Tùm i dzuŋu zə kuum Yeso Klisto tə Jɔn â tɔɔnə 11:28 - Kaa n Kəzə̀ n fəghə mə

²⁸ Ambə Mata ghɔɔmə may tsunə sey, tə n nuu dzəŋŋə i ndòw, ndòw koʼ tsu waazə ə wi, tɔŋŋə Maria, tsɔŋ dza tsu tə̀ wi nə̀, “Wù dii loʼ fa, tə ləghə ni koʼ wɔ.”

Tùm i dzuŋu zə kuum Yeso Klisto tə Jɔn â tɔɔnə 11:28 Mawu Ofanana

Matyo 26:18

Yeso n dza ndòw tə̀ ghə nə̀, “Nyi ndòw na fey inaʼ, ghaa i koʼ tsu wù loʼ, ghaa dza ndòw tə̀ wi nə̀ ‘Wù dii dza nə̀ nəŋə zuŋ zə kpii, mə ghi ngəd tuŋ tə î zə̂ə Zə̂ kə taa zaʼa kə n ndaw zə.’”

Malakus 10:49

Yeso n təmi tsu, dza nə̀, “Tɔŋɔ bə na wi fa.” Ghə n tɔŋɔ tsu wi dza tə̀ wi nə̀, “Kwu tsu fə̀ŋ, wə̀ təmi kɔʼ n fuu zə, tə tɔŋŋə wɔ.”

Malakus 14:14

Ndaw zey tə i nyinə tii, ghaa i nyi ndòw soʼo fu, ghaa i dza ndòw tə muu ndaw tii nə̀, ‘Wù dii bəbə nə̀, dzuu i ndaw zey mə ghi ngəd tuŋ tə loʼ ni zə̂ Zə̂ kə taa zaʼa kə tii, loʼ ghee?’

Lukas 22:11

Ghaa i bəb ndow tə muu ndaw a wi nə̀, ‘Wù dii bəbə nə̀ dzuu i ndaw i wù bwey bə wə loʼ ghee fa tə n loʼ ni doʼo tsu tii ghi tsətəndəghə tuŋ tə ni zə̂ Zə̂ kə taa zaʼa kə ə?’

Tùm i dzuŋu zə kuum Yeso Klisto tə Jɔn â tɔɔnə 1:41

Ambə Andria zəghə tsunə Yeso, ghə i sə̂ isə zey tə â ghəŋənə â loʼ ni ndow kəŋ ndòw waazə ə wi Shimun. Tə n dza tə̀ wi nə̀, “Ghey n koʼo wù wey Zə̀ kə â dza naŋa nə̀ i tûm bənu.” (Wù wən Zə̀ kə â dza nə̀ i tûm bənu n ghɔɔmə i Grik loʼ Klisto).

Tùm i dzuŋu zə kuum Yeso Klisto tə Jɔn â tɔɔnə 1:45

Filip n bə koʼ bə Natanyə, dza tə̀ wi nə̀, “Ghey n koʼ wù wey Mushi â tɔɔnə bòʼ wi n màʼlə K-a-laŋ, wù wey Tûm tə Kəzə̀ tə â tɔ̀ɔ soʼonə bòʼ wi. A loʼ Yeso wù Nazaled wən ghə tɔŋŋənə bày nə̀ a loʼ Yosef.”

Tùm i dzuŋu zə kuum Yeso Klisto tə Jɔn â tɔɔnə 10:3

Fwaʼ kə wù keyyə kə loʼ ni chi fuʼ u mbàa tə wù baʼa u tənjì wə. Wù baʼa u tənjì wey təmi tsu kə n fuʼ u mbàa, tə n tɔŋɔ nuu shi ndow njì tey n zəd a ghə, njì tə tii tə n zowkeeli dzə̂ ə wi, dzûmə shi ndow wi.

Tùm i dzuŋu zə kuum Yeso Klisto tə Jɔn â tɔɔnə 11:20

Ambə Mata zow tsunə nə̀ Yeso nya bəghənu, tə n nuu ndòw ni ndòw kpii ney wi, Maria n kee doʼo səə tsu kə n ndaw.

Tùm i dzuŋu zə kuum Yeso Klisto tə Jɔn â tɔɔnə 11:29

Nghee tə̀ Maria zow tsunə sey, tə n daŋŋə ghaʼ nuu kɔʼ, nuu shi ndòw ni ndòw koʼ wi.

Tùm i dzuŋu zə kuum Yeso Klisto tə Jɔn â tɔɔnə 11:30

À n loʼ nə̀ Yeso ka kam bə nyi dzə inaʼ, tə â nam loʼ n luʼu key Mata â kpiilə tii ghi wi.

Tùm i dzuŋu zə kuum Yeso Klisto tə Jɔn â tɔɔnə 13:13

Ghaa tɔŋŋə mə nə̀ a loʼ Wù dìi, tɔŋŋə soʼo nə̀ a lo Mûkəbii. À loʼ isəŋə, ghaa tɔŋŋə dzɔbnu, n təŋkey, a loʼ fə key n loʼnə ghii kə.

Tùm i dzuŋu zə kuum Yeso Klisto tə Jɔn â tɔɔnə 20:16

Yeso n tɔŋɔ tsu wi nə̀, “Maria.” Maria n laalə ndow wi, tɔŋɔ ndow wi n ghɔɔmə i Hibru nə̀, “Raboni!” I dii nə̀, “Wù dii.”

Tùm i dzuŋu zə kuum Yeso Klisto tə Jɔn â tɔɔnə 21:7

Ngəd zey Yeso â ngii ləghə tsənə n dza tə̀ Pita nə̀, “À loʼ Mûkəbii!” Ambə Shimun Pita zow tsu sey, tə n ney dzəŋə kɔʼ ndzə tə wi tey tə â tsɔʼ naŋanə nə kəfən nghee tə fwaʼanə, taa nyi tsu nə inyi, təghə shi kəŋə ndow n nguŋ.

1 Tesalonika 5:11

Sey, ghaa khə ni kuu tiilə fəŋ tə̀ ghaa tə, gaamə tiillə soʼo i wû i ghaa zə ni ghəŋə nə̀ ghaa nyim n bəghəm i ghaa, ighələ tə̀ ghaa ghəŋənə.

Hibru 12:12

Sey, ghaa khə ni ghəŋə tsu nə̀ kpii i ghaa zən i buu tsuu bənə nsə fuu i ghaa zən i buu khə̂mmə bənə, nə̀ zə i taw.