Tùm i dzuŋu zə kuum Yeso Klisto tə Jɔn â tɔɔnə 16:10 - Kaa n Kəzə̀ n fəghə mə

¹⁰ Tə nə dii soʼo tə̀ ghə nə̀ ghə n bwu khə̂mə n ghəə ghey a loʼnə tsətsəghə, n təŋkey, n sa ndow n səə Bày, sey, ghaa nə kəm koʼo tsə way mə.

Tùm i dzuŋu zə kuum Yeso Klisto tə Jɔn â tɔɔnə 16:10 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 16:28

Mə â nuu bə n səə Bày, bə fa n mbi. N nya khə ni kəm zəghə tsu mbi n ndow dzəŋŋə n səə Bày.”

Tùm i dzuŋu zə kuum Yeso Klisto tə Jɔn â tɔɔnə 16:5

Yeso n ndow n sə kə ni dza tə̀ ngəd tə wi tə nə̀, “N sa nya nuulə ndow ibam n səə wù wey tə â tûm bənə mə, wù ghaa umɔʼ n fəŋŋə kə ghaa ka tsəm bəb tə̀ mə nə̀, ‘Wə ndow ghee?’

Tùm i dzuŋu zə kuum Yeso Klisto tə Jɔn â tɔɔnə 3:14

Nghee tə̀ Mushi â ney khəə naŋa kɔʼnə zuu n mbaŋ n mbvən ə ntsaŋ, a loʼ ighələ ghə î ney naŋa kɔʼɔnə Waa Weynum

Tùm i dzuŋu zə kuum Yeso Klisto tə Jɔn â tɔɔnə 5:32

Wù loʼ kee lòʼnu tə tiilə dzanə ghəə ghə bòʼ mə̀, N khənu nə̀ ghəə ghey tə tiilə dzanə bòʼ mə, loʼ isəŋə.

Tùm i dzuŋu zə kuum Yeso Klisto tə Jɔn â tɔɔnə 7:33

Yeso n dza, “N khə kə tɔŋɔ fə inəŋə ni doʼo kəŋə ndow ghi ghaa, mə i daŋŋə nuu ndòw n səə wù wey tə tûmnə mə.

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Kəfwaʼ 3:14

Ghəə a wi ghə â zownu n sə K-a-zə̀, tə n loʼ wù dzuŋu, ghaa n fəd tuu maʼa wi, kee dza nə̀ Pilato chi zəghə shi bə ghaa n wù wey tə weynə ghə̂ ghə.

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,