Tùm i dzuŋu zə kuum Yeso Klisto tə Jɔn â tɔɔnə 2:19 - Kaa n Kəzə̀ n fəghə mə

¹⁹ Yeso n dza ndòw tə̀ ghə nə̀, “Saʼa maʼa tsu na Ndaw Kəzə̀ zən, mə i bəghə dzəŋŋə kɔʼ nə ntsuʼ ntəghə.”

Tùm i dzuŋu zə kuum Yeso Klisto tə Jɔn â tɔɔnə 2:19 Mawu Ofanana

Matyo 12:40

N təŋkey, tə̀ Jona â doʼonə n nəghə wə itsəghə nə ntsuʼu ntəghə, Waa Weynum î doʼlə soʼo ntsuʼu ntəghə n fə̀ŋ ə ghəlikətsə.

Matyo 16:21

Sey ni zey tsu n nəŋə i tii zə, Yeso n kaʼ ni dza tə̀ ngəd tə wi tə nə̀, “N khə ni teeli ndòw n Yerosalem, mə i fəghə n wɔɔ kə ngəd tə inaʼ tə, ghə fɔɔngili a nii ghə, nsə ghə̂ a dii a kəlaŋ ghə. Ghə i wey mə, a i bə n bam zə ntsuʼu ntəghə Zə̀ kə i zhəm dzəŋŋə bə mə nə ivə.”

Matyo 27:40

dza nə̀, “À wən loʼ wù wən tə â dzanə nə̀ tə î saʼa tsu Ndaw Kəzə̀ i nii zə n Yerosalem, tə bəghə dzəŋŋə kɔʼ nə ntsuʼu ntəghə. Bəghəshi bə wû wə wə̀ abə à loʼ nə̀ wə loʼ Waa Kəzə̀. Shi tsu bə fey n zat kə fəkaʼ.”

Matyo 27:63

Ghə n dza tə̀ wi nə̀, “Mûkəbii, a nam moʼlənu nə̀ wù badla wə aghəə wey â dza naŋa zey n nəŋə zey tə â nam loʼnə utaw nə̀, ‘A i bə nə ntsuʼ ntəghə, Zə̀ kə i zhəm dzəŋŋə bə mə nə̀ ivə.’

Malakus 14:58

“Ghey a zow tə dzanə nə̀, ‘Mə i sàʼa maʼa tsuu ndaw Kəzə̀ i nii zən n Yerosalem, ghə̂ ghə â bɔmnə, n kəm bəghə dzəŋŋə kɔʼ i nuu zə nə ntsuʼu ntəghə nə̀ a ka wù sɔŋtsuʼ bəghə dzə.’”

Malakus 15:29

Ghə̂ ghey ghə â tsəghənə n jìi, n soʼo kətow, kpaalə Yeso dza nə̀, “Ahaa! N dza wə â dza nə̀ wə i saʼa maʼa ndaw Kəzə̀ i nii zə n Yerosalem, wə bəghə dzəŋŋə kɔʼ nə ntsuʼu ntəghə ə?

Malakus 8:31

Yeso n kaʼ ndòw ni dii aghəə tə̀ ngəd tə wi tə nghee tə̀ tə khənə ni fəghə, dza tə̀ ghə nə̀, “Waa wù sɔŋtsuʼ khə ni koʼ ndəmə uchɔd, ngəd tə inaʼ, ghə fɔɔngili a nii ghə, nsə ghə̂ a dii a kəlaŋ ghə i tuu maʼa wi. Ghə i wey wi, a i bə tsuʼu n tsəghə tsunə ntəghə, tə i zhəm dzəŋŋə bə nə ivə.”

Tùm i dzuŋu zə kuum Yeso Klisto tə Jɔn â tɔɔnə 11:25

Yeso n dza ndòw tə̀ wi nə̀, “À loʼ mə n zhəm dzəŋŋə nə ghə̂ ghə nə ivə, a loʼ mə n fuu soʼonə muu zə. Wù wey tə bəghəmnə tə̀ mə, abə tə kpu kənu, tə î keeli imuu.

Tùm i dzuŋu zə kuum Yeso Klisto tə Jɔn â tɔɔnə 5:19

Yeso n dza ndòw tə̀ ngəd tə Təjuu tey nə̀, “N kûm dza bə isəŋə tə̀ ghaa nə̀, Waa way dzə ni ghəŋə dzə ghə i loʼ zə n daʼa kə wi. Tə ghəŋŋə ndòw kə ghəə zey tə koʼ neynə n wɔ Bày. N təŋkey, ghəə zey Bày ghəŋŋənə, Waa bɔɔmə ghəŋŋə ndòw kə i ghi.

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Kəfwaʼ 3:15

Ghaa â wey maʼa wù wən tə fuunə muu zə, Zə̀ kə n kee zhəm dzəŋŋə bə wi nə ivə. Ghey mâ koʼ ghəə a tii ghə adzəm, ghey a dza bənə nya tə ghaa.

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 6:14

Ghey â zow wi tə dzanə nə̀ Yeso wù Nazared wən i saʼa maʼanu Ndaw Kəzə̀ ə saa zən, tə kwey kɔʼ soʼo ghəə ghə inaʼ ghən Mushi a fuu naŋanə tə̀ saa.”

Roma 4:24

Ghə â tɔ̀ɔ soʼo tə saa, ghən Zə̀ kə nə neynə saa nə̀ saa loʼ tsətsəghə n təŋkey saa bəghəm tə̀ wù wey tə â zhəm nuu dzəŋŋə bənə Mûkəbii saa Yeso nə ivə.

Roma 6:4

Mmuu n Kəzə̀ mən saa â neynə, a loʼ tə̀ ghə nə tsəllə dzəŋi ndownə saa ghi Klisto tə̀ a loʼ ghə̂ a kpu ghə. Zə̀ â shi sey ni ghəŋə nə̀ saa keeli muu i fəghə zə ighələ tə Klisto â keelinə n nəŋə zey Bày wi â zhəm dzəŋŋə bənə wi nə ivə n daʼa kə wi kə səŋə kə.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

1 Kɔrint 15:12

Saa fa naʼlə kaabə tsə nə̀ Zə̀ kə mâ zhəm dzəŋŋə Klisto nə ivə, a kee loʼ kee ghə̂ a loʼ ghə n fəŋŋə kə ghaa dza kaabənə nə̀ ghə̂ a way ni zhəm dzəŋŋə nə ivə ə?

Kolose 2:12

N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,