Tùm i dzuŋu zə kuum Yeso Klisto tə Jɔn â tɔɔnə 21:18 - Kaa n Kəzə̀ n fəghə mə

¹⁸ N kùm dza bə tə wɔ nə̀, nghee wə â nam loʼ winətəghə, wə n dzəŋŋə tsə ndzə tə n nəŋə wɔ, ndow n luʼu tey wə ləghənə ni ndow, a kee loʼ kə nə̀ abə wə i dən tsu, u nə naalə shiə ndow ikpi, wù nuu nə dzəŋə fu tsu ndzə tə, tə boʼo kɔʼ wɔ, tə ney ndow wɔ n luʼu key wə mə buʼu ləghə way ni ndow.”

Tùm i dzuŋu zə kuum Yeso Klisto tə Jɔn â tɔɔnə 21:18 Mawu Ofanana

Lukas 12:37

A i loʼ ghə i dzuŋu zə tə̀ ghə̂ a kəfwaʼ ghey mûkəbii ə ghə i kwɔɔlə bənə ghə nə̀ ghə loʼ n luʼu k-a-fwaʼ abə tə i dzəŋŋə bənə. N kûum dza bə isəŋə nə̀ tə i ndzuŋŋə tsu uwû tə bə fuu ghə n fəzəə wə.

Tùm i dzuŋu zə kuum Yeso Klisto tə Jɔn â tɔɔnə 13:36

Shimun Pita n bəb tə̀ wi nə̀, “Mûkəbii, wə dza i ndow ghee?” Yeso n beeli ndow wi nə̀, “Luʼu key n ndownə tii, wə way dzə ni bə nya n baa mə. Wə i wɔ dzûmə bənu mə.”

Tùm i dzuŋu zə kuum Yeso Klisto tə Jɔn â tɔɔnə 21:17

Yeso n kəm bəb kpiʼi ndow tə̀ wi ni ghəŋə ndow tənəŋə tətəghə nə̀, “Shimun, waa Jɔn, wə ləghənu mə ə?” Ghə i tii zə n ngii fəmmə Pita n fə̀ŋ nghee tə bəbə kuulə kə ghə zə imɔʼ. Tə n beeli ndow wi nə̀, “Mûkəbii, wə khə aghəə adzəm, wə a khə soʼo nə n ləghənu wɔ.” Yeso n dza ndow tə wi nə̀, “I laalə njì tuŋ tə.

Tùm i dzuŋu zə kuum Yeso Klisto tə Jɔn â tɔɔnə 21:19

Yeso ghəə ghən â khəə ni dii tsu ndzoʼo və zey Pita i kpuu ghii zə, i zey i nə fuu kɔʼlə mə tə̀ Zə̀ kə. Yeso n daŋŋə dza tə̀ wi nə̀, “Dzûmə bə mə.”

Kəfwaʼ 21:11

Tə n bə koʼ tsu ghey, ney kɔʼ kwɔɔ fə Pɔl, kow tsu fuu i wi nsə kpii i wi zə tii, dza tsu nə̀, “Zay kə Zow kə dza nə̀, ‘À wən loʼ jìi zey ngəd tə Təjuu tey n Yerosalem i kwɔɔ kow tsunə wù wey tə khənə kwɔɔ fən, ghə ney fu tsəghə ndow wi tə ghə̂ ghey ghə way ghə̂ a Təjuu ghə.’”

2 Kɔrint 5:4

Nghee saa loʼnə n vən fə uwû fən, saa dzɔɔlənu bòʼ ngoʼ zən saa loʼnə tii. Saa dzɔɔlə dzə way nə̀ saa ləghə ni tsɔʼ nu vən fə uwû fən, à fəd loʼ nə̀ Zə̀ kə mə gbaʼlə bə wû u fəghə wey u loʼnə idəŋ n kow saa, sey nə̀, muu zey i doʼo tənnə, loʼ ni fə nuu kɔʼ muu zən i maynə.