Tùm i dzuŋu zə kuum Yeso Klisto tə Jɔn â tɔɔnə 13:1 - Kaa n Kəzə̀ n fəghə mə

¹ N tsuʼ fey Zə̂ kə taa zaʼa kə bwu bweelinə tii, Yeso n khə zey nə̀ nəŋə zə n kpii tə̀ wi ni zəghə maʼa mbi zən, tə ndow dzəŋŋə n səə Bày. Yeso â ngii ləghə ghə̂ ghən tə â loʼnə ghi ghə fa n mbi, tə n dii may tsu ləghə i wi tə̀ ghə ni ndow kùm n tsuʼ fey tə khə ni zəghə ghə.

Tùm i dzuŋu zə kuum Yeso Klisto tə Jɔn â tɔɔnə 13:1 Mawu Ofanana

Matyo 26:45

Tə n ndòw dzəŋŋə n səə ngəd tə wi tə, dza tə̀ ghə nə̀, “Ghaa sa nam bweeli kənu, ghaa zayyənə ghaa n wû zə ə? Koʼo na, nəŋə i tii zə n kpii, ghə n fuu tsəʼlə ndow Waa Weynum n wɔɔ kə ghə̂ a bəbə ghə.

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Lukas 22:53

Mə̀ â mgbaŋ loʼ tsə ghi ghaa n Ndaw Kəzə̀ i nii zə n Yerosalem tsuʼu ndzəm ghaa n way ni kwu mə. À wən kee loʼ nəŋə i ghaa ni kwu mə, n təŋkey, a loʼ nəŋə zey daʼa kə avəətsəə kə fwaʼanə.”

Lukas 9:51

Ambə nəŋə i kpii bənə tə̀ Yeso ni kɔʼ idəŋ, moʼlə i wi zə n loʼ tən kə ni ndòw n Yerosalem.

Tùm i dzuŋu zə kuum Yeso Klisto tə Jɔn â tɔɔnə 11:55

Ambə nəŋə i Zə̂ kə taa zaʼa kə ghə̂ a Təjuu kə kuʼlə bənə, ndəmə aghə̂ ghə n zəghə tsu naʼa tə ghə, kɔʼ ndow n Yerosalem ni sòw tsu iwû nə̀ ghə i zow tə̀ laŋ kə diinə, ni zə̂ Zə̂ kə taa zaʼa kə.

Tùm i dzuŋu zə kuum Yeso Klisto tə Jɔn â tɔɔnə 12:23

Yeso n beeli ndòw nə̀, “Nəŋə zə n bə tə̀ waa wù sɔŋtsuʼ ni keeli kɔʼlə n nii mə.

Tùm i dzuŋu zə kuum Yeso Klisto tə Jɔn â tɔɔnə 13:29

Nghee Judas â loʼ wù wey tə â naŋŋənə mbəghə kə ukhəə kə, ngəd tə wi tə loʼ tey n moʼo kə nə̀ Yeso sey dza nə̀ tə ndow zuu bə fə kə loʼ kə ni zə̂ Kəzə̀ tii, nkee nə̀ tə fuu ndow fə kə loʼ kə tə̀ ghə̂ a laa ghə.

Tùm i dzuŋu zə kuum Yeso Klisto tə Jɔn â tɔɔnə 13:3

Yeso â khənu nə̀ Bày n fuu naŋa ghəə ghə adzəm n wɔɔ a wi. Tə n khə soʼo nə̀ tə â nuu bə n səə Zə̀ kə, tə ndow dzəŋŋə n səə Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 13:34

N fuu bə ghaa n laŋ kə fəghə kə, laŋ kə tii kə loʼ nə̀, ghaa i ləghə tiilə wû i ghaa zə. Ghaa khə ni ləghə tiilə wû i ghaa zə ighələ tə̀ n ləghənə ghaa.

Tùm i dzuŋu zə kuum Yeso Klisto tə Jɔn â tɔɔnə 14:28

Ghaa mâ zow nghee mə â dzanə tə̀ ghaa nə̀, ‘N nuulə ndownu, a kee loʼ nə̀ mə i kəm bəghə dzəŋŋənu n səə ghaa.’ Abə ghaa mə ləghənə mə, ghaa mə khə ni duʼlə nə̀ n ndow n səə Bày, n təŋkey, Bày tsəghəshi mə.

Tùm i dzuŋu zə kuum Yeso Klisto tə Jɔn â tɔɔnə 14:31

N kee fwaʼa kə tə̀ Bày dzanə, sey nə̀, ghə̂ a mbi a keeli nə̀ n ləghənu Bày. Nuu kɔʼ n na tə saa nuu tsu fa.”

Tùm i dzuŋu zə kuum Yeso Klisto tə Jɔn â tɔɔnə 16:28

Mə â nuu bə n səə Bày, bə fa n mbi. N nya khə ni kəm zəghə tsu mbi n ndow dzəŋŋə n səə Bày.”

Tùm i dzuŋu zə kuum Yeso Klisto tə Jɔn â tɔɔnə 17:1

Ambə Yeso ghɔɔmə may tsu ghəə ghən, tə n bwùm laalə kɔʼ ndow kədəŋ, kaʼ ndow ni gɔŋŋə nə̀, “Bày, nəŋə zə n kpi nya tə̀ wɔ ni ghəŋə nə̀ ghə̂ a koʼ kɔʼlə mey waa wə khənə, tə̀ tə ney bə wɔ n kɔʼlə mə a Bày.

Tùm i dzuŋu zə kuum Yeso Klisto tə Jɔn â tɔɔnə 17:16

Ghə way dzə tə̀ a loʼ ghə̂ a mbi, ighələ tə̀ nghee n way wù mbi.

Tùm i dzuŋu zə kuum Yeso Klisto tə Jɔn â tɔɔnə 17:26

Mə n chi dii wù wey wə loʼnə ghii wə tə̀ ghə, mə i ndow kə n sə kə ni ghəŋə nə̀ ghə keeli wù wey wə loʼnə, sey nə̀, ləghə zə zey wə khənə n kow mə zə i loʼ n fə̀ŋ tə ghə, mə i loʼ soʼo nə kəfə kəmɔʼ ghi ghə.”

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Tùm i dzuŋu zə kuum Yeso Klisto tə Jɔn â tɔɔnə 18:4

Yeso n khə zey ghəə zey i khə ni shi n kow wi. Tə n təmi shi bə isə, bəb tə̀ ghə nə̀, “Ghaa kəŋə ndee?”

Tùm i dzuŋu zə kuum Yeso Klisto tə Jɔn â tɔɔnə 19:28

Ambə ghəə ghən tsəghə tsu, Yeso n khə nə̀ i n mayyə ghəə ghə adzəm. Ni luulə ghɔɔmə i Kəzə̀ zən tûm tə Kəzə̀ tə â tɔ̀ɔ naŋanə, tə n dza nə̀, “Fə̀ŋ ə mmuu zuʼlə mə.”

Tùm i dzuŋu zə kuum Yeso Klisto tə Jɔn â tɔɔnə 2:13

À n loʼ nə̀ Zə̂ kə taa zaʼa kə ghə̂ a Təjuu kə n shɔd, Yeso n nuu kɔʼ ndòw n Yerosalem.

Tùm i dzuŋu zə kuum Yeso Klisto tə Jɔn â tɔɔnə 6:4

À n loʼ nə̀ nəŋə zey ghə̂ a Təjuu a zə̂ənə Zə̂ kə taa zaʼa kə nya kuʼlə may bənu.

Tùm i dzuŋu zə kuum Yeso Klisto tə Jɔn â tɔɔnə 7:30

Ambə ghə zow tsunə ghəə ghən tə dzanə, ghə n zey ni kəŋ jìi ni kwu wi, wù umɔʼ n kee way ni gaʼ kəwɔɔ n kow wi, n təŋkey, nəŋə zə â ka kam bə dzə tə ghə ni kwu wi.

Tùm i dzuŋu zə kuum Yeso Klisto tə Jɔn â tɔɔnə 7:6

Yeso n dza ndòw tə̀ ghə nə̀, “Nəŋə zey n khə ni ndow tii ka kam kpii dzə, abə ghaa, ghaa loʼ ni ndow n nəŋə zey ghaa ləghənə.

Tùm i dzuŋu zə kuum Yeso Klisto tə Jɔn â tɔɔnə 8:20

Yeso â ghɔɔmə ghəə ghən nə̀ tə dii aghəə n Ndaw Kəzə̀ n Yerosalem, n səə luʼu key ghə naŋŋənə khə̀ə wə tii. Wù umɔʼ n way ni kwu wi n təŋkey nəŋə zey ghə â khə ni kwu wi â ka kam bə.

Roma 8:37

Saa tsəmə təmə zəənu ghəə ghən adzəm n təŋkey à saa gaamə Klisto wən tə ləghənə saa.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 6:11

Ghey ləghə nə̀ kay wù ghaa tsəghə ndow kə n sə̂ kə ni ndəmi uwû n fwaʼ kə ghaa ni ndow kuum, sey nə̀, ghaa i loʼ ni ndzəm keeli fə key ghaa ləmmənə.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.