Tùm i dzuŋu zə kuum Yeso Klisto tə Jɔn â tɔɔnə 17:2 - Kaa n Kəzə̀ n fəghə mə

² Bày, wə n fuu wi n daʼa kə nə̀ tə i saʼa ghə̂ ghə adzəm, sey nə̀ tə loʼ ni fuu muu zə itsali tə̀ ghə̂ ghey wə fuu naŋanə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 17:2 Mawu Ofanana

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 25:46

Sey, ghə i tûm nuu ndòw ghə n luʼu key ghə̂ a fəʼlənə tii nəŋə tədzəm, ghə̂ ghey ghə loʼnə tsətsəghə i zə̂ itsali.”

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 17:6

Mə n chi dii wù wey wə loʼ ghii wə tə̀ ghə̂ ghey wə â say shi bənə fa n mbi, fu bə tə̀ mə. Ghə â khə loʼ tsə ghə̂ ghə, wə n say shi bə ghə, fuu bə ghə tə̀ mə, ghə a naŋŋə ghɔɔmə zə zə̀.

Tùm i dzuŋu zə kuum Yeso Klisto tə Jɔn â tɔɔnə 17:9

N gɔŋŋə n tow u ghə, n gɔŋŋə dzə way n tow kə ghə̂ a mbi adzəm. Gɔŋŋə zuŋ i kee loʼ kə tə ghə̂ ghey wə â sày fuu bənə tə̀ mə, n təŋkey, à loʼ ghə̂ ghə.

Tùm i dzuŋu zə kuum Yeso Klisto tə Jɔn â tɔɔnə 3:35

Bày idəŋ ngii ləghə Waa wi, tə u fuu naŋa ndòwnə ghəə ghə adzəm n wɔɔ kə wi.

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 6:27

Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

Tùm i dzuŋu zə kuum Yeso Klisto tə Jɔn â tɔɔnə 6:37

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Tùm i dzuŋu zə kuum Yeso Klisto tə Jɔn â tɔɔnə 6:39

À wən loʼ ghəə zey wù wey tə tûmnə mə ləghənə, tə ləghə nə̀ n tɔʼ kwu keeli tsu ghə̂ ghey tə fuu naŋanə tə mə, kə wù umɔʼ nə naynə tii, n nə̂ zhəm dzəŋŋə bə ghə nə ivə n tsuʼ fey mbi nə maynə tii.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

1 Kɔrint 15:25

I khə ni doʼo sey n təŋkey Klisto khə ni saʼ mbi zən ni ndow kuum n nəŋə zey tə i ney naŋŋə bənə ghə̂ a təngəmə a wi ghə adzəm n tənə fuu i wi.

Efesus 1:20

kə key tə â diinə n kow Klisto nghee tə â zhəm dzəŋŋə bənə wi nə ivə. Ney naŋa kɔʼ wi n kpii u wi u təmə wə n fɔ̀ɔ u wi idəŋ.

Filipi 2:10

Sey nə̀, n zəd i Yeso, Aghə̂ adzəm idəŋ nsə fa a ghəlitsə, Nsə n tənə kəghəlitsə, ghə i təmə tənguʼ, ghə ngɔɔmə zəd Yeso.

1 Timoti 1:16

Zə̀ kə n kee kwɔɔlə isî n kow mə sey nə̀ Yeso Klisto loʼ ni ney mə tə a loʼ tsəə, tə dii tə ghə̂ ghən ghə nam khə ni bəghəm fuu tə wi, nə̀ ghə loʼ soʼonu ni keeli muu zə itsali abə tə lɔʼlə loʼ ni kow fə̀ŋ ghi mə wən n bəb tsəghəshinə ghə̂ a bəbə ghə adzəm.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.

1 Jɔn 1:2

Ghɔɔmə zən ndzəm loʼ imuu, zə â dii bənə wû u wi wə tə ghey, ghey n ndzəm koʼ soʼo. A loʼ ghɔɔmə zən ghey tiilə dza bənə tə ghaa, naʼlə bə soʼo tə ghaa kuum muu zə itsali zə â loʼnə ghi Bày wən tə ghəŋənə nə̀ ghey keeli wi.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.