Tùm i dzuŋu zə kuum Yeso Klisto tə Jɔn â tɔɔnə 15:16 - Kaa n Kəzə̀ n fəghə mə

¹⁶ A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 15:16 Mawu Ofanana

Matyo 21:22

Abə ghaa khənə bəghəm i fə̀ŋ zə, ghaa i keelinu fə̂ key ghaa bəbənə nə igɔŋŋə.”

Matyo 7:7

Yeso n dza tə̀ ghə nə̀, “I bəbə na fə̂ key ghaa ləghənə n wɔ Zə̀ kə, Zə̀ kə i fuu bə tə̀ ghaa. I kəŋə tsu na, ghaa i koʼ. Buʼ na bàʼ kə, Zə̀ kə i chi tsu tə̀ ghaa.

Lukas 6:13

Ambə tsuʼ u zow tsunə, tə n tɔŋɔ bə dzûmə tə wi, sày kɔʼ tow u ghə ighəm nsə ghə̂ ghə abəghə nə ghə doʼo ngəd tə wi.

Tùm i dzuŋu zə kuum Yeso Klisto tə Jɔn â tɔɔnə 13:18

Yeso n dza kpiʼi ndow tə̀ ngəd tə wi tə nə̀, “N ghəə ghən ghɔɔmə dzə way tə̀ ghaa adzəm, n təŋkey, n khənu ngəd tuŋ tey n sày shi bənə. À kee loʼ nə̀ ghɔɔmə i Kəzə̀ i khə ni bə shi isəŋə nə̀, ‘Wù wey tə zə̂ə dzəŋi ghi mə, à loʼ wi tə kəm fəd doʼo bənə wù təngəmə wuŋ.’

Tùm i dzuŋu zə kuum Yeso Klisto tə Jɔn â tɔɔnə 15:19

Abə ghaa mə loʼ ghə̂ a mbi ghə, tə mbi mə ləghə ghaa. À sə fa loʼ kə nə̀ mə â sày nuu shi bə ghaa nə̀ ghaa ka kəm doʼo soʼo tə a loʼ ghə̂ a mbi. À wey loʼ ghə i tii zə ghə̂ a mbi a bàanə ghaa.

Tùm i dzuŋu zə kuum Yeso Klisto tə Jɔn â tɔɔnə 15:5

N loʼ fəkaʼ, ghaa a loʼ kpìi tə tii tə. Wù wey tə loʼ ghi mə nə kəfə kəmɔʼ, mə n loʼ soʼo nə kəfə kəmɔʼ ghi wi, a loʼ wi tə loʼ ni ngii mə̂ utam. I loʼ sey n təŋkey, abə a bow tə mə, ghaa way ni ghəŋə ghə i loʼ zə.

Tùm i dzuŋu zə kuum Yeso Klisto tə Jɔn â tɔɔnə 6:70

Yeso n beeli ndow ghə nə̀, “À loʼ mə, mə â sày kɔʼnə tow ghaa wə ighəm n ghii wə ubəghə, a kee loʼ nə̀ wù umɔʼ loʼ n fəŋŋə kə ghaa nə̀ a loʼ avəətsəə.”

Kəfwaʼ 1:24

Ambə ghə sày kɔʼnə ghə̂ ghən, ghə n gɔŋŋə tsu nə̀, “Mûkəbii, wə khənu fə̀ŋ tə ghə̂ tə tədzəm, dii bə wu wən wə sày nə n ghə̂ ghən abəghə,

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 10:41

Tə â ka dii dzə wû wə tə ghə̂ ghə adzəm, tə â dii bə kə tə ghə̂ ghən Zə̀ kə â say naŋanə, tɔŋɔ ghey ghən ghey â zə̂nə, mə̂ dzəŋi soʼo ghi wi nghee tə â zhəm dzəŋŋə bənə nə ivə.

Kəfwaʼ 22:14

Tə n daŋŋə dza bə tə mə nə̀, ‘Zə̀ kə ghə bày bày a saa kə n wɔ sày nə̀ wə i khə ghəə ghey tə ləghənə, wə koʼ Wù kəfwaʼ a wi wən tə loʼnə Tsətsəghə, wə i zow soʼo ghɔɔmə zey i shiə bənə n dzuu i wi.

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

Roma 9:21

I loʼ nə̀, wù wey tə bɔmnə ndzəŋ tə, à khə wi daʼa kə n tsaʼ zey i loʼnə n wɔ wi. À loʼ wù wey tə bɔmnə ndzə̀ŋ tə, tə tsəmə kɔʼɔnə ni ney kɔʼ itsaʼ, tə bɔm kɔʼ fəndzə̀ŋ tii, tə naŋa ndow nə̀ a loʼ fə kùm ighəə fə, tə ney kɔʼ tsaʼ i mɔʼɔ zə, tə bɔm kɔʼ fəndzə̀ŋ tii, tə naŋa ndow nə̀ ghə i maŋa fwaʼa zeeli tii.

1 Kɔrint 10:11

Ghəə ghən adzəm ghə â shi n kow ghə tə̀ a loʼ tətsə̀ə tə̀ saa. Ghə â tɔ̀ɔ naŋa ghəə ghən n màʼlə K-a-zə̀ ni kii naŋa bə saa ghən saa muunə n num tən mbi may bənə tii.

Galeshia 1:15

À kee loʼ nə, Zə̀ kə mâ sày naŋa mə nə ghə ka mə kam ji, tɔŋɔ mə n bam i ndzuŋ ə wi nə̀ n doʼo wù kəfwaʼ a wi. Ambə nəŋə i wi i kpi tsunə,

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 1:11

Zə̀ kə n sày kɔʼ mə nə̀ n doʼo ngəd ə Klisto, wù dii wə, nsə wù wən tə naʼlənə tûm i dzuŋu zə.

2 Timoti 2:2

Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

Taytus 1:5

Zuŋ key mə â naŋa taʼa tsunə wɔ n Krit â loʼ nə̀ wə bayyə naŋa may kaabə bə ghəə ghey ghə â doʼo səənə, nsə nə̀ wə sày naŋa kɔʼ təngəd n dzəŋi u dzûmə tə Klisto n naʼa mey ndzəm n dəŋə kə tii kə. Bɔɔmə ghəŋə ndow tə̀ mə â dzanə tə̀ wɔ.

Hibru 11:4

A loʼ bəghəm i fə̀ŋ zən Ebel â khənə, zə â ghəŋənə nə̀ tə fəələ maʼlə wən u dzɔb tsəghəshinə u Ken wə. À loʼ n bam i bəghəm i fə̀ŋ i wi, Zə̀ kə â neynə wi nə̀ tə loʼ wù wən tə loʼnə tsətsəghə n təŋkey, Zə̀ kə n wû u wi wə â ney maʼlə wey tə â fəələnə nə̀ a loʼ maʼlə u dzuŋu wə. Nghee i buʼ loʼ kə nə̀ Ebel mâ kpu, saa nam zoʼlənu ghəə ghə na n wɔ wi kuum bəghəm i fə̀ŋ i wi n kow Zə̀ kə.

Jems 3:18

À wey loʼ ghə i tii zə ghəə a dzuŋu a shiənə, n təŋkey ghə̂ ghey ghə khənə fə̀ŋ tə dzuŋu tə, ghəŋŋə ndow ghəə a dzuŋu ghə nə̀ ghə̂ ghə i muu nə ibuulə.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.

1 Pita 3:2

tə bəghəm tə Klisto n təŋkey tə koʼo bənu nghee tə̀ wə ngɔɔmənə wi tii nsə nghee muu zə i zownə tii.

1 Jɔn 4:10

Ndzəm ndzəm kə iləghə kə way dzə nə̀ saa â ləghə ndow Kəzə̀, a fəd loʼ wi tə ləghə bənə saa isə, tûm bə waa wi tə a loʼ umaʼlə nə̀ tə bə ney nuu ghəə a saa a bəbə ghə.

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.