Tùm i dzuŋu zə kuum Yeso Klisto tə Jɔn â tɔɔnə 15:6 - Kaa n Kəzə̀ n fəghə mə

⁶ Wù wey tə way ghi mə nə kəfə kəmɔʼ, a khəə maʼa shiə ndow wi tə a loʼ kpìi kə fəkaʼ kə bəbə kə, kə n fɔbi zum kɔʼ, ghə n kuumə kpəghə ndow nə uvəllə, kə n fə fu.

Tùm i dzuŋu zə kuum Yeso Klisto tə Jɔn â tɔɔnə 15:6 Mawu Ofanana

Matyo 13:41

Waa wù sɔŋtsuʼ nə tûm bə tsətəndəghə tə Kəzə̀ tə wi, ghə nə bə say nuu shi bə ghə̂ ghey ghə ghəŋŋə nə̀ ghə̂ ghə i naŋŋə way laŋ u wi wə nsə ghə̂ ghey ghə ghəŋŋə ghəə a bəbə ghə n fɔ̀ɔ u wi,

Matyo 27:5

Ambə Judas zow tsunə sey, tə n saʼ maʼa naŋa ndòw khəə wey fu n Ndaw Kəzə̀ i nii zə n Yerosalem, nuu i ndòw, ndòw səŋə kɔʼ wû u wi.

Matyo 3:10

Fôw i loʼ tən n key ghə nkaʼ, abə kàʼ fə məə way tam u dzuŋu wə, ghə i fùŋ maʼa, ghə ney maʼa ndòw nə uvəllə.

Matyo 7:19

Abə kaʼ fə mə̂ə way tam u dzuŋu wə, ghə n fùŋ maʼa tsu, kpəghə ndòw nə uvəllə.

Tùm i dzuŋu zə kuum Yeso Klisto tə Jɔn â tɔɔnə 15:2

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Hibru 10:27

Abə saa ndzəm ghəŋə tsunə bəb zə sey, saa i bɔɔmə ləmmə tənə kə tsuʼ fey Zə̀ kə i saʼanə mbi tii nə itsəŋ, tsəŋə soʼo faalə kə uvəllə key kə i bə ləŋi maʼanə ghə̂ a təngəmə a wi ghə.

2 Pita 2:20

Abə ghə̂ a nɔb shi bə n wɔ bəb i mbi zən bòʼ nə̀ ghə n keeli Mûkəbii saa nsə bəghəshi ə saa Yeso Klisto, kəm bə bwu dzəŋŋə nyi ndow ni ghəŋŋə ghəə a bəbə ghə, ndzoʼo ghə̂ a tii ghə loʼ ghə̂ a bəbə ghə nya tsəghəshi nghee ghə â loʼ nə̀ ghə ka kam keeli Klisto.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

Chi dii 20:15

Wù wey zəd i wi zə â way n màʼlə key ghə tɔ̀ɔ naŋanə zəd a ghə̂ ghey ghə i keelinə muu zə itsali zə, ghə n ney maʼa nyi tsu ndow ghə n nyî zə uvələ.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”