Tùm i dzuŋu zə kuum Yeso Klisto tə Jɔn â tɔɔnə 10:31 - Kaa n Kəzə̀ n fəghə mə

³¹ Nghee ghə zow tsunə sey ghə̂ a Təjuu ghey n kəm kumi kpiʼi kɔʼ atay ni təmmə wey wi tii.

Tùm i dzuŋu zə kuum Yeso Klisto tə Jɔn â tɔɔnə 10:31 Mawu Ofanana

Matyo 12:14

Ghə̂ a tə Falasi ghə n fəd nuu shi ndòw bii, ndòw kaʼ ni saalə nghee tə̀ ghə loʼ ni wey Yeso tii.

Matyo 21:35

Ghə̂ ghey tə â tsoʼo naŋanə sum wey n wɔ ghə n kwu tsu ghə̂ a kəfwaʼ ghey, bwɔd umɔʼ, wey maʼa tsu u loʼ wə, təmmə u loʼ wey nə atay.

Matyo 23:35

Sey kaŋ tə ghə̂ ghən ghə loʼ nə̀ ghə khə way bwu i loʼ zə, ghə â weynə fa n mbi adzəm i tsuu tsu n tow u ghaa, ni zey bə n kaŋ tə Ebel bə kuum bə n kaŋ tə Wù tûm Kəzə̀ Zakalia, waa Berakaya wən ghə â weynə n luʼu key kə loʼnə n fə̀ŋ ə tsə zey ghə fəələnə maʼlə wə tii nsə baa baa Ndaw Kəzə̀.

Tùm i dzuŋu zə kuum Yeso Klisto tə Jɔn â tɔɔnə 1:19

Ngəd tə ghə̂ a Təjuu a loʼ ghə n Yerosalem n tûm tsu ghə Fɔɔngili a loʼ ghə nsə ghə̂ ghey ghə fwaʼanə n ndaw Kəzə̀ i nii zə Yerosalem tə̀ Jɔn, nə̀ ghə ndòw bəb tə̀ wi nə̀, “Wə loʼ ndee?”

Tùm i dzuŋu zə kuum Yeso Klisto tə Jɔn â tɔɔnə 10:24

Ghə̂ a Təjuu ghə n zuŋŋə dzəŋ tsəghə kɔʼ wi, bəb tə̀ wi nə̀, “Wə i naŋŋə ghey nə kələm ni ndòw kùm zeeli? Abə wə̀ loʼnə nə̀ wə loʼ wù wey Zə̀ kə â dza naŋa nə̀ i tûm bənu, wə n shi bə tsətsəghə.”

Tùm i dzuŋu zə kuum Yeso Klisto tə Jɔn â tɔɔnə 10:32

Yeso n dza ndòw tə̀ ghə nə̀, “Bày wuŋ n ghəŋə mə nə̀ n ghəŋə ndəmə ghəə a dzuŋu ghə. À loʼ ghə i ghaa zə tii i ghəŋənə nə̀ ghaa i dza nə̀ ghaa dza i təmmə wey mə nə atay ə?”

Tùm i dzuŋu zə kuum Yeso Klisto tə Jɔn â tɔɔnə 11:8

Ngəd tə wi tə n dza tə̀ wi nə̀, “Wù dii wə, ghab kə ka kam shi nghee tə ghə̂ a Təjuu ghə â dza i təmmə wey wɔ nə atay, wə u nam ləghənə ni ndòw dzəŋŋə fu ə?”

Tùm i dzuŋu zə kuum Yeso Klisto tə Jɔn â tɔɔnə 5:18

À wən loʼ ghɔɔmə zən zə â faalə ghəŋə may soʼonə ghə̂ a Təjuu ghə nə̀ ghə nuu təmi kɔʼ nə̀ ghə khə ni wey wi, kuum nə̀, tə â ka kad zaʼ kə laŋ kə tsuʼ inaʼ u ghə wə, tə â dza soʼo nə̀ Zə̀ kə loʼ Bày wi, dii tsunə wi ghi Zə̀ kə ghə loʼ ighələ.

Tùm i dzuŋu zə kuum Yeso Klisto tə Jɔn â tɔɔnə 8:59

Nghee ghə zow tsu sey, ghə n kuumə kɔʼ atay ni təmmə wi tii, Yeso n kee nyì doʼo tsu, nyaʼi nii nuu tsu fu n Ndaw Kəzə̀.

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.