Tùm i dzuŋu zə kuum Yeso Klisto tə Jɔn â tɔɔnə 12:26 - Kaa n Kəzə̀ n fəghə mə

²⁶ Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 12:26 Mawu Ofanana

Matyo 16:24

Sey, Yeso n dza ndòw tə̀ ngəd tə wi tə nə̀, “Abə wù dza i dzûmə mə̀, tə khə ni ney tsu nə̀ wû u wi u way dzə fə kə loʼ kə, tə boʼo kɔʼ zat kə fəkaʼ kə wi, tə dzûmə bə mə.

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Malakus 8:34

Yeso n tɔŋɔ bə nɔɔ kə aghə̂ key nsə ngəd tə wi tə dza tə̀ ghə nə̀, “Abə wù ləghənə ni dzûmə mə, tə khə ni tuu maʼa wû u wi, tə boʼo kɔʼ zat kə fəkaʼ kə wi tə, tə dzûmə bə mə.

Lukas 12:37

A i loʼ ghə i dzuŋu zə tə̀ ghə̂ a kəfwaʼ ghey mûkəbii ə ghə i kwɔɔlə bənə ghə nə̀ ghə loʼ n luʼu k-a-fwaʼ abə tə i dzəŋŋə bənə. N kûum dza bə isəŋə nə̀ tə i ndzuŋŋə tsu uwû tə bə fuu ghə n fəzəə wə.

Lukas 6:46

A loʼ kee ghaa tɔŋɔnə mə nə ‘Mûkəbii’, ‘Mûkəbii’, nə a loʼ sey ghaa ghəŋə way ghəə ghey n dzanə.

Lukas 9:23

Yeso n dza tə ghə adzəm nə̀, “Abə wù ləghənə ni dzûmə mə, tə khə ni tuu maʼa tsu wû u wi, tə boʼo kɔʼ zat kə fəkaʼ kə wi, tə dzûmə mə ntsuʼu ndzəm.

Tùm i dzuŋu zə kuum Yeso Klisto tə Jɔn â tɔɔnə 10:27

Nji tuŋ tə zowkeelinu dzə̀ zuŋ. N khənu ghə, ghə u dzûmənə mə.

Tùm i dzuŋu zə kuum Yeso Klisto tə Jɔn â tɔɔnə 13:16

N sa kùm dza bənu tə̀ ghaa, wù kəfwaʼ u lo u way ni tsəghəshi mûkəbii wi, wù tûm way soʼo ni tsəghəshi wù wey tə tûmnə wi.

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 14:3

Abə n ndòw faalə naŋa tsunə luʼu tə tə̀ ghaa, mə i kəm bə dzəŋŋə, n bə ney ghaa tə̀ saa i loʼ adzəm, sey nə̀, luʼu key n loʼnə tii, ghaa i loʼ soʼo fu ghi mə.

Tùm i dzuŋu zə kuum Yeso Klisto tə Jɔn â tɔɔnə 15:20

Moʼlə tsu na nə n mâ buʼ dza tə̀ ghaa nə̀, ‘Wù kəfwaʼ tsəghəshiə tsə way mûkəbii ə wi.’ Abə ghə â loʼ ni chɔd mə, ghə i chɔdlɔ soʼonu ghaa. Abə ghə â naŋŋənə ghɔɔmə zuŋ zə, i sey diinə ghə i naŋŋə soʼonu ghɔɔmə i ghaa zə.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 21:22

Yeso n beeli ndow wi nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee? Dzûmə bə mə!”

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

2 Kɔrint 5:8

Ghey tɔʼ khənu, buʼu ləghə soʼo ni zəghə maʼa vən fə uwû fən, tə̀ ghey doʼo ndòw ghi Mûkəbii.

Galeshia 1:10

Ghaa moʼlə nə̀ n kəŋə kɔʼlə n wù sɔŋtsuʼ mɔ kɔʼlə n Kəzə̀ ə? Nkee ghaa moʼlə nə̀ n fwaʼa nə ghə̂ ghə i kali bə mə ə? Abə à mə loʼ nə n nam fwaʼa nə ghə̂ ghə i kali bə mə, i sey dii nə̀ n way dzə wù Kəfwaʼ a Klisto.

Filipi 1:23

N maŋ loʼ n fə̀ŋ ə ghəə ghən abəghə. N ləghənu ni zəghə mbi zən N ndòw doʼo ghi Klisto, n təŋkey, a dzɔb tsəghə i tii zə.

Kolose 3:24

Abə ghaa fwaʼanə sey, keeli tsu na nə̀ ghaa i keelinu naamə key Mûkəbii â təb naŋanə tə̀ ghə̂ a wi ghə, n təŋkey à loʼ Klisto tə baa loʼnə Mûkəbii ə ghaa.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

1 Jɔn 5:3

Ni ndzəmə ləghə Zə̀ kə, loʼ ni naŋŋə laŋ u wi wə. Laŋ u tii wə a loʼ nə u taw way ni naŋa.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.

Chi dii 14:4

À wən loʼ ghə̂ ghən ghə â ka dzəələ wû i ghə ghi gheyzən ghə, boʼnə ghə â doʼo tən kə nə̀ ghə ka nyəŋi koʼ ghi weyzən. Ghə n dzûmə Waa Nji zey n luʼu tey tədzəm tə ndownə. Ghə loʼ ghə̂ ghən ghə bəghəshi bənə ghə n wɔɔ kə wù sɔŋtsuʼ. Ghə loʼ fə u sə isə wən u fən bə nə usum, saa fuu ndownə tə̀ Zə̀ kə nsə tə̀ Waa Nji.