Tùm i dzuŋu zə kuum Yeso Klisto tə Jɔn â tɔɔnə 15:18 - Kaa n Kəzə̀ n fəghə mə

¹⁸ Yeso n ndow n sə kə ni dza tə̀ ngəd tə wi tə nə̀, “Abə ghə̂ a mbi a bàanə ghaa, keeli tsu na nə̀ ghə n buʼ bàa dzə mə isə, tə̀ ghə ni bàa ghaa.

Tùm i dzuŋu zə kuum Yeso Klisto tə Jɔn â tɔɔnə 15:18 Mawu Ofanana

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Matyo 5:11

“Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Malakus 13:13

Ghə̂ adzəm ghə i bàa ghaa bòʼ mə. A kee loʼ nə̀, wù wey tə i təmi taw tsunə, zow ngoʼ ndòw kùm i ndòw, tə i keeli ibəghəshi.

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 16:1

Yeso n nam dza ndow tə̀ ngəd tə wi tə nə̀, “N dza naŋŋə zey bə ghəə ghən adzəm tə̀ ghaa, sey nə̀ kə̂ ghaa nə bwu doʼlənə n bəghəm i fə̀ŋ i ghaa.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Tùm i dzuŋu zə kuum Yeso Klisto tə Jɔn â tɔɔnə 3:20

I loʼ nə̀, ghə̂ ghey ghə ghəŋŋənə ghəə a bəbə ghə, ghə ləghə way daa kə, ghə i ləghə soʼo way ni bə n tənə kədaa, sey nə̀, kə̂ kə nə̂ chiə diinə ghəə a ghə a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 7:7

Ghə̂ a mbi a khə way zùŋ kə ni baa ghaa, ghə kee baa mə, n təŋkey, n tiilə dza nə̀ ghəə a ghə a ghəŋŋə a loʼ ghəə a bəbə ghə.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 3:13

Sey waazə ghə, kə dzuu zə i zum ghaa abə ghə̂ a mbi a baanə ghaa.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.