Tùm i dzuŋu zə kuum Yeso Klisto tə Jɔn â tɔɔnə 18:32 - Kaa n Kəzə̀ n fəghə mə

³² Ghəə ghən â shi sey ni luulə tsu ghɔɔmə zey Yeso â ghɔɔmə naŋa ni dii ndzoʼo və zey tə i kpuu ghii zə.

Tùm i dzuŋu zə kuum Yeso Klisto tə Jɔn â tɔɔnə 18:32 Mawu Ofanana

Matyo 20:19

Ghə i ney fuu tsəʼlə ndòw wi tə̀ ghə̂ ghey ghə bəghəm way tə̀ Zə̀ kə, ghə i tsoʼ wi, ghə lənnə wi, ghə bwɔd, ghə baa wi n zat kə fəkaʼ. A i bə nə ntsuʼ ntəghə, Zə̀ kə i zhəm dzəŋŋə bə wi nə ivə.”

Matyo 26:2

“Ghaa khənu nə̀ a nya doʼo səə kə ntsuʼu nbəghə ni zə̂ Zə̂ kə taa zaʼa kə, ghə i ney fuu tsəghə ndòw Waa Weynum nə̀ ghə baa wi n zat kə fəkaʼ.”

Malakus 10:33

Tə n dza tə̀ ghə nə̀, “A sa kɔʼɔ ndòw n Yerosalem, a loʼ fu ghə i fìi fuu ndòwnə Waa Wù Sɔŋtsuʼ tə̀ ghə fɔɔngili a nii ghə nsə ghə̂ a dii ghə ulaŋ ghə. Ghə i tsəʼlə tsu saʼ nə̀ ghə wey wi, sey ghə i ney fuu ndòw wi, n wɔ ghə̂ ghey ghə ka bəghəm tə̀ Zə̀ kə,

Tùm i dzuŋu zə kuum Yeso Klisto tə Jɔn â tɔɔnə 10:31

Nghee ghə zow tsunə sey ghə̂ a Təjuu ghey n kəm kumi kpiʼi kɔʼ atay ni təmmə wey wi tii.

Tùm i dzuŋu zə kuum Yeso Klisto tə Jɔn â tɔɔnə 10:33

Ghə̂ a Təjuu ghey n dza tə̀ wi nə̀, “Ghey dza i təmmə wey wɔ n təŋkey, wə tsayyə Kəzə̀, a way dzə bòʼ ghəə a dzuŋu ghey wə ghəŋŋənə. Wə maŋ loʼ wù sɔŋtsuʼ, wə u ney naŋa kɔʼnə wû wə wə̀ nə̀ wə loʼ Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 13:18

Yeso n dza kpiʼi ndow tə̀ ngəd tə wi tə nə̀, “N ghəə ghən ghɔɔmə dzə way tə̀ ghaa adzəm, n təŋkey, n khənu ngəd tuŋ tey n sày shi bənə. À kee loʼ nə̀ ghɔɔmə i Kəzə̀ i khə ni bə shi isəŋə nə̀, ‘Wù wey tə zə̂ə dzəŋi ghi mə, à loʼ wi tə kəm fəd doʼo bənə wù təngəmə wuŋ.’

Tùm i dzuŋu zə kuum Yeso Klisto tə Jɔn â tɔɔnə 18:31

Pilato n dza tə̀ ghə nə̀, “Abə a loʼ sey, ney ndow n na wi, ghaa ndow saʼ ndow wi nghee tə̀ laŋ kə ghaa kə dìinə.” Ngəd tə Təjuu tə n dza tə̀ wi nə̀, “Laŋ kə dii nə̀ ghey khə way daʼa kə ni tsəʼlə saʼ nə̀ ghə wey wù.”

Tùm i dzuŋu zə kuum Yeso Klisto tə Jɔn â tɔɔnə 21:19

Yeso ghəə ghən â khəə ni dii tsu ndzoʼo və zey Pita i kpuu ghii zə, i zey i nə fuu kɔʼlə mə tə̀ Zə̀ kə. Yeso n daŋŋə dza tə̀ wi nə̀, “Dzûmə bə mə.”

Tùm i dzuŋu zə kuum Yeso Klisto tə Jɔn â tɔɔnə 3:14

Nghee tə̀ Mushi â ney khəə naŋa kɔʼnə zuu n mbaŋ n mbvən ə ntsaŋ, a loʼ ighələ ghə î ney naŋa kɔʼɔnə Waa Weynum

Tùm i dzuŋu zə kuum Yeso Klisto tə Jɔn â tɔɔnə 8:28

Sey, Yeso n dza ndòw tə̀ ghə nə̀, “Abə ghə î kɔʼlə naŋa kɔʼnə Waa wù sɔŋtsuʼ n zat kə fəkaʼ, ghaa i daŋŋə keeli tsu nə̀ n loʼ wù wey N loʼnə ghii wə. Ghaa i keeli tsu soʼo nə̀ n ghəŋŋə dzə̀ way ghə i loʼ zə n daʼa kuŋ, n kee ghɔɔmə kə ghəə zey Bày wuŋ dza bənə tə̀ mə nə̀ n dza.

Kəfwaʼ 7:59

Nghee tə ghə təmmə nə wi sey, Sətifən n zey ndow ni gɔŋŋə dzanə, “Mûkəbii Yeso, ney zay kuŋ kə.”

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”