Tùm i dzuŋu zə kuum Yeso Klisto tə Jɔn â tɔɔnə 17:26 - Kaa n Kəzə̀ n fəghə mə

²⁶ Mə n chi dii wù wey wə loʼnə ghii wə tə̀ ghə, mə i ndow kə n sə kə ni ghəŋə nə̀ ghə keeli wù wey wə loʼnə, sey nə̀, ləghə zə zey wə khənə n kow mə zə i loʼ n fə̀ŋ tə ghə, mə i loʼ soʼo nə kəfə kəmɔʼ ghi ghə.”

Tùm i dzuŋu zə kuum Yeso Klisto tə Jɔn â tɔɔnə 17:26 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 14:20

A i loʼ n nəŋə i tii zə, ghaa i keeli tsuu nə̀ n loʼ nə kəfə kəmɔʼ ghi Bày, Bày u loʼ nə kəfə kəmɔʼ ghi mə, ighələ tə̀ ghaa loʼnə nə kəfə kəmɔʼ ghi mə, mə n loʼnə nə kəfə kəmɔʼ ghi ghaa.

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 15:15

Ni kaʼ tsu na ndow n sə kə, n kəm way ni tɔŋɔ ghaa nə̀ a loʼ ghə̂ a kəfwaʼ, n təŋkey, wù kəfwaʼ khə way fə key mûkəbii ə wi fwaʼanə. N kee tɔŋŋə ghaa nya nə̀ a loʼ fə̂ ghuŋ, n təŋkey, mə n chi dii may ghəə ghey mə â zoʼlə ney bənə n wɔ Bày wuŋ tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 15:4

Ghaa khə ni doʼo bə ghi mə nə kəfə kəmɔʼ, n doʼo bə soʼo ghi ghaa nə kəfə kəmɔʼ. Kpìi kə way ni mə̂ utam n nəŋə ghii kə nə̀ kə ka zuŋ doʼo nə fəkaʼ, a loʼ soʼo ighələ tə̀ ghaa way ni ghəŋə ghə i loʼ zə nə̀ saa dzəŋi way nə kəfə kəmɔʼ.

Tùm i dzuŋu zə kuum Yeso Klisto tə Jɔn â tɔɔnə 15:9

N ləghə ghaa n jìi zey Bày wuŋ ləghənə mə tii. Sey, bɔɔmə doʼo tsu kə na nə kəfə kəmɔʼ ghi mə tə̀ mə i ləghə ghaa.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Tùm i dzuŋu zə kuum Yeso Klisto tə Jɔn â tɔɔnə 17:6

Mə n chi dii wù wey wə loʼ ghii wə tə̀ ghə̂ ghey wə â say shi bənə fa n mbi, fu bə tə̀ mə. Ghə â khə loʼ tsə ghə̂ ghə, wə n say shi bə ghə, fuu bə ghə tə̀ mə, ghə a naŋŋə ghɔɔmə zə zə̀.

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 6:56

Ghə̂ ghey ghə fə̂nə wû wuŋ wə, mə̂ soʼo kaŋ tuŋ tən n fəələnə, ghə i muu ghi mə, mə i muu soʼo ghi ghə.

Tùm i dzuŋu zə kuum Yeso Klisto tə Jɔn â tɔɔnə 8:50

N kəŋə dzə way jìi nə̀ ghə̂ ghə i fuu bə mə n kɔʼlə mə. Wù loʼnu tə kee ləghənə nə̀ ghə̂ ghə i fuu bə mə n kɔʼlə mə, à loʼ wi, tə i saʼa fuunə tə̀ mə.

Roma 8:10

Abə à kee loʼ nə̀ Klisto loʼnu n kow wɔ, nghee à tsəm buʼ loʼ kə nə̀ gow uwû zə n kpu doʼo bòʼ bəb zə, Zay kə Zow kə fuunu wɔ n muu zə n təŋkey Zə̀ kə n ney nə̀ wə loʼ tsətsəghə.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 12:12

Klisto loʼ tə a loʼ uwû umɔʼ u khənə ndəmə uzuŋ. Wû u tii u nam loʼ kə uwû umɔʼ abə u tsəm khə kənə ndəmə uzuŋ.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Efesus 5:30

Saa u loʼnə tə̀ a loʼ ubad u zuŋŋə doʼonə n wû u wi.

Efesus 5:32

Ndəmə aghəə a nyì doʼonu n ghɔɔmə zən, n kee dza bə ni dii bə nghee tə doʼo i Klisto ghi ghə̂ a ndaw Kəzə̀ i loʼnə tii.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 2:10

Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

Hibru 2:12

I loʼ sey n təŋkey, tə â dza tə̀ Zə̀ kə nə̀, “Mə i dza ndow fə key wə loʼ ghii kə tə̀ waazə ghuŋ ghə. Mə i kali wɔ n luʼu tey ghə zuŋŋə doʼonə tii ni fuu wɔ n kɔʼlə mə.”

1 Jɔn 3:24

Ghə̂ ghey ghə naŋŋənə laŋ K-a-zə̀ kə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə. À loʼ Zay kə Zow kə, kə ghəŋənə nə̀ saa keeli nə̀ Zə̀ kə muu n kow saa.