Tùm i dzuŋu zə kuum Yeso Klisto tə Jɔn â tɔɔnə 3:16 - Kaa n Kəzə̀ n fəghə mə

¹⁶ Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 3:16 Mawu Ofanana

Matyo 9:13

Ndòw kəŋ shi kɔʼ na ghəə zey i diinə tə ghɔɔmə zən dza nə̀, ‘N ləghə ghə̂ ghey ghə khənə sî i kwɔɔlə zə n wû i ghə, n ka ləghə dzə nə̀ ghə i səghə nyam tə ni fəələ umaʼlə tii tə̀ mə.’ N təŋkey, n ka bə dzə ni bə tɔŋɔ ghə̂ ghey ghə loʼnə tsətsəghə, n fəd bə ni bə tɔŋɔ ghə̂ a bəbə ghə.”

Malakus 12:6

Wù tii â khə kə waa wi umɔʼ tə â ngii ləghənə. Tə n baa bə tûm ndòw wi dza nə̀, ‘N moʼo ghə̂ ghən ghə i ngɔɔmənu waa wuŋ.’

Lukas 2:14

“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 10:28

N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Tùm i dzuŋu zə kuum Yeso Klisto tə Jɔn â tɔɔnə 3:15

sey nə̀, wù wey tə bəghəmnə tə̀ wi, tə i keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 3:18

Wù wey tə bəghəmnə tə̀ wi, Zə̀ kə kəm saʼa way wi, wù wey tə ka kee bəghəm tə̀ wi, Zə̀ kə n saʼ a wi gboo khəə tən, tə u naŋa wi n ngoʼ, n təŋkey, tə ka bəghəm dzə n zəd i sɔʼi fə Waa wi.

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 5:8

Zə̀ kə n kee dii bə nə̀ tə ngii ləghə saa nghee tə̀ tə â tûm bənə Klisto nə̀ tə bə kpu n tow u saa nə̀ saa nam loʼ tsə ghə̂ a bəbə ghə.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

Efesus 2:4

À kee loʼ kə nə̀ Zə̀ kə ngii khə sî i kwɔɔlə zə, tə ngii ləghə saa naʼ idzəm.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

Taytus 3:4

Zə̀ kən kə loʼnə bəghəshi ə saa n kee dii bə fə̀ŋ ə wi i dzuŋu zə nsə ləghə i wi zə tə̀ saa,

Hibru 2:9

Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.