Tùm i dzuŋu zə kuum Yeso Klisto tə Jɔn â tɔɔnə 18:12 - Kaa n Kəzə̀ n fəghə mə

¹² Tow kə sàʼ kə təsawgoʼ nsə sawgoʼ tə wi tə ghi bwoli tə ghə̂ a Təjuu tey n daŋŋə kwu kow tsu Yeso.

Tùm i dzuŋu zə kuum Yeso Klisto tə Jɔn â tɔɔnə 18:12 Mawu Ofanana

Matyo 26:57

Ghə̂ ghey ghə â kwunə Yeso n ney ndòw wi n ndaw Kayfas, tɔŋŋə Fɔɔngili u nii nii wə. Ghə̂ a dii a kəlaŋ ghə nsə ngəd tə inaʼ tə n loʼ fu.

Matyo 27:2

Nghee ghə kad may kɔʼ tsəm zey, ghə n kùm kɔʼ wi nə tətsaʼ, ney nuu ndòw wi. Ghə n ndòw fuu tsəʼlə ndòw wi tə̀ Pilato, tə â loʼnə Gɔvənɔ.

Matyo 27:27

Sey sawgoʼ tə n ney kɔʼ Yeso n bii kə Pilato, saʼ kə təsawgoʼ key fu kədzəm n dzəŋi dzəŋ tsəghə kɔʼ wi.

Malakus 14:53

Ghə n ney ndòw Yeso n səə fɔɔngili u nii nii wə. Ghə fɔɔngili a nii ghə adzəm nsə ngəd tə inaʼ tə, nsə ghə̂ a dii a kəlaŋ ghə n təmdzəŋi i bə.

Malakus 15:1

Ambə tsuʼ u zow tsunə, ghə fɔɔngili a nii ghə, ngəd tə inaʼ, ghə̂ a dii a kəlaŋ ghə, nsə ghə̂ a ndaw tsə ghə adzəm n kwu tsu kədzəŋi ni sallə aghəə. Ghə n kùm tsu Yeso nə tətsaʼ, ney nuu ndòw wi, ndòw fuu tsəghə ndòw wi tə̀ Pilato.

Lukas 22:54

Sey ghə n kwu kɔʼ Yeso ney nuu ndòw ghi wi n ndaw fɔɔngili u nii nii wə. Pita n kee tsiilə̀ dzûmə ndow ibam.

Tùm i dzuŋu zə kuum Yeso Klisto tə Jɔn â tɔɔnə 18:3

Sey, Judas n ndow bə fu n sum u tii wə n saʼ kə təsawgoʼ kə ghi bwoli tə loʼ tə, tə â keyyənə n dzəŋi kə dzûmə tə Klisto key n Yerosalem, nə a ghə tûm bə ghə fɔɔngili a nii ghə ghi ghə̂ a tə Falasi ghə. Ghə n khə fə u tsam nsə saalə tə, a loʼ ghə n khə udaa.

Kəfwaʼ 10:1

Wù loʼ â loʼnu n naʼ i Kayserya zəd i wi zə â loʼnə nə̀ a loʼ Kɔnilus. Tə n loʼ kətow tə̀ saʼ kə sawgoʼ tə Roma tən tə loʼnə fəbɔm, ghə â tɔŋŋə nə̀ aloʼ “Saʼ kə təsawgoʼ kə Itali.”

Kəfwaʼ 21:31

Nghee ghə dəmə kaabə ni wey wi, zə ndow nyi ndow n tuŋŋə kə wù nii wey tə â loʼ tow kə n saʼ kə təsawgoʼ kə Roma kə nə̀, Yerosalem idzəm i tey nə ifuu.

Kəfwaʼ 21:37

Ambə ghə dza i naŋa nyi ndow Pɔl nə kəbali, tə n bəb tsu tə wù nii təsawgoʼ wey nə̀, “N loʼnu ni dza ghə i loʼ zə tə wɔ ə?” Wù nii təsawgoʼ wey n bəb tə wi nə̀, “Wə khənu ni ghɔɔmə ghɔɔmə i Grik ə?

Kəfwaʼ 23:10

Ambə ndəm kə tii kə taw kɔʼ dzəŋi tsunə, tow kə təsawgoʼ wey n tsəŋə nə̀ ghə loʼ ni ney saalə tsu Pɔl nə usat. Tə n tsəʼlə tsu kəlaŋ tə̀ sawgoʼ tə nə̀ ghə tsu ney nuu kɔʼ wi nə kədaʼa n fəŋŋə kə ghə, ghə kɔʼ bə nə kəbali.