Tùm i dzuŋu zə kuum Yeso Klisto tə Jɔn â tɔɔnə 12:2 - Kaa n Kəzə̀ n fəghə mə

² Nghee ghə tsu doʼo tsu n nəŋə i fənə tə, fə a Yeso ghə n khəələ bə wi n fəzəə wə, Mata n dzawwə bə ufəzəə, Lazarɔs n kee doʼ dzəŋi ni zə̂ ghi Yeso.

Tùm i dzuŋu zə kuum Yeso Klisto tə Jɔn â tɔɔnə 12:2 Mawu Ofanana

Matyo 26:6

Nya Yeso n loʼ n Betani, n ndaw Shimun tə â loʼ tsənə wù ukə̀m.

Malakus 14:3

N tsuʼ fə loʼ fə, Yeso n loʼ n Betani, tə n zəə n ndaw Shimun wù ukə̀m. Weyzən u loʼ wə n ndòw bə fu n mbvə n ləmmə mə n ndzəŋ fə loʼ fə ghə tɔŋŋə nə̀ a loʼ alabasta. Ghə â faalə tən kə mbvə n tii mə n zhìi kə loʼ kə ghə tɔŋɔnə nə̀ a loʼ nad, nə̀ wən i tii i ngii tawnu. Tə n chi kɔʼ ndzəŋ fə tii fə, feeli tsu mbvə n tii mə n tow kə Yeso.

Lukas 12:37

A i loʼ ghə i dzuŋu zə tə̀ ghə̂ a kəfwaʼ ghey mûkəbii ə ghə i kwɔɔlə bənə ghə nə̀ ghə loʼ n luʼu k-a-fwaʼ abə tə i dzəŋŋə bənə. N kûum dza bə isəŋə nə̀ tə i ndzuŋŋə tsu uwû tə bə fuu ghə n fəzəə wə.

Lukas 14:12

Sey, tə n dza ndòw tə̀ wù wey tə mə naʼanə wi nə̀, “Abə wə̀ khənə zə̂ kə, ka kali naʼa kə fə ghə ghə̀, waazə ghə ghə̀, tyimghə ghə, nsə ghə̂ a kuum ghey ghə muu nə n kɔli wə, bòʼ nə abə wə ghəŋənə sey, ghə i mbɔŋɔ naʼa dzəŋŋə bə soʼonu wɔ, sey zə i loʼ nə ghə n wɔ tsə dzəŋŋə.

Lukas 22:27

À lòʼ ndee wù kətow n ghə̂ ghən abəghə ə? Wù wey tə doʼo tsu n bənə kə zəə kə ghə a tsəʼlə bə wi n fəzəə wə mɔɔ wù wey tə tsəʼlə fu nə fəzəə wə ə? N dza a mgbaŋ loʼ wù wey tə doʼnə zəə ə? À wey loʼ ghə i tii zə n lòʼ ghi ghaa tə a loʼ wù kəfwaʼ.

Lukas 5:29

Levi n ney ndòw Yeso n ndàw wi, ndòw zɔʼ tsu wi. Ghə̂ a kwɔɔ a màʼlə kə tsow kə n loʼ fu nsə ghə̂ a loʼ ghə soʼo, dzəŋi zəə.

Chi dii 3:20

Mə wənə n teynə n fuʼ u ndaw, buʼu kəbaʼ. Wù wey tə zow dzə̀ zuŋ, chi tsu kəbaʼ, mə i tsəghə nyi bə zə ghi wi, tə i zə soʼo ghi mə.