Tùm i dzuŋu zə kuum Yeso Klisto tə Jɔn â tɔɔnə 20:16 - Kaa n Kəzə̀ n fəghə mə

¹⁶ Yeso n tɔŋɔ tsu wi nə̀, “Maria.” Maria n laalə ndow wi, tɔŋɔ ndow wi n ghɔɔmə i Hibru nə̀, “Raboni!” I dii nə̀, “Wù dii.”

Tùm i dzuŋu zə kuum Yeso Klisto tə Jɔn â tɔɔnə 20:16 Mawu Ofanana

Matyo 14:27

Yeso n daŋŋə ghɔɔmə ndòw tə̀ ghə dza nə̀, “Kwu tsu na fə̀ŋ tə ghaa tə, a loʼ mə, kə̂ ghaa nə̂ tsəŋənə.”

Malakus 10:51

Yeso n bəb ndòw tə̀ wi nə̀, “Wə̀ ləghə nə̀ n ghəŋə tsu ghə i ghaa zə tə̀ wɔ ə?” Tə n dza tə̀ wi nə̀, “Wù dii, N ləghə ni kəm koʼ təluʼu.”

Lukas 10:41

Yeso fəd dza ndòw tə̀ wi nə̀, “Matta! Matta! Wə̀ ngii fəmmə wû wə n ndəmə tə aghəə.

Tùm i dzuŋu zə kuum Yeso Klisto tə Jɔn â tɔɔnə 1:38

Yeso n khə̂mə kɔʼ, koʼ ndòw ghə, ghə dzûmə bənə wi, tə n bəb tə̀ ghə nə̀, “Ghaa kəŋə bə kee.” Ghə n beeli ndòw wi dza nə̀, “Wə muu ghee a Wù dii?”

Tùm i dzuŋu zə kuum Yeso Klisto tə Jɔn â tɔɔnə 1:49

Natanyə n beeli ndòw wi dza nə̀, “Wù dii wə, wə̀ ndzəm loʼ Waa Kəzə̀! Wə̀ loʼ də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 10:3

Fwaʼ kə wù keyyə kə loʼ ni chi fuʼ u mbàa tə wù baʼa u tənjì wə. Wù baʼa u tənjì wey təmi tsu kə n fuʼ u mbàa, tə n tɔŋɔ nuu shi ndow njì tey n zəd a ghə, njì tə tii tə n zowkeeli dzə̂ ə wi, dzûmə shi ndow wi.

Tùm i dzuŋu zə kuum Yeso Klisto tə Jɔn â tɔɔnə 11:28

Ambə Mata ghɔɔmə may tsunə sey, tə n nuu dzəŋŋə i ndòw, ndòw koʼ tsu waazə ə wi, tɔŋŋə Maria, tsɔŋ dza tsu tə̀ wi nə̀, “Wù dii loʼ fa, tə ləghə ni koʼ wɔ.”

Tùm i dzuŋu zə kuum Yeso Klisto tə Jɔn â tɔɔnə 13:13

Ghaa tɔŋŋə mə nə̀ a loʼ Wù dìi, tɔŋŋə soʼo nə̀ a lo Mûkəbii. À loʼ isəŋə, ghaa tɔŋŋə dzɔbnu, n təŋkey, a loʼ fə key n loʼnə ghii kə.

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 3:2

N tsuʼ fə loʼ fə, tə n ndòw bə n səə Yeso n tsuʼu tə, dza nə̀, “Wù dii wə, n khənu nə̀ a wɔ tûm bə Kəzə̀ nə̀ wə bə dii ghey n ghəə ghə, n təŋkey, wù loʼ way dzə tə loʼnə ni fwaʼ ndzoʼo ghəə a faalə ghən wə fwaʼanə, a gɔʼɔ kə nə̀ Zə̀ kə loʼ ghi wi.”

Tùm i dzuŋu zə kuum Yeso Klisto tə Jɔn â tɔɔnə 5:2

Tsəm kə mmuu kə loʼ kə n loʼ fu n Yerosalem n səə fuʼ u mbàa wey ghə tɔŋɔnə nə̀ a loʼ fuʼ u mbàa u tənjì. Ghə â tɔŋŋə tsəm kə tii kə n ghɔɔmə i Hibru nə̀ a loʼ Bezada. Tsəm kə tii kə khə uzeeli utaa.

Tùm i dzuŋu zə kuum Yeso Klisto tə Jɔn â tɔɔnə 6:25

Ambə ghə̂ ghey bə koʼ bənə Yeso n nguŋ inyi i loʼ zey, ghə n bəb tə̀ wi nə̀, “Wù dii, wə fa bə nyi zeeli.”

Kəfwaʼ 10:3

N tsuʼ fə loʼ fə, nə a kɔʼɔ ndow tənəŋə tətəghə n tsə tə, jim wə n bə wi nə tə mə koʼ ndow tsəndəghə ə Kəzə̀ i nyi bənə, dza tə wi nə̀, “Kɔnilus!”

Kəfwaʼ 9:4

Tə n bwu shi tsu bə n khinyam key aghəd, zow tsu dzə i loʼ zə i ghɔɔmənə tə wi nə̀, “Sɔl, Sɔl, à loʼ kee wə chɔdlɔnə mə ə?”