Tùm i dzuŋu zə kuum Yeso Klisto tə Jɔn â tɔɔnə 17:23 - Kaa n Kəzə̀ n fəghə mə

²³ Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Tùm i dzuŋu zə kuum Yeso Klisto tə Jɔn â tɔɔnə 17:23 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 10:38

Abə a kee loʼ nə̀ n fwaʼanu fwaʼ key Bày tûmnə mə nə̀ n bə fwaʼ, nə ghaa ləghə kə way ni bəghəm tə̀ mə, labi bəghəm kɔʼ kə na nə̀ ghəə ghey n fwaʼanə, loʼ ghəə a dzuŋu ghə. Sey ghaa i zowkeeli tsu nə Bày nsə mə loʼ kəfə kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 13:35

Abə ghaa khə ləghə zə n wû i ghaa, aghə̂ adzəm ghə i daŋŋə koʼ keeli bə nə̀ ghaa loʼ ngəd tuŋ.”

Tùm i dzuŋu zə kuum Yeso Klisto tə Jɔn â tɔɔnə 14:10

Nə̀ ma a Filip, wə kam bəghəm tə way nə̀ n loʼ nə kəfə kəmɔʼ ghi Bày, Bày u loʼnə nə kəfə kəmɔʼ ghi mə ə? Ghɔɔmə zən n ghɔɔmə bənə tə̀ wɔ, n ghɔɔmə dzə way n ngəŋ zuŋ, à loʼ Bày wən tə loʼnə nə kəfə kəmɔʼ ghi mə, tə fuunə mə n daʼa kə ni fwaʼ fwaʼ kə wi.

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 15:9

N ləghə ghaa n jìi zey Bày wuŋ ləghənə mə tii. Sey, bɔɔmə doʼo tsu kə na nə kəfə kəmɔʼ ghi mə tə̀ mə i ləghə ghaa.

Tùm i dzuŋu zə kuum Yeso Klisto tə Jɔn â tɔɔnə 16:27

I nə doʼlə sey n təŋkey, Bày wuŋ n wû u wi wə, ləghənu ghaa. Tə ləghə ghaa, bòʼ nə̀, ghaa n mə ləghə, bəghəm fuu soʼo nə̀ a loʼ wi tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 17:11

N nya zəghə taʼa tsuu ghə fa n mbi, mə n nuulə bə n səə wɔ. Bày wuŋ u zow wə, tsəd naŋa tsu ghə n daʼa key kə loʼnə n zəd zə, zəd zey wə â fuunə tə̀ mə, tə ghə doʼo nə kəfə kəmɔʼ ighələ tə̀ n loʼnə ghi wɔ nə kəfə kəmɔʼ.

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 17:26

Mə n chi dii wù wey wə loʼnə ghii wə tə̀ ghə, mə i ndow kə n sə kə ni ghəŋə nə̀ ghə keeli wù wey wə loʼnə, sey nə̀, ləghə zə zey wə khənə n kow mə zə i loʼ n fə̀ŋ tə ghə, mə i loʼ soʼo nə kəfə kəmɔʼ ghi ghə.”

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 3:17

Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi.

Tùm i dzuŋu zə kuum Yeso Klisto tə Jɔn â tɔɔnə 6:56

Ghə̂ ghey ghə fə̂nə wû wuŋ wə, mə̂ soʼo kaŋ tuŋ tən n fəələnə, ghə i muu ghi mə, mə i muu soʼo ghi ghə.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Filipi 3:15

À wən loʼ jìi zey saa ghən adzəm saa beyyə dzənə n ghəə a Kəzə̀, saa khə ni koʼo ghəə ghə tii. Abə wù loʼ khənə ghə i loʼ zə tə tɔʼɔ zowkeeli way, n moʼlə nə̀ Zə̀ kə î chiə diinu ghə i tii zə soʼo tə̀ wi.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

Kolose 3:14

Ghə i səŋi zə n ghəə ghən adzəm loʼ nə̀ ghaa khə ni ləghə wû i ghaa zə, n təŋkey, a loʼ iləghə i ghəŋŋə nə̀ ghaa doʼo may bə nə kəfə kəmɔʼ.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.

Chi dii 3:9

Koʼo na! Ghə̂ ghey ghə loʼnə n ndaw kədzəŋi ə Satan, ghə̂ a badla ghə aghəə ghey ghə dza nə̀ ghə loʼ ghə̂ a Təjuu loʼ sey nə̀ ghə way, mə i ghəŋŋə tsu ghə nə̀ ghə bə təm tənguʼ n tənə wɔ, ghə bəghəm kɔʼ soʼo nə̀ mə n wɔ ləghə tən.