Tùm i dzuŋu zə kuum Yeso Klisto tə Jɔn â tɔɔnə 11:26 - Kaa n Kəzə̀ n fəghə mə

²⁶ Ghə̂ ghey adzəm ghə bəghəm nə tə̀ mə, nə kpu koʼ way. Wə bəghəmnu ghəə ghən ə?”

Tùm i dzuŋu zə kuum Yeso Klisto tə Jɔn â tɔɔnə 11:26 Mawu Ofanana

Matyo 26:53

Wə khə way nə̀ n loʼnu ni tɔŋɔ dza ndòw tə̀ Bày wuŋ, tə i tûm bə nɔɔ u tsətəndəghə tə wi ighəm n ghii tə təbəghə, ghə bə gaamə mə ə?

Matyo 9:28

Ambə Yeso ndòw nyi ndòwnə n ndaw, ghə̂ à fəbə ghey n bə kòʼ bə wi, Yeso n daŋŋə bəb tə̀ ghə nə̀, “Ghaa bəghəmnu nə tə̂ N fwaʼ ndzoʼo ighəə tə̀ a loʼ i zən ə?” Ghə n bəghəm kɔʼ nə̀, “Ow a Mûkəbii, ghey bəghəmnu!”

Malakus 9:23

Yeso n dza tə̀ wi nə̀, “Wə bəb bə nə̀ ‘Abə n khənə jìi ə?’ Ghə i loʼ i way ni taw tsəghə wù wey tə khənə bəghəm i fə̀ŋ zə.”

Tùm i dzuŋu zə kuum Yeso Klisto tə Jɔn â tɔɔnə 10:28

N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Tùm i dzuŋu zə kuum Yeso Klisto tə Jɔn â tɔɔnə 14:10

Nə̀ ma a Filip, wə kam bəghəm tə way nə̀ n loʼ nə kəfə kəmɔʼ ghi Bày, Bày u loʼnə nə kəfə kəmɔʼ ghi mə ə? Ghɔɔmə zən n ghɔɔmə bənə tə̀ wɔ, n ghɔɔmə dzə way n ngəŋ zuŋ, à loʼ Bày wən tə loʼnə nə kəfə kəmɔʼ ghi mə, tə fuunə mə n daʼa kə ni fwaʼ fwaʼ kə wi.

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 9:35

Yeso n zow tsu nə̀ ghə n dzum shi wù wey n Ndaw kədzəŋi. Ambə Yeso ndòw koʼ tsunə wi, tə n bəb ndòw tə̀ wi nə̀, “Wə̀ bəghəm fuunu tə̀ Waa wù sɔŋtsuʼ ə?”

Roma 8:13

N dza sey n təŋkey, abə ghaa muunə nghee tə̀ gow uwû ləghənə, ghaa i kpuunu. Nə̀ ghaa kee muu nghee tə̀ Zay kə Zow kə ləghənə, ghaa i wey maʼa ghəə a bəbə ghey a loʼnə n kow ghaa, ghaa i keeli imuu.