Tùm i dzuŋu zə kuum Yeso Klisto tə Jɔn â tɔɔnə 10:6 - Kaa n Kəzə̀ n fəghə mə

⁶ Yeso n ghɔɔmə ghɔɔmə i fənkəfən zən tə̀ ghə, ghə n ka kee zowkeeli ghəə ghey tə dzanə.

Tùm i dzuŋu zə kuum Yeso Klisto tə Jɔn â tɔɔnə 10:6 Mawu Ofanana

Matyo 13:34

Ghəə ghən adzəm Yeso â ghɔɔmənə tə̀ nɔɔ wə aghə̂ wey, tə â teeli khəə kə n ghɔɔmə i fənkəfən. Tə â ka tsəm khəə kìi ghəə zə nə̀ tə ka khəə n ghɔɔmə i fənkəfən.

Matyo 13:51

Yeso n bəb tə̀ ngəd tə wi tə nə̀, “Ghaa n zowkeeli ghəə ghən ə?” Ghə n mə i bəghəm nə̀, “Ow.”

Malakus 4:34

Nəŋə i loʼ i way Yeso â diinə ghə̂ ghə, nə̀ tə ka dza n ghɔɔmə i fənkəfən. Ambə tə loʼ kənə ghi ngəd tə wi tə, tə n tiilə dza ndòw tə̀ ghə ghəə zey i diinə.

Tùm i dzuŋu zə kuum Yeso Klisto tə Jɔn â tɔɔnə 16:25

Yeso n dza tə̀ ngəd tə wi tə nə̀, “N ghəə ghən dza bə nya tə̀ ghaa n ghɔɔmə i fənkəfən, nəŋə i kee bəghənu, mə i kəm ghɔɔmə way ghəə ghə tə̀ ghaa n ghɔɔmə i fənkəfən. N nəŋə i tii zə, n nə dza dzî bə aghəə tə̀ ghaa kùm Bày wuŋ n jìi zey ghaa loʼ ni zowkeeli.

Tùm i dzuŋu zə kuum Yeso Klisto tə Jɔn â tɔɔnə 16:29

Ambə tə ghɔɔmə tsunə sey, ngəd tə wi tə n kali ndow wi nə̀, “Wə nya ghɔɔmə dzî shiə bə aghəə, wə kəm fənnə ghɔɔmə way.

Tùm i dzuŋu zə kuum Yeso Klisto tə Jɔn â tɔɔnə 6:52

Ghə̂ a Təjuu ghə n kaʼ ni baŋŋə təfəghəm n wû i ghə dza nə̀, “Wù wən loʼ ngee ni fu bə wû u wi nə̀ a zə̂ ə?”

Tùm i dzuŋu zə kuum Yeso Klisto tə Jɔn â tɔɔnə 6:60

Ambə ngəd tə Yeso tə zow tsunə ghəə ghən, ndəmə ghə n dza, “Ghɔɔmə zən ngii tawnu ni dzûmə, à loʼ ndee ni bəghəm ni ghəŋə ghəə ghən ə?”

Tùm i dzuŋu zə kuum Yeso Klisto tə Jɔn â tɔɔnə 7:36

Tə dza tsu fa nə̀, ‘Ghaa i kəŋə mə ghaa i way ni koʼ mə’, nsə nə̀, ‘Luʼu key n loʼnə tii, ghaa ndɔm way ni bə fu.’ I sey dii nə̀ ngee?”

Tùm i dzuŋu zə kuum Yeso Klisto tə Jɔn â tɔɔnə 8:27

Ghə n ka zowkeeli nə̀ tə sey ghɔɔmə kuum Bày wi.

Tùm i dzuŋu zə kuum Yeso Klisto tə Jɔn â tɔɔnə 8:43

A loʼ kee ghaa zowkeeli way ghəə ghey n dzanə ə? A loʼ n təŋkey, ghaa ləghə way ni zow ghɔɔmə zuŋ.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

2 Pita 2:22

Mwam u ghə u dii bənu nə̀ ghɔɔmə i fənkəfən zən loʼ isəŋə nə̀, “Bvə kəm ndow dzəŋŋə ibam ni zə̂ zaa u wən i mə zaa maʼanə.” Wə a dza soʼo nə̀, “Feelibu kən ghə sow dzənə dzəŋŋə ndow kə nə kətsaʼ ni nyuʼ uwû.”

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.