Tùm i dzuŋu zə kuum Yeso Klisto tə Jɔn â tɔɔnə 17:18 - Kaa n Kəzə̀ n fəghə mə

¹⁸ Mə n tûm nyi ndow ghə n mbi, ighələ tə̀ wə â tûm nyi bə mə n mbi.

Tùm i dzuŋu zə kuum Yeso Klisto tə Jɔn â tɔɔnə 17:18 Mawu Ofanana

Matyo 10:5

Yeso n tûm shi ndòw ghə̂ ghən ighəm n ghii ghə abəghə, kii naŋa ndow ghə dza nə̀, “I kə̂ wù ghaa nə ndòwnə n luʼu tey ghə̂ ghən ghə way ghə̂ a Təjuu a loʼnə tii, kə ghaa nə nyiə soʼonə n nàʼa tey ghə̂ a Samaria a muunə a tii.

Matyo 23:34

Sey, n dza bə tə̀ ghaa nə̀, mə î tûm bə ghaa n tûm tə Kəzə̀ tə, ghə̂ a tɔbə ghə, nsə ghə̂ a dii a kəlaŋ ghə. Ghaa i wey maʼa a loʼ ghə, ghaa baa a loʼ ghə n zat kə fəkaʼ, ghaa i bwɔd a loʼ ghə n Ndaw tə udzəŋi tə ghə̂ a Təjuu, ghaa i dzùm ghə naʼa tə naʼa.

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Tùm i dzuŋu zə kuum Yeso Klisto tə Jɔn â tɔɔnə 3:17

Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi.

Tùm i dzuŋu zə kuum Yeso Klisto tə Jɔn â tɔɔnə 4:38

N tûm ghaa nə̀ ghaa ndòw kpey ufə̂ nə usum nə̀ a ka ghaa fwaʼ naŋa dzə, ghə̂ a loʼ ghə n fwaʼ naŋa, ghaa kee nyi bə kə ni bə zə̂ fə̂ wey ghə fwaʼ naŋanə.”

2 Kɔrint 5:20

Ghey fa loʼ tow kə Klisto, ghey a buʼu bənə wɔɔ kə n wɔ ghaa tə̀ a i dza à loʼ Kəzə̀ n wû u wi wə tə buʼu bənə wɔɔ kə n bam i ghey. Ghey buʼu bə kəwɔɔ tə̀ ghaa n zəd i Klisto, nə̀ ghaa doʼo bə nə kəfə kəmɔʼ ghi Zə̀ kə.

Efesus 3:7

N bam i ndzuŋ ə Kəzə̀ nsə daʼa kə wi, n loʼ wù kəfwaʼ a wi ni naʼlə tûm i dzuŋu zən.