Tùm i dzuŋu zə kuum Yeso Klisto tə Jɔn â tɔɔnə 17:3 - Kaa n Kəzə̀ n fəghə mə

³ Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 17:3 Mawu Ofanana

Malakus 9:37

“Wù wey tə kpii neynə waa tə̀ a loʼ u wən n zəd zuŋ, sey kpii ney mə. Wù wey tə kpii neynə mə, ka kad kpii ney dzə mə, tə kpii ney soʼo wù wey tə tûmnə mə̀.”

Lukas 9:48

dza ndòw tə̀ ghə nə̀, “Wù wey tə kpii neynə waa wən n zəd zuŋ, sey kpii ney mə. Wù wey tə kpii neynə mə sey kpii ney soʼo wù wey tə tûmnə mə. Wù wey tə loʼ nə wù kənunu n fəŋŋə kə ghaa, a loʼ wi tə loʼ nə wù nii.”

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 11:42

N khənu nə̀ wə zow tsənu gɔŋŋə zuŋ zə, n kee dza bə i zən bòʼ ghə̂ ghən ghə teynə fa, nə ghə bəghəm nə̀ a loʼ wɔ wə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 17:18

Mə n tûm nyi ndow ghə n mbi, ighələ tə̀ wə â tûm nyi bə mə n mbi.

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 3:17

Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi.

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Tùm i dzuŋu zə kuum Yeso Klisto tə Jɔn â tɔɔnə 6:57

Bày wən tə tûmnə mə loʼ Bày wən tə fuunə muu zə. Nghee tə n muunə bòʼ muu zən tə fuunə tə̀ mə, à loʼ ighələ ghi wù wey tə fə̂nə wû wuŋ wə, tə i muulənə bòʼ muu zən mə i fuunə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 7:29

N kee khə wi, n təŋkey, n nuu bə n səə wi, a loʼ wi tə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 8:19

Ghə n bəb ndòw tə̀ wi nə̀, “Bày wə loʼ ghee?” Yeso n dza ndòw tə̀ ghə nə̀, “Ghaa khə way mə, khə soʼo way Bày wuŋ. Abə ghaa mə̂ khənə Bày wuŋ, ghaa mə̂ khə soʼo mə̀.”

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

1 Kɔrint 8:4

N ghəə a zəə ghə nfəzəə mən ghə fuunə tə̀ muʼu mə, saa ndzəm khənu nə̀ muʼu n khə way daʼa kə loʼ kə fa n mbi, saa a khə soʼonə nə̀ Zə̀ kə loʼ kə kəmɔʼ.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

Filipi 3:10

Ghəə zey n ləghənə nya, à loʼ ni keeli Klisto nsə ni keeli daʼa kən Klisto â khənə n nəŋə zey Zə̀ kə â zhəm dzəŋŋə bənə wi nə ivə. N ləghə ni fəghə tə̀ tə â fəghənə, abə a loʼ kə ni kpu soʼo tə̀ tə â kpunə.

Filipi 3:8

N ney ghəə a tii ghə adzəm tə a loʼ ghəə a kənunu tə̀ mə̀. Mə n maʼa ndow ghəə a tii ghə adzəm n tənkey, à dzɔb tsəghəshi ni tɔʼ keeli tsu Yeso Klisto, Mûkəbii wuŋ. Kùmnə a loʼ bòʼ wi mə â ndzəm maʼanə fə̂ wə udzəm, naŋa ndow nə̀ a loʼ udzə, sey nə̀ n keeli tsu kə Klisto,

1 Tesalonika 1:9

N dza sey n təŋkey, luʼu tədzəm, ghə tiilə dza kaabənu jìi zey ghaa â kpii neynə ghey tii. Ghə a tiillə dza soʼonə nghee tə̀ ghaa tuu maʼanə ni kəm ngɔɔmə muʼu mə tii, kaʼ ndow ni ngɔɔmə Zə̀ kən kə ndzəm loʼnə Zə̀ kə, loʼ soʼo utaw.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

2 Pita 1:2

N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, kə ghəŋə soʼo nə̀ ghaa i loʼ nə ibuulə naʼ idzəm n təŋkey ghaa ndzəm khənu Zə̀ kə nsə Yeso tə loʼnə Mûkəbii saa.

2 Pita 1:3

Zə̀ kə n fuu saa n fə wən udzəm saa khə ni keeli n daʼa key tə khənə ni muu muu zey Zə̀ kə ləghənə. Tə fuu saa n fə u tii wə n təŋkey saa khənu wi. À tɔŋɔ soʼo wi saa nə̀ saa keeli soʼo kɔʼlə mey tə khənə, saa i zow soʼo kədzuŋ tə a loʼ wi.

2 Pita 1:8

Abə ghaa ndəŋə keeli kɔʼɔ ndownə ghəə ghən n taŋŋə tsu bənə fa, ghə i ghəŋŋənu ghaa nə̀ ghaa i fwaʼa dzɔbə, məə bə soʼ tam u dzuŋu wə. Ghəə a tii a nə dii tsu nə̀ ghaa khənu Mûkəbii saa Yeso Klisto.

1 Jɔn 1:2

Ghɔɔmə zən ndzəm loʼ imuu, zə â dii bənə wû u wi wə tə ghey, ghey n ndzəm koʼ soʼo. A loʼ ghɔɔmə zən ghey tiilə dza bənə tə ghaa, naʼlə bə soʼo tə ghaa kuum muu zə itsali zə â loʼnə ghi Bày wən tə ghəŋənə nə̀ ghey keeli wi.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

1 Jɔn 2:23

Wù wey tə tuu maʼanə waa, sey tuu maʼa soʼo Bày. Wù wən tə bəghəm naŋanə waa sey bəghəm naŋa soʼonu Bày.

1 Jɔn 4:6

Saa fəd loʼ ghə̂ a Kəzə̀. Ghə̂ ghən ghə loʼnə ghə̂ a Kəzə̀ ghə, ghə zownu tə saa. Abə ghə mə way ghə̂ a Kəzə̀ ghə, ghə mə way ni zow tə saa. À wən loʼ nghee saa keelinə wù wey tə khənə zày key kə ghəŋŋənə nə̀ wù i dza isəŋə nkee zày key kə ghəŋŋənə nə̀ wù i badla ghəə ghə.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.