Tùm i dzuŋu zə kuum Yeso Klisto tə Jɔn â tɔɔnə 13:5 - Kaa n Kəzə̀ n fəghə mə

⁵ Tə n daŋŋə tsow kuu tsu mmuu n towfəkaŋa, kaʼ ndow ni sow fuu i ngəd tə wi tii, zədlə tsu n badali zey tə â kow keelinə nə isad.

Tùm i dzuŋu zə kuum Yeso Klisto tə Jɔn â tɔɔnə 13:5 Mawu Ofanana

Lukas 7:38

Tə n bə nyaʼa doʼo bə n baa Yeso, dey tsuulə tsu nsə̂ n fuu i Yeso, zə̀llə̀tsu fuu i wi n nyûŋ tə kətow tə wi, tsoʼlə tsu n mmbvə n ləmmə mə.

Lukas 7:44

Yeso n khə̀mə laalə ndòw weyzən wey, dza tə Shimun nə̀, “Wə koʼonu weyzən wən ə? N nyi bə n ndaw zə, wə ka mə n mmuu mə fu nə n kaali ifuu tii, tə u nyi bənə, sow maʼa fuu zuŋ n sə̂ n wi, zəd maʼa n nyûŋ tə kətow tə wi.

Tùm i dzuŋu zə kuum Yeso Klisto tə Jɔn â tɔɔnə 13:10

Yeso n dza tə̀ Pita nə̀, “Abə wù loʼ nə̀ tə n wû u sow, tə khə kə ni kali kɔʼ ifuu kuum nə̀ wû u wi udzəm u zownu. Ghaa adzəm ghaa zownu, a may kə wù umɔʼ n fəŋŋə kə ghaa tə dzəənə.”

Tùm i dzuŋu zə kuum Yeso Klisto tə Jɔn â tɔɔnə 13:6

Ambə Yeso bə kuum bə n səə Shimun Pita, Pita n bəb tə̀ wi nə̀, “Mûkəbii, wə dza i sow soʼo fuu zuŋ ə?”

Tùm i dzuŋu zə kuum Yeso Klisto tə Jɔn â tɔɔnə 13:8

Pita n dza tə̀ wi nə̀, “Wə nə sow koʼ way fuu zuŋ zə.” Yeso n dza tə wi nə̀, “Abə n ka sow fuu zə, a sey loʼ nə̀ ghi wɔ kəm khə way ghə i loʼ zə.”

Tùm i dzuŋu zə kuum Yeso Klisto tə Jɔn â tɔɔnə 19:34

Sawgoʼ imɔʼ n sawgoʼ tə tii tə n ney kɔʼ ighɔŋ, saw nyi kɔʼ ndow teybow i Yeso tii, mmuu mə n daŋŋə shi tsu bə n kaŋ tə tii n fəŋ i tii zə.

Kəfwaʼ 22:16

Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 5:6

Yeso Klisto wən tə â dii bənə wû u wi wə nə̀ tə loʼ waa Kəzə̀, tə â ney mmuu n Kəzə̀ nə mmuu, fəələ soʼo kaŋ tə wi n tow u saa. Â way dzə kə n mmuu n Kəzə̀ mən tə â neynə nə mmuu, tə â fəələ soʼo kaŋ tə wi n tow u saa. Zay kə Zow kə n tiilə dza bə nə̀ a loʼ isəŋə, n təŋkey, Zay kə Zow kə taw dza tsə isəŋə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.