Tùm i dzuŋu zə kuum Yeso Klisto tə Jɔn â tɔɔnə 13:3 - Kaa n Kəzə̀ n fəghə mə

³ Yeso â khənu nə̀ Bày n fuu naŋa ghəə ghə adzəm n wɔɔ a wi. Tə n khə soʼo nə̀ tə â nuu bə n səə Zə̀ kə, tə ndow dzəŋŋə n səə Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 13:3 Mawu Ofanana

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Lukas 10:22

“Bày wùŋ n fu may fə wə udzəm tə̀ mə, wù lo khə way Waa tsəghəshiə way Bày, ighələ tə̀ wù way tə khənə Bày tsəghəshiə way Waa, nsə ghə̂ ghey Waa say kɔʼnə ni dii fu wi tə̀ ghə.”

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 13:1

N tsuʼ fey Zə̂ kə taa zaʼa kə bwu bweelinə tii, Yeso n khə zey nə̀ nəŋə zə n kpii tə̀ wi ni zəghə maʼa mbi zən, tə ndow dzəŋŋə n səə Bày. Yeso â ngii ləghə ghə̂ ghən tə â loʼnə ghi ghə fa n mbi, tə n dii may tsu ləghə i wi tə̀ ghə ni ndow kùm n tsuʼ fey tə khə ni zəghə ghə.

Tùm i dzuŋu zə kuum Yeso Klisto tə Jɔn â tɔɔnə 17:2

Bày, wə n fuu wi n daʼa kə nə̀ tə i saʼa ghə̂ ghə adzəm, sey nə̀ tə loʼ ni fuu muu zə itsali tə̀ ghə̂ ghey wə fuu naŋanə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 3:13

Wù loʼ ka kam kɔʼ koʼ tsə idəŋ, a may kə wù wən tə shi tsu bənə idəŋ, tɔŋŋə Waa Weynum.

Tùm i dzuŋu zə kuum Yeso Klisto tə Jɔn â tɔɔnə 3:35

Bày idəŋ ngii ləghə Waa wi, tə u fuu naŋa ndòwnə ghəə ghə adzəm n wɔɔ kə wi.

Tùm i dzuŋu zə kuum Yeso Klisto tə Jɔn â tɔɔnə 7:29

N kee khə wi, n təŋkey, n nuu bə n səə wi, a loʼ wi tə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 7:33

Yeso n dza, “N khə kə tɔŋɔ fə inəŋə ni doʼo kəŋə ndow ghi ghaa, mə i daŋŋə nuu ndòw n səə wù wey tə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 8:14

Yeso n beeli ndòw ghə nə̀, “Abə n tsəmə tiilə dza kə wû wuŋ wə n nəŋə mə, ghəə ghey n dzanə loʼ isəŋə, n təŋkey, n khənu luʼu key n nuu bənə tii nsə luʼu key n ndòwnə tii. Abə ghaa, ghaa kee khə dzə way luʼu key n nuu bənə tii nkee luʼu key n ndòwnə tii.

Tùm i dzuŋu zə kuum Yeso Klisto tə Jɔn â tɔɔnə 8:42

Yeso n dza ndòw tə̀ ghə nə̀, “Abə Zə̀ kə mə ndzəm loʼnə bày ghaa, ghaa mə ləghə mə, n təŋkey, n nuu bə n səə Zə̀ kə, n ka bə dzə n ngəŋ zuŋ, a mə tûm bə Kəzə̀.

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

1 Kɔrint 15:27

I tɔ̀ɔ doʼo n màʼlə K-a-zə̀ nə̀, “Zə̀ kə ney naŋa bə ufə̂ udzəm n tənə fuu i wi.” Nghee tə̀ kə dza tsunə nə̀ tə ney naŋa “ufə̂ udzəm” n tənə fuu i wi, i sey dii nə̀ Zə̀ kə ka taŋ dzəŋi dzə wû u wi wə tii n təŋkey, à loʼ wi tə naŋa fə̂ u tii wə n tənə Klisto.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.