Tùm i dzuŋu zə kuum Yeso Klisto tə Jɔn â tɔɔnə 14:23 - Kaa n Kəzə̀ n fəghə mə

²³ Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 14:23 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 10:30

Mə ghi Bày a loʼ kəfə̂ kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 14:17

Wù wən n dzanə loʼ Zay kə Zow kə. A loʼ wi tə i bə chiə diinə isəŋə kùm Kəzə̀. Ghə̂ a mbi a way dzə ni kpiney wi, n təŋkey, ghə khə way wi, ghə koʼo keeli soʼo way wi. Abə ghaa, ghaa khənu wi, n təŋkey, tə loʼ ghi ghaa, tə i muulə soʼo n fə̀ŋ tə ghaa.

Tùm i dzuŋu zə kuum Yeso Klisto tə Jɔn â tɔɔnə 14:21

Wù wey tə zow laŋ wuŋ wə, bɔɔmə bwey ndow tii, a wey loʼ wù wey tə baa ləghənə mə. Wù wey tə ləghənə mə, Bày wuŋ i ləghənu wi, mə i ləghə soʼo wi, n dii bə soʼo wû wuŋ tə wù tii.”

Tùm i dzuŋu zə kuum Yeso Klisto tə Jɔn â tɔɔnə 14:24

Wù wey tə ləghə way mə, tə naŋŋə way ghɔɔmə zuŋ zə. Ghɔɔmə zey ghaa zownə n dzuu zuŋ, way dzə ghɔɔmə zuŋ i ngəŋ zə, a loʼ ghɔɔmə i Bày wuŋ wən tə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 15:10

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

Tùm i dzuŋu zə kuum Yeso Klisto tə Jɔn â tɔɔnə 16:27

I nə doʼlə sey n təŋkey, Bày wuŋ n wû u wi wə, ləghənu ghaa. Tə ləghə ghaa, bòʼ nə̀, ghaa n mə ləghə, bəghəm fuu soʼo nə̀ a loʼ wi tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 6:56

Ghə̂ ghey ghə fə̂nə wû wuŋ wə, mə̂ soʼo kaŋ tuŋ tən n fəələnə, ghə i muu ghi mə, mə i muu soʼo ghi ghə.

Tùm i dzuŋu zə kuum Yeso Klisto tə Jɔn â tɔɔnə 8:51

N dza bə isəŋə tə̀ ghaa nə̀, wù wey tə ney naŋanə ghɔɔmə zuŋ zə, nə kpu koʼ way.”

Tùm i dzuŋu zə kuum Yeso Klisto tə Jɔn â tɔɔnə 8:52

Ghə̂ a Təjuu ghey n dza tə̀ wi nə̀ “Ghey n ndzəm keeli nya nə̀ zay kə bəbə kə loʼ n kow wɔ. Abraham mâ khə kpu, tûm tə Kəzə̀ tə n bə kpu soʼo, wə u kee dzanə nə̀ abə wù naŋŋənə ghɔɔmə zə zə̀ tə nə kpu koʼ way.

2 Kɔrint 6:16

Muʼu n khə way ghə i loʼ zə ni ghəŋə ghi dzəŋi kə dzûmə tə Klisto kə. N dza sey n təŋkey saa loʼ ndaw Zə̀ kən kə loʼnə utaw, tə̀ Zə̀ kə dzanə nə̀, “Mə i muulə ghi ghə Mə i bwey soʼo n fəŋŋə kə ghə, Mə i loʼ Zə̀ kə ghə kə, Ghə i loʼ soʼo ghə̂ ghuŋ ghə.”

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

1 Jɔn 2:24

Sey, ghaa i tɔʼɔ naŋŋə tûm zən ghaa â zownə n nəŋə zey ghaa â bəghəmnə tii tə̀ Zə̀ kə. Abə ghaa naŋŋə dzɔbənə tûm tii n fə̀ŋ tə ghaa, ghaa i loʼ tən tsə kə nə kəfə kəmɔʼ ghi Waa nsə Bày.

1 Jɔn 2:5

Wù wey tə naŋŋənə ghɔɔmə i Kəzə̀ zə, tə ndzəmə dii bənu nə̀ tə ləghənu Zə̀ kə. Jìi zən saa keelinə nə̀ muu i saa i loʼ dzəŋi ghi wi, loʼ nə,

1 Jɔn 4:4

Ghaa ghən ghaa loʼnə waa ghuŋ a dzuŋu ghə, ghaa loʼ waa a Kəzə̀. Ghaa mâ təm zə ghə̂ ghən, boʼnə zay kən kə loʼnə n kôw ghaa, kə n taw tsəghə shi zay key kə loʼnə n kow ghə̂ ghey ghə loʼnə fa n mbi.

1 Jɔn 5:3

Ni ndzəmə ləghə Zə̀ kə, loʼ ni naŋŋə laŋ u wi wə. Laŋ u tii wə a loʼ nə u taw way ni naŋa.

2 Jɔn 1:6

Ləghə zən n dzaanə fa, loʼ ni zə̀ŋŋə̀ bə saa nə̀ saa i muu n laŋ K-a-zə̀. Laŋ kən, tə̀ ghaa â zow zey dzənə, loʼ nə, ghaa adzəm teeli khə ni ləghə wû i ghaa zə.

Chi dii 21:22

N ka kee koʼ dzə fəə fə n naʼ i tii zə, n təŋkey, fəə fə wi fə i loʼ Mûkəbii, Zə̀ kən kə khənə daʼa wə udzəm nsə Waa Nji zey.

Chi dii 21:3

Mə n zow ndow dzə̀ i taw zə i ghɔɔmə bənə n kuu kə fɔɔ, dza nə̀, “Koʼo, luʼu key Zə̀ kə muunə tii, nya loʼ n fəŋŋə kə aghə̂! Tə i muulə dzəŋi ghi ghə, ghə i loʼ ghə̂ a wi. Zə̀ kə n wû u wi wə i loʼ ghi ghə, tə i doʼo soʼo Zə̀ kə ghə.

Chi dii 22:3

Fə kə loʼ kə nə doʼo koʼ way fu inaʼ nə̀ Zə̀ kə n ləŋ naŋa. Kuu kə fɔɔ K-a-zə̀ nsə kə Waa Nji kə i loʼ fu n naʼ i tii. A loʼ fu ghə̂ a kəfwaʼ a wi ghə i ngɔɔmənə wi.