Tùm i dzuŋu zə kuum Yeso Klisto tə Jɔn â tɔɔnə 20:22 - Kaa n Kəzə̀ n fəghə mə

²² Ambə Yeso dza tsunə sey, tə n zày ndow n kow ghə, dza tə̀ ghə nə̀, “Ney na Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 20:22 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 14:16

Mə i gɔŋŋə ndow tə Bày, tə i tûm bə ghaa n Wù wey tə tsə̀ənə ghə̂ ghə, tə i bə doʼo tən bə ghi ghaa tə̀ mbi nə bə may.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Tùm i dzuŋu zə kuum Yeso Klisto tə Jɔn â tɔɔnə 16:7

N kee nam dza bə kə isəŋə tə̀ ghaa nə̀, a loʼ n ndzuŋ ə ghaa n nuulə ndownə, n təŋkey, abə n ka nuu ndow, Wù wey tə tsə̀ənə ghə̂ ghə i bə way. Nə n kee nuu ndow dzənu, mə i ndow tûm bə wi tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Tùm i dzuŋu zə kuum Yeso Klisto tə Jɔn â tɔɔnə 20:23

Abə wù ghaa neyzəənə bəb i wù zə, Zə̀ kə n neyzəə soʼo bəb i wù tii, nə̀ ghaa ka bəb i wù i neyzəə, Zə̀ kə i neyzəə soʼo way bəb i wù tii zə.”

Tùm i dzuŋu zə kuum Yeso Klisto tə Jɔn â tɔɔnə 7:39

Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.

Kəfwaʼ 10:47

“N khənu nə wù loʼ way dzə fa tə loʼ ni tuu nə̀ ghə̂ ghən ka ney mmuu n Kəzə̀ mə nə mmuu n təŋkey, ghə n keeli soʼo Zay kə Zow kə tə a loʼ saa.”

Kəfwaʼ 19:2

Tə n bəb tə ghə nə̀, “Zay kə Zow kə â nyinu n kow ghaa n nəŋə zey ghaa â bəghəmnə tə Klisto ə?” Ghə n beeli ndow wi nə̀, “Ngaŋ, ghey ka kam buʼ zow koʼ tsə nə̀ fə kə loʼ kə loʼnu tə a loʼ Zay kə Zow kə.”

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 4:8

Zay kə Zow kə n nyi bə n kow Pita, tə n beeli ndow ghə nə̀, “Tsoʼ tə inaʼ tə nsə ngəd tə inaʼ tə!

Kəfwaʼ 8:15

Ambə ghə ndow nyi ndownə fu, ghə n gɔŋŋə n tow u ghə̂ ghey ghə â bəghəmnə tûm i dzuŋu zə, nə̀ ghə mbɔŋ keeli Zay kə Zow kə.

Galeshia 3:2

N dza n bəb bə tə ghaa nə̀, ghaa â keeli Zay kə Zow kə n wɔ Zə̀ kə nə ghaa naŋŋə kəlaŋ nkee â loʼ bòʼ bəghəm i fə̀ŋ i ghaa n tûm i dzuŋu zən ghaa â zownə ə?