Tùm i dzuŋu zə kuum Yeso Klisto tə Jɔn â tɔɔnə 14:2 - Kaa n Kəzə̀ n fəghə mə

² N dza bə tə̀ ghaa nə̀, dzuu a ndaw a loʼ n ndaw Bày wuŋ n ndəm, abə a mə way sey, tə n mə ka dza bə dzə tə̀ ghaa nə̀ n sa ndow ni ndow bayyə naŋa tsu təluʼu tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 14:2 Mawu Ofanana

Lukas 14:22

Ghab kə n ka shi, wù kəfwaʼ wey n dzəŋŋə bə, dza tə̀ mûkəbii nə̀, ‘Mûkəbii, mə n fwaʼ ghəə, ghey wə mə dza nə̀, a kee loʼ kə nə̀, buʼ kə nam loʼnu n ndaw.’

Tùm i dzuŋu zə kuum Yeso Klisto tə Jɔn â tɔɔnə 13:33

Waa ghuŋ ghə, n kəm ngii khə way nəŋə zə ni doʼo fa ghi ghaa. Ghaa i kəŋə mə, kəŋə kii. N nam dza bə tə̀ ghaa ghə i mɔʼɔ zey mə â dzanə tə̀ ngəd tə Təjuu tə nə̀, ‘Luʼu key n ndownə tii, ghaa way ni bə fu.’

Tùm i dzuŋu zə kuum Yeso Klisto tə Jɔn â tɔɔnə 13:36

Shimun Pita n bəb tə̀ wi nə̀, “Mûkəbii, wə dza i ndow ghee?” Yeso n beeli ndow wi nə̀, “Luʼu key n ndownə tii, wə way dzə ni bə nya n baa mə. Wə i wɔ dzûmə bənu mə.”

Tùm i dzuŋu zə kuum Yeso Klisto tə Jɔn â tɔɔnə 14:28

Ghaa mâ zow nghee mə â dzanə tə̀ ghaa nə̀, ‘N nuulə ndownu, a kee loʼ nə̀ mə i kəm bəghə dzəŋŋənu n səə ghaa.’ Abə ghaa mə ləghənə mə, ghaa mə khə ni duʼlə nə̀ n ndow n səə Bày, n təŋkey, Bày tsəghəshi mə.

Tùm i dzuŋu zə kuum Yeso Klisto tə Jɔn â tɔɔnə 16:4

N ghəə ghən tə̀ ghaa dza naŋa bə, sey nə̀, abə nəŋə i tii zə i bənə tə̀ ghə ni ghəŋə ghəə ghən, ghaa i moʼlə tsu nə̀ n mâ ghaa tyələ naŋa zey. N ka khə dza dzə ghəə ghən tə̀ ghaa nə nzeyyə, n təŋkey, saa â dzəŋi loʼ adzəm.”

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

2 Kɔrint 5:1

Saa khənu nə̀ abə ghə saʼ maʼa tsunə fəə fə saa fən saa muunə tii tɔŋŋə vən fə uwû fə saa fən, saa khənu ndaw Zə̀ kə naŋanə tə̀ saa i doʼo tənə idəŋ. Ndaw tii, a ka bɔm dzə wù sɔŋtsuʼ.

1 Tesalonika 5:9

Zə̀ kə ka saa sày dzə ni ghəŋə nə̀ saa keeli uchɔd. Tə say saa nə̀ saa i loʼ ni keeli ibəghəshi n bam i Mûkəbii Yeso Klisto.

Taytus 1:2

Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Hibru 11:10

I loʼ sey n təŋkey, Abraham â ləmmə ni muu n naʼ i zən tsə̂ u tii u loʼ nə a səd Kəzə̀, nə̀ a loʼ soʼo Kəzə̀ kə bəghənə naʼ i tii zə.

Hibru 13:14

Saa khə dzə way naʼ zən i doʼo tən nə tə̀ saa fa n ghəlikətsə, saa fədlə ləmmə ndow naʼ zey i nam khə ni bə.

Hibru 6:20

Yeso mâ nyi doʼo fu isə n tow u saa tə̀ saa ni ndow fu, tə u doʼo tən fɔɔngili u nii nii wə tə̀ saa tə̀ a loʼ Mekisedek.

Hibru 9:8

Jìi zey fə wən a bayyə doʼonə tii udzəm, Zay kə Zow kə dii may bənu nə̀, jìi ni nyi tɔɔlə ndow n luʼu kən kə zow tsəghənə luʼu tə tədzəm fìi doʼonu abə ghə nam ngɔɔmənə Zə̀ kə n dzuu i sə isə zey nə kəfəə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 21:2

Mə n koʼ ndow soʼo naʼ i zow zə, nə̀ a loʼ Yerosalem i fəghə zə, i shiə tsu bənə idəŋ nə̀ a fuu tsu bə Kəzə̀, nə̀ ghə n bayyə tə a loʼ weyzən ghə lab dzɔb tsu ni ndow fuu tə num.

Chi dii 3:12

Wù wey tə i taw tsəghənə ghəə a bəbə ghə, mə i ghəŋə nə̀ tə doʼo kənyəllə n fəə kə Zə̀ kuŋ, nə̀ tə nə kəm zəghə maʼa koʼ way luʼu kə tii kə. Mə i tɔ̀ɔ tsu zəd i Zə̀ kuŋ n kow wi nsə zəd zə inaʼ Zə̀ kuŋ tɔŋŋə Yerosalem i fəghə zə, i zən i nuulə shiə tsu bə idəŋ n wɔ Zə̀ kuŋ kə. Mə i tɔ̀ɔ naŋa tsu zəd zuŋ i fəghə zə n kow wi.

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.