Tùm i dzuŋu zə kuum Yeso Klisto tə Jɔn â tɔɔnə 11:51 - Kaa n Kəzə̀ n fəghə mə

⁵¹ Tə â ka dza dzə ghəə ghən n daʼa kə wi kə ngəŋ kə, â loʼ n təŋkey, tə â loʼ fɔɔngili u nii nii wə n num kə tii kə. Sey, tə n dza zey bə nə̀ Yeso khə ni kpu n tow kə naʼ i ghə̂ a Təjuu.

Tùm i dzuŋu zə kuum Yeso Klisto tə Jɔn â tɔɔnə 11:51 Mawu Ofanana

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Tùm i dzuŋu zə kuum Yeso Klisto tə Jɔn â tɔɔnə 10:15

Nghee tə Bày wuŋ khənə mə, mə u khə soʼonə Bày wuŋ, à loʼ ighələ tə̀ n khənə njì tuŋ tə, njì tuŋ tə u khə soʼonə mə, à wey loʼ ghə i tii zə n loʼnə ni kpu n tow kə njì tuŋ.

Tùm i dzuŋu zə kuum Yeso Klisto tə Jɔn â tɔɔnə 11:49

Wù ghə umɔʼ, tɔŋŋə Kayfas, tə â loʼnə fɔɔngili u nii nii wə n num kə tii kə, n ghɔɔmə shi kɔʼ nə̀, “Dzəŋsə u fə wən!

Tùm i dzuŋu zə kuum Yeso Klisto tə Jɔn â tɔɔnə 18:13

Ghə n ney ndow dzə wi isə n səə Anas. Anas bəwey ə Kayfas wey tə â loʼ fɔɔngili u nii nii wə n num kə tii kə.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.