Tùm i dzuŋu zə kuum Yeso Klisto tə Jɔn â tɔɔnə 11:47 - Kaa n Kəzə̀ n fəghə mə

⁴⁷ Sey, ghə fɔɔngili a nii ghə ghi ghə̂ a tə Falasi ghə n tɔŋɔ tsu dzəŋi kə ndaw tsə̀, ghə n bəbə n wû i ghə nə̀, “A i jiə tsu ngee ghi Yeso wən ə? Tə nya ngii dii ndəmə ghəə a faalə ghə!

Tùm i dzuŋu zə kuum Yeso Klisto tə Jɔn â tɔɔnə 11:47 Mawu Ofanana

Matyo 26:3

Ghə fɔɔngili a nii ghə nsə ngəd tə inaʼ tə n dzəŋi bə n bii kə Kayfas tə â loʼnə fɔɔngili u nii nii wə.

Matyo 5:22

N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Malakus 14:1

 nya doʼo səə kə ntsuʼu nbəghə ni zə̂ Zə̂ kə taa zaʼa kə nsə Baa key ghə kuu way Mbvuŋ tii. Ghə fɔɔngili a nii ghə nsə ghə̂ a dii ghə ulaŋ ghə n kəŋə jìi ni tsiilə kwu Yeso, tə̀ ghə wey wi.

Lukas 22:2

Ghə fɔɔngili a nii ghə nsə ghə̂ a dii ghə ulaŋ ghə n kəŋə jii ni nyì wey Yeso, n təŋkey, ghə â tsəŋə ghaʼa aghə̂.

Tùm i dzuŋu zə kuum Yeso Klisto tə Jɔn â tɔɔnə 11:57

À n loʼ sey nə̀ ghə fɔɔngili a nii ghə ghi ghə̂ a tə Falasi ghə n tsəʼlə laŋ kə nə̀ abə wù loʼ koʼ tsunə luʼu key Yeso loʼnə tii, tə bə dza fu bə, tə ghə ndow kwu wi.

Tùm i dzuŋu zə kuum Yeso Klisto tə Jɔn â tɔɔnə 12:19

Sey, ghə̂ a tə Falasi ghə n ghɔɔmə n wû i ghə dza nə̀, “Ghəə zən n saa tsəghəshi! Koʼo na, Ghə̂ adzəm a nya təŋŋə ndòw kə n baa wi!”

Tùm i dzuŋu zə kuum Yeso Klisto tə Jɔn â tɔɔnə 2:11

À wən loʼ tsəə ə Yeso i sə̂ isə zə tə â ghəŋənə n naʼ i Kana n mboʼo Galili. Â loʼ soʼo fu ngəd tə Yeso tə â koʼnə daʼa kə wi kə, sey, ghə n bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 6:2

Nɔɔ kə aghə̂ kə nii kə n dzûmə ndòw wi, n təŋkey ghə mâ koʼ faalə n wi mey tə â ghəŋŋənə ni baŋŋə ghə̂ a dzaŋa ghə.

Tùm i dzuŋu zə kuum Yeso Klisto tə Jɔn â tɔɔnə 7:32

Ghə̂ a tə Falasi ghə n zow tsu nghee tə̀ ghə̂ a tsɔŋɔ ghɔɔmə kaabənə ghəə ghən bòʼ Yeso, sey ghə n təmdzəŋi kɔʼ ghi ghə fɔɔngili a nii ghə, tûm tsu ghə̂ a keyyə ghə nə̀ ghə ndòw kwu Yeso.

Tùm i dzuŋu zə kuum Yeso Klisto tə Jɔn â tɔɔnə 7:45

Nghee tə ghə̂ a keyyə ghey ghə â tûmnə nə̀ ghə ndòw kwu Yeso dzəŋŋə ndownə, ghə fɔɔngili a nii ghə nsə ghə̂ a tə Falasi ghə n bəb tə̀ ghə nə̀, “Ghaa ka ney bə wi nə̀ a loʼ kee?”

Kəfwaʼ 5:21

Ghə n nuu kɔʼ n bələbələ tə, bɔɔmə dzûmə ndow kə ghəə zey tsəndəghə ə Mûkəbii wey mə dzanə, nuu nyi ndow n bii kə ndaw Kəzə̀, zey ndow ni dii aghə̂ fu. Ambə fɔɔngili u nii nii wə ghi ghə̂ a wi ghə ndow bənə, ghə n tɔŋɔ naŋa bə ghə̂ a tsə nsə ngəd tə Izree tə tədzəm, tûm ndow tûm n ndaw tsaʼ nə ghə ney bə ngəd tə Yeso tey fu.

Kəfwaʼ 5:24

Ambə ghə fɔɔngili a nii ghə nsə tow kə ghə̂ a keyyə ghey n ndaw Kəzə̀, zow tsunə ghəə zən, dzuu zə n zum ghə, ghə n məʼlə ghəə zey i shinə.