Tùm i dzuŋu zə kuum Yeso Klisto tə Jɔn â tɔɔnə 19:34 - Kaa n Kəzə̀ n fəghə mə

³⁴ Sawgoʼ imɔʼ n sawgoʼ tə tii tə n ney kɔʼ ighɔŋ, saw nyi kɔʼ ndow teybow i Yeso tii, mmuu mə n daŋŋə shi tsu bə n kaŋ tə tii n fəŋ i tii zə.

Tùm i dzuŋu zə kuum Yeso Klisto tə Jɔn â tɔɔnə 19:34 Mawu Ofanana

Matyo 27:62

Ambə tsətsə wey, à n loʼ tsuʼ inaʼ u ghə̂ a Təjuu, ghə fɔɔngili a nii ghə nsə ghə̂ a tə Falasi ghə n ndòw koʼ ndòw Pilato.

Tùm i dzuŋu zə kuum Yeso Klisto tə Jɔn â tɔɔnə 19:33

Tə̀ ghə ni bə n kow Yeso, ghə n koʼ kɔʼ nə̀ tə mâ khə kpu, ghə n ka kəm khə̂mə fuu i wi.

Tùm i dzuŋu zə kuum Yeso Klisto tə Jɔn â tɔɔnə 20:20

Ambə tə dza tsunə sey, tə n dii ndow wɔɔ a wi, nsə teybow i wi zə. Ngəd tə tii tə n ngii duʼlə nghee ghə koʼ kɔʼ Mûkəbii.

Kəfwaʼ 22:16

Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 9:13

Ghə fɔɔngili a loʼ ghey â ney kɔʼɔ tsə kaŋ tə ji, kaŋ tə mbɔŋɔlɔʼ nsə dzəm u waa mbɔŋɔlɔʼ wə, ghə n wədlə ndow n wû i ghə̂ ghən ghə loʼ nə̀ ghə n ghəŋə bəəbə, sey nə̀ ghə i zow tə laŋ u Mushi u diinə.

Hibru 9:22

I ndzəm loʼ n laŋ kə Mushi nə̀ à teeli loʼ kə təkaŋ tə ghəŋŋənə nə̀ ufə udzəm wə i zow nsə nə̀ abə ghə ka fəələ təkaŋ, ghə way ni neyzəə ghəə a ghə a bəbə ghə.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Jɔn 5:6

Yeso Klisto wən tə â dii bənə wû u wi wə nə̀ tə loʼ waa Kəzə̀, tə â ney mmuu n Kəzə̀ nə mmuu, fəələ soʼo kaŋ tə wi n tow u saa. Â way dzə kə n mmuu n Kəzə̀ mən tə â neynə nə mmuu, tə â fəələ soʼo kaŋ tə wi n tow u saa. Zay kə Zow kə n tiilə dza bə nə̀ a loʼ isəŋə, n təŋkey, Zay kə Zow kə taw dza tsə isəŋə.

1 Jɔn 5:8

Ghəə a tii ghə atəghə a loʼ, Zay kə Zow kə, mmuu n Kəzə̀ mən Yeso â neynə nə mmuu, nsə kaŋ tən tə â fəələnə n tow u saa. Ghəə a tii ghə atəghə, a loʼ kə nə kəfə kəmɔʼ.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.