhəə wə utaa, fuu ndòw u loʼ wə n mbəghə wə ubəghə, fuu ndòw wù loʼ wey n mbəghə kə kəmɔʼ.

Malakus 13:34

Nəŋə i tii zə î bəghə tə a loʼ wù loʼ tə a shi bwey ndòwnə, fuu tsu kədaʼa tə̀ ghə̂ a kəfwaʼ a wi ghə nə̀ ghə i keyyə ndaw wi. Tə n dzawwə naŋa tsu kay wù n fwaʼ kə wi kə. Dza naŋa tsu tə̀ wù wey tə keyyənə n fuʼ u mbàa nə̀ tə i tɔʼɔ nyaŋŋə luʼu tə.

Tùm i dzuŋu zə kuum Yeso Klisto tə Jɔn â tɔɔnə 10:41

Ndəmə aghə̂ ghə n bəghə n səə wi dza nə̀, “Jɔn â ka ghəŋə dzə faalə n loʼ mə, i sey diinə ghəə ghey adzəm Jɔn â dzanə kuum wù wən loʼ isəŋə.”

Tùm i dzuŋu zə kuum Yeso Klisto tə Jɔn â tɔɔnə 6:65

Tə n dza kpiʼi tsu nə̀, “À wən loʼ ghə i tii zə mə â dzanə tə̀ ghaa nə̀, wù way dzə ni bə doʼo ghi mə nə̀ Bày wuŋ ka bəghəm nə̀ tə doʼo ghi mə.”

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 12:6

I loʼ nə̀, nghee tə̀ Zə̀ kə khənə fə̀ŋ i dzuŋu zə, tə n fuu kay wù saa n naamə kə wi kə n nəŋ. Abə à loʼ nə̀ Zə̀ kə naamə wɔ n naamə kə ni naʼlə tûm Kəzə̀, wə khə ni teeli naʼlə ndow sey tə̀ Zə̀ kə fuunə wɔ n bəghəm i fə̀ŋ zə.

1 Kɔrint 1:1

À màʼlə kən tɔ̀ɔ bə mə Pɔl wən Zə̀ kə say kɔʼnə n ləghə i wi nə̀ n doʼo ngəd ə Yeso Klisto. N loʼ fa ghi waazə saa, tɔŋŋə Sɔstenes.

1 Kɔrint 12:11

Ghəə ghən adzəm a fuu bə Zay kə Zow kə mɔʼɔ kə, à tsə̀mə tsuu soʼo wi ndzoʼo naamə key tə i fuunə tə̀ kay wù.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.