Tùm i dzuŋu zə kuum Yeso Klisto tə Jɔn â tɔɔnə 16:32 - Kaa n Kəzə̀ n fəghə mə

³² N ndzəmə dza bə tə̀ ghaa nə̀ nəŋə i tii i nya shɔdlɔ may bənu, zə n buʼ kpi. Ghaa adzəm ghaa i tyi naŋa taʼa mə n nəŋə mə, kay wù i tyi ndow kə n ndaw wi. À kee loʼ nə̀ n way dzə mə n nəŋə mə, n təŋkey, Bày wuŋ loʼ ghi mə.

Tùm i dzuŋu zə kuum Yeso Klisto tə Jɔn â tɔɔnə 16:32 Mawu Ofanana

Matyo 26:31

Nghee Yeso ghi ngəd tə wi tə ndow kuum tsunə fu, Yeso n dza ndòw tə̀ ghə nə̀, “Na, n tsuʼu tə, ghaa adzəm, ghaa î tyi naŋŋə tsu taʼa tsuu mə n nəŋə mə, bòʼ nə̀, màʼlə K-a-zə̀ kə dza nə̀, ‘Zə̀ kə î wey tsu wù keyyə u tənjì wə, njì tə tii tə i tyi saŋŋə tsu.’

Matyo 26:56

À kee loʼ nə̀, ghəə ghən a shi ni luulə ghəə ghey tûm tə Kəzə̀ tə â tɔ̀ɔ naŋanə n màʼlə K-a-zə̀.” Sey, ngəd tə wi tədzəm n tyi naŋa taʼa tsu wi.

Malakus 14:27

Yeso n dza tə̀ ghə nə̀, “Ghaa adzəm ghaa i tyənu, ghaa naŋa sə tsu mə, boʼnə màʼlə K-a-zə̀ kə dza nə̀, ‘Mə i wey tsuu wù baʼa u tənjì, njì tə tii tə i tyi saŋŋə tsu tədzəm.’

Malakus 14:50

Sey, ngəd tə wi tədzəm n daŋŋə zəghə tsu wi, tyi nuu i ndòw.

Tùm i dzuŋu zə kuum Yeso Klisto tə Jɔn â tɔɔnə 12:23

Yeso n beeli ndòw nə̀, “Nəŋə zə n bə tə̀ waa wù sɔŋtsuʼ ni keeli kɔʼlə n nii mə.

Tùm i dzuŋu zə kuum Yeso Klisto tə Jɔn â tɔɔnə 16:2

Ghə nə dzum nuu shiə bə ghaa n ndaw tə udzəŋi tə ghə̂ a Təjuu. N ndzəmə dza bə tə̀ ghaa nə̀, nəŋə i bəghənu, nə̀ a wey kə ndee ghaa, wù tii n moʼlə kə nə̀ i sey fwaʼa fwaʼ key Zə̀ kə ləghə nə̀ tə fwaʼ.

Tùm i dzuŋu zə kuum Yeso Klisto tə Jɔn â tɔɔnə 16:25

Yeso n dza tə̀ ngəd tə wi tə nə̀, “N ghəə ghən dza bə nya tə̀ ghaa n ghɔɔmə i fənkəfən, nəŋə i kee bəghənu, mə i kəm ghɔɔmə way ghəə ghə tə̀ ghaa n ghɔɔmə i fənkəfən. N nəŋə i tii zə, n nə dza dzî bə aghəə tə̀ ghaa kùm Bày wuŋ n jìi zey ghaa loʼ ni zowkeeli.

Tùm i dzuŋu zə kuum Yeso Klisto tə Jɔn â tɔɔnə 16:31

Yeso n bəb ndow tə̀ ghə nə̀, “Ghaa bəghəm fuu dzənu nya a?

Tùm i dzuŋu zə kuum Yeso Klisto tə Jɔn â tɔɔnə 19:27

Tə n dza ndow soʼo tə̀ ngəd zey nə̀, “Koʼo, à wən loʼ này wə.” Ni ney nuu tsu n nəŋə i tii zə, ngəd zey n daŋŋə ney ndow này Yeso n ndaw wi.

Tùm i dzuŋu zə kuum Yeso Klisto tə Jɔn â tɔɔnə 20:10

Ngəd tə tii tə n daŋŋə nuu dzəŋŋə ndow n ndaw tə ghə.

Tùm i dzuŋu zə kuum Yeso Klisto tə Jɔn â tɔɔnə 4:21

Yeso n dza ndow tə wi nə̀, “Iwaa, bəghəm ghəə zey n dzanə, nəŋə i bəghənu, ghə nə ngɔɔmə tənnə way Zə̀ kə fa n kaʼ wən nkee n Yerosalem.

Tùm i dzuŋu zə kuum Yeso Klisto tə Jɔn â tɔɔnə 4:23

Nəŋə i kee bəghənu, zə n buʼ kpii, ghə̂ ghey ghə ndzəmə ngɔɔmənə Bày, zay K-a-zə̀ kə ghəŋŋə ghə nə̀ ghə i ngɔɔmə wi n jìi zey i loʼnə isəŋə, kuum nə̀, à wən loʼ ndzoʼo ghə̂ ghey Bày ləghənə nə̀ ghə i ngɔɔmə wi.

Tùm i dzuŋu zə kuum Yeso Klisto tə Jɔn â tɔɔnə 5:25

N dza bə isəŋə tə̀ ghaa nə̀ nəŋə i bəghənu, nəŋə i tii zə n buʼ kpi. Ghə̂ a kpuu a nə̂ zow dzə̂ ə Waa Kəzə̀, a ghey ghə nə zownə, bəghəm ghə i tii zə, ghə nə keeli bə imuu.

Tùm i dzuŋu zə kuum Yeso Klisto tə Jɔn â tɔɔnə 5:28

Kə̂ dzuu i nə zumnə ghaa n ghɔɔmə zən, n təŋkey, nəŋə i bəghənu ghə̂ a kpuu ghey nə təsay a nə̂ zownə dzə̂ ə Waa Kəzə̀.

Tùm i dzuŋu zə kuum Yeso Klisto tə Jɔn â tɔɔnə 8:16

Abə n tsəmə saʼa kənə wù, saʼ zuŋ i loʼ tsətsəghə, n təŋkey, n saʼa dzə way n nəŋə mə, Bày wuŋ wən tə tûmnə mə loʼ ghi mə ni saʼa ghə̂ ghə.

Tùm i dzuŋu zə kuum Yeso Klisto tə Jɔn â tɔɔnə 8:29

Wù wey tə tûmnə mə loʼ ghi mə, tə ka mə naŋa taʼa dzə n nəŋə mə, n təŋkey, n ghəŋŋə ndòw kə ghəə zey i ghəŋŋənə wi nə̀ tə i duʼlə.”

Kəfwaʼ 21:6

A n tɔŋɔ zow tsu iwû, daŋŋə ney kɔʼ kəfən, ghə n kee nuu ndow ibam nə ghə.

Kəfwaʼ 8:1

Sɔl â bəghəmnu n fə̀ŋ ə wi idzəm nə ghə wey Sətifən. Ni ney nuu tsu n tsuʼ fey ghə â weynə Sətifən tii, ghə n zey ni ngii chɔd ghə̂ a dzəŋi kə dzûmə tə Klisto n Yerosalem. Dzûmə tə Yeso tən tədzəm n saŋŋə nyi nuu ndow n naʼa tey n mboʼo Judeya nsə n Samaria. À n doʼo səə tsu kə ngəd tə Yeso fu tii n Yerosalem.