Tùm i dzuŋu zə kuum Yeso Klisto tə Jɔn â tɔɔnə 3:17 - Kaa n Kəzə̀ n fəghə mə

¹⁷ Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi.

Tùm i dzuŋu zə kuum Yeso Klisto tə Jɔn â tɔɔnə 3:17 Mawu Ofanana

Matyo 1:23

“Weyzən, nə̀ tə ka kam nyəŋi koʼ tsə ghi weynum, î bɔŋɔ waa nə̀ tə ka nyəŋi ghi weynum. Tə̂ i ji bə waa ù nûm wə̀, Ghə i tɔŋŋə waa u num u tii wə nə̀ a loʼ Imanwe I dii tsunə nə̀, Zə̀ kə loʼ ghi saa.”

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 18:11

[Waa weynum bə ni bə bəghəshi ghə̂ ghey ghə laʼanə.]

Lukas 19:10

Kùum nə Waa wù sɔŋtsuʼ bə ni bə kəŋ koʼ nsə ni bəghəshi ghə̂ ghey ghə nay doʼo nə.”

Lukas 9:56

Sey ghə n nuu ndòw muu ndow n naʼ i nuu zə.

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 11:42

N khənu nə̀ wə zow tsənu gɔŋŋə zuŋ zə, n kee dza bə i zən bòʼ ghə̂ ghən ghə teynə fa, nə ghə bəghəm nə̀ a loʼ wɔ wə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 17:18

Mə n tûm nyi ndow ghə n mbi, ighələ tə̀ wə â tûm nyi bə mə n mbi.

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 5:36

N kee khə ghəə a nuu ghə a tiilə dza bənə ndzoʼo wù wey n loʼnə nə̀ a tsəghəshi a ghən Jɔn â tiilə dzanə bòʼ mə. Imɔʼ loʼ fwaʼ kən n fwaʼanə, tɔŋŋə fwaʼ kən Bày fu naŋanə tə̀ mə nə̀ n fwaʼ. Fwaʼ kən n fwaʼa nə̀, tiilə dza bə aghəə bòʼ mə nə̀ à loʼ Bày tə tûmnə mə̀.

Tùm i dzuŋu zə kuum Yeso Klisto tə Jɔn â tɔɔnə 5:38

Ghaa ka ney naŋa dzə ghɔɔmə i wi zə n fə̀ŋ tə ghaa n təŋkey ghaa ka bəghəm dzə tə̀ wù wey tə tûm bənə.

Tùm i dzuŋu zə kuum Yeso Klisto tə Jɔn â tɔɔnə 5:45

Kə̂ ghaa nə̂ moʼlənə nə̀ a i loʼ mə, mə i dzanə tə̀ Bày nə̀ ghaa n bwu laŋ kə. Wù wey tə i dzanə tə̀ Bày nə̀ ghaa n bwu laŋ kə, loʼ Mushi wən ghaa â gaʼ fə̀ŋ tə ghaa tə n kow wi.

Tùm i dzuŋu zə kuum Yeso Klisto tə Jɔn â tɔɔnə 6:29

Yeso n beeli ndòw ghə nə̀, “Ghəə zey Zə̀ kə ləghənə nə̀ ghaa ghəŋə, a loʼ nə̀ ghaa bəghəm tə̀ wù wey tə tûm bənə.”

Tùm i dzuŋu zə kuum Yeso Klisto tə Jɔn â tɔɔnə 6:38

N ghəə ghən dza n təŋkey n ka nuu tsu bə dzə idəŋ ni bə ghəŋə ghəə ghey n ləghənə, n fəd nuu tsu bə ni bə ghəŋə ghəə ghey wù wey tə tûmnə mə, ləghənə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Tùm i dzuŋu zə kuum Yeso Klisto tə Jɔn â tɔɔnə 6:57

Bày wən tə tûmnə mə loʼ Bày wən tə fuunə muu zə. Nghee tə n muunə bòʼ muu zən tə fuunə tə̀ mə, à loʼ ighələ ghi wù wey tə fə̂nə wû wuŋ wə, tə i muulənə bòʼ muu zən mə i fuunə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 7:29

N kee khə wi, n təŋkey, n nuu bə n səə wi, a loʼ wi tə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 8:11

Weyzən wey n beeli ndòw wi nə̀, “Ngaŋ! Mûkəbii, wù loʼ ka doʼo səə dzə.” Yeso n dza ndòw tə̀ wi nə̀, “Mə soʼo n way ni dza sey. Nuu ndòw i zə zə̀, kə wə nə̂ kee kəm ghəŋŋə ghəə a bəbə ghə.”]

Tùm i dzuŋu zə kuum Yeso Klisto tə Jɔn â tɔɔnə 8:42

Yeso n dza ndòw tə̀ ghə nə̀, “Abə Zə̀ kə mə ndzəm loʼnə bày ghaa, ghaa mə ləghə mə, n təŋkey, n nuu bə n səə Zə̀ kə, n ka bə dzə n ngəŋ zuŋ, a mə tûm bə Kəzə̀.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.