Tùm i dzuŋu zə kuum Yeso Klisto tə Jɔn â tɔɔnə 3:25 - Kaa n Kəzə̀ n fəghə mə

²⁵ Ngəd tə Jɔn tə loʼ tə n kaʼ ni baŋŋə təfəghəm ghi wù Juu u loʼ wə bòʼ jìi zey wù khə ni kàli uwû tii ni ghəŋə nə̀ tə i zow n sə K-a-zə̀.

Tùm i dzuŋu zə kuum Yeso Klisto tə Jɔn â tɔɔnə 3:25 Mawu Ofanana

Matyo 3:11

N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.

Malakus 7:8

Yeso n ndow n sə kə dza nə̀, “Ghaa n baʼ naŋa laŋ u Kəzə̀, fədlə tɔʼlə naŋŋə kə ghəə ghə inaʼ a ghaa.”

Tùm i dzuŋu zə kuum Yeso Klisto tə Jɔn â tɔɔnə 2:6

Ghə â kpeyyə naŋa nyi tsu tsɔm wə mmuu fu nə atay utuubə, nə ghə̂ a Təjuu ghə i kali wû zə tii tə̀ laŋ kə dzanə sey nə̀ ghə i zow n sə K-a-zə̀. Tsɔm kəmɔʼ n loʼ ni ney tə̀ a loʼ jɔg tə mmuu tətuubə.

Hibru 6:2

Saa kəm khə soʼo way ni ghɔɔmə zeeli ghəə ghə bòʼ ni dii aghə̂ n ghəə a fuu a wù ghə n mmuu n Kəzə̀ mə, ghəə a gaʼa ghə awɔɔ ghə n tow kə wù ni fuu ibuulə, ghəə a zhəm dzəŋŋə bə ghə nə ivə. Saa khə soʼo way ni ghɔɔmə zeeli nghee Zə̀ kə i saʼanə ghə̂ ghə a tii nsə nghee saʼ i wi i doʼo tən nə.

Hibru 9:10

Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.

Hibru 9:23

À wey loʼ ghə i tii zə ghə â khənə ni sow fə wən u fiilənə u wən u loʼnə idəŋ ni ghəŋə nə̀ wə i zow. A kee bə fə wən u loʼnə idəŋ, ghə khə ni sow maʼa nə̀ ghə fəələ maʼlə wən u tsəghəshinə u wən ghə fəələnə n kaŋ tə tənyam.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.