Tùm i dzuŋu zə kuum Yeso Klisto tə Jɔn â tɔɔnə 2:16 - Kaa n Kəzə̀ n fəghə mə

¹⁶ Tə n dza ndòw tə̀ ghə̂ ghey ghə â fìilənə buŋu tey nə̀, “Shi na n fə̂ wən a bii! Kə ghaa nə kəm ghəŋŋə nə̀ ndaw Bày wuŋ doʼo luʼu kə bikiwən.”

Tùm i dzuŋu zə kuum Yeso Klisto tə Jɔn â tɔɔnə 2:16 Mawu Ofanana

Matyo 21:12

Yeso n ndòw n Ndaw Kəzə̀ i nii zə n Yerosalem, dzùm shi ghə̂ ghey ghə â zûlənə fə wə nsə ghə̂ ghey ghə â fìilənə fu. Tə n tuŋu maʼa baŋŋə u ghə̂ ghey ghə â kweyyənə khəə wə fu, nsə ndaŋ tə ghə̂ ghey ghə â fìilənə fə̀ wə.

Matyo 21:13

Tə n dza ndòw tə̀ ghə nə̀, “Zə̀ kə dza n màʼlə K-a-zə̀ nə̀, ‘Ghə î tɔŋŋə luʼu key ghə ngɔɔmənə mə tii nə̀ a loʼ ndaw i gɔŋŋə zə.’ Ghaa u fəd ney naŋa kɔʼnə nə̀ a loʼ luʼu k-a-nyi tə̀ ghə̂ a tsɔŋɔ ghə.”

Matyo 22:5

Ghə̂ a tii ghə n ka tsəm kɔʼ say kətow, fədlə ghəŋŋə ndòw kə ghəə a ghə. Wù ghə umɔʼ n nuu soʼ ndòw n sum u wi, u loʼ wə n nuu ndòw n luʼu kə bikiwən kə wi,

Malakus 11:17

Tə n dza tə̀ ghə̂ ghə nə̀, “I loʼ n màʼlə K-a-zə̀ nə̀ Zə̀ kə dzanə, ‘Ndaw zuŋ i doʼlə ndaw i gɔŋŋə zə tə̀ naʼa tə tədzəm.’ Ghaa u ney kee ney naŋa kɔʼnə nə̀ a loʼ luʼu key ghə̀ a tsɔŋɔ a nyiə doʼonə tii.”

Lukas 2:49

Tə n beeli ndow ghə dza, “ghaa mə kəŋə mə bòʼ kee? Ghaa mə khə way nə n mə khə ni loʼ n ndaw bày wùŋ ə?”

Tùm i dzuŋu zə kuum Yeso Klisto tə Jɔn â tɔɔnə 10:29

Bày wuŋ wən tə fuu bənə ghə tə̀ mə, taw tsəghəshi aghə̂ adzəm. Sey wù umɔʼ tsəm way ni bəkeeli nuu ghə n wɔɔ kə Bày.

Tùm i dzuŋu zə kuum Yeso Klisto tə Jɔn â tɔɔnə 2:15

Tə n bəghə kɔʼ ikwɔɔ nə ubaʼ, baʼ dzum shi nyam tey tədzəm fu tii n ndaw Kəzə̀ i nii zə n Yerosalem, tɔŋŋə təmbɔŋ nsə njì tə, saŋŋə maʼa khəə u ghə̂ a kweyyə ghə ukhəə ghey, tuŋu maʼa baŋŋə u ghə.

Tùm i dzuŋu zə kuum Yeso Klisto tə Jɔn â tɔɔnə 20:17

Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Tùm i dzuŋu zə kuum Yeso Klisto tə Jɔn â tɔɔnə 5:17

Yeso n fəd beeli ndòw ghə nə̀, “Bày wuŋ fwaʼa nəŋə tədzəm, n khə ni teeli fwaʼ soʼo nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 8:49

Yeso n beeli ndòw ghə nə̀, “Zay kə bəbə kə way dzə n kow mə. N fuu nkɔʼlə tə̀ Bày wuŋ, ghaa u kee ngɔɔmə way mə.

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.