Tùm i dzuŋu zə kuum Yeso Klisto tə Jɔn â tɔɔnə 1:51 - Kaa n Kəzə̀ n fəghə mə

⁵¹ Tə n kəm dza ndòw tə̀ wi nə̀, “N dza bə isəŋə tə̀ ghaa nə̀, ghaa i koʼo bikighow kə chi shi ndownə, tsətəndəghə tə Kəzə̀ tə i kɔʼɔ, tsuu n kow Waa Weynum.”

Tùm i dzuŋu zə kuum Yeso Klisto tə Jɔn â tɔɔnə 1:51 Mawu Ofanana

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Matyo 26:24

Waa Weynum khə ni kpu tə̀ màʼlə K-a-zə̀ kə dzanə, a kee loʼ nə̀ ngoʼ loʼ tə̀ wù wey tə î fiilə fuu shiənə wi. À mə khə ni loʼ ghə i dzuŋu zə abə ghə â ka buʼ ji koʼ tsə wù tii.”

Matyo 3:16

Nghee tə Yeso ney kɔʼnə mmuu n Kəzə̀ mə, shiə kɔʼɔ bə n dzuu, bikighow kə n nuu chi i tsu, tə n kòʼ Zay K-a-zə̀ kə tsuu bənə n wû u kəfə̀, tsu mwaa tsu n kow wi.

Matyo 4:11

Satan n daŋŋə zə̀ghə tsu wi, tsətəndəghə tə Kəzə̀ tə n bə gaamə kɔʼ wi.

Matyo 8:20

Yeso n dza ndòw tə̀ wi nə̀, “Kəŋ u khə ghə n bùʼ wə ni tyi nyì doʼo tii, nnən mə idəŋ mə a khənə ghə n ndaw tə, Waa weynum kee khə way luʼu kə ni doʼo zayyə.”

Matyo 9:6

N ghəŋŋə tsuu nii dii bə tə̀ ghaa nə̀ Waa weynum khənu daʼa kə ni neyzəə bəb i ghə fa n mbi.” Tə n daŋŋə dza tsu tə̀ wù wey wû u wi â kpuu doʼonə nə̀, “Nuu kɔʼ, wə ney kɔʼ mbùŋ kə, wə̀ ndòw n ndaw zə.”

Malakus 1:10

Ambə tə nuu shiə kɔʼɔ bənə nə mmuu, tə n koʼ bikighow kə chi shi ndòwnə, Zay kə Zow kə n tsu bə idəŋ n kow wi n wû u kəfə̀.

Malakus 14:62

Yeso n dza tə̀ wi nə̀, “Ow, à loʼ mə. Ghaa î koʼo Waa Wù sɔŋtsuʼ tə doʼnə n kpii u Bày Zaamə Mbi u təmə wə, nghee tə bəghənə nə təmbaʼ.”

Lukas 2:13

Nɔɔ kə tsətəndəghə tə Kəzə̀ kə n tsu bə idəŋ daŋŋə bə təmdzəŋi bə tsəndəghə ə Kəzə̀ zey, ghə n zey ndòw ni fu nkɔʼlə tə Zə̀ kə dza,

Lukas 2:9

Tsəndəghə ə Kəzə̀ n təmi dii bə uwû tə ghə, sey tsə̂ u Kəzə̀ wə n taw dzəŋ naŋa kɔʼ ghə. Ghə n kaʼ ni tsəŋ.

Lukas 22:43

Tsəndəghə ə Kəzə̀ n təmi bə n sə̀ə wi, fu wi n daʼa kə.

Lukas 22:69

“Ni nuu tsu nya, ndòw isə̂, Waa wù sɔŋtsuʼ î doʼlə n kpii u Kəzə̀ u təmə wə tə loʼnə zaamə mbi.”

Lukas 24:4

Nghee tə̀ ghə teynə fu, məʼlə ghə zey i shinə, aghə̂ abəghə ghə n maŋ bən shi kɔʼ n səə ghə n ndzə tə fəmə nyiələ tə.

Lukas 3:21

Ambə ghə̂ adzəm a ney kɔʼ mmuu n Kəzə̀ mə, Yeso n bə soʼo ni bə ney mmuu n Kəzə̀. Nghee tə Yeso ney kɔʼnə mmuu n Kəzə̀ mə, tə n kaʼ ndòw ni gɔŋŋə. Ambə tə gɔŋŋənə, bikighow kə n chi tsu,

Tùm i dzuŋu zə kuum Yeso Klisto tə Jɔn â tɔɔnə 1:50

Yeso n bəb tə̀ wi nə̀, “Wə sey bəghəm kɔʼ kə nghee n dza bənə tə̀ wɔ nə̀ n mə koʼ wɔ n tənə kaʼ fə fig ə? Wə î nam koʼo aghəə nə̀ ghə n tsəghəshi i zən.”

Tùm i dzuŋu zə kuum Yeso Klisto tə Jɔn â tɔɔnə 10:1

Yeso n ndow n sə kə, dza tə̀ nɔɔ kə aghə̂ kə nə̀, “N kuum dza bə tə̀ ghaa nə̀, wù wey tə bə ghab nyi kɔʼnə n mbàa tənjì nə̀ tə ka tsəghə n fuʼ u mbàa, wù tii loʼ wù tsɔŋɔ, tə loʼ soʼo kàm kə tsɔŋɔ kə.

Tùm i dzuŋu zə kuum Yeso Klisto tə Jɔn â tɔɔnə 10:7

Sey Yeso n kəm dza ndòw tə̀ ghə nə̀, “N kùm dza bə tə̀ ghaa nə̀, n loʼ fuʼ u mbàa u tənjì.

Tùm i dzuŋu zə kuum Yeso Klisto tə Jɔn â tɔɔnə 13:16

N sa kùm dza bənu tə̀ ghaa, wù kəfwaʼ u lo u way ni tsəghəshi mûkəbii wi, wù tûm way soʼo ni tsəghəshi wù wey tə tûmnə wi.

Tùm i dzuŋu zə kuum Yeso Klisto tə Jɔn â tɔɔnə 13:38

Yeso n bəb tə̀ wi nə̀, “Wə dza bə nə̀ wə loʼnu ni kpu n tow kuŋ ə? N kùm dza bə tə wɔ nə̀, tə mwaʼ kə ni bəd tɔŋ, a i loʼ nə̀ wə n mə tuu maʼa tənəŋə tətəghə.”

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Tùm i dzuŋu zə kuum Yeso Klisto tə Jɔn â tɔɔnə 16:20

N kùm dza bə tə̀ ghaa nə̀ abə mə i nuu ndownə, ghaa nə deyyə, tsuulə nsə̂, ghə̂ a mbi a nə kee duʼlə. Ghaa nə mownu, ghab kə nə ka kee shi, mow i ghaa i nə fəd doʼo bə iduʼlə.

Tùm i dzuŋu zə kuum Yeso Klisto tə Jɔn â tɔɔnə 16:23

Abə nəŋə i tii zə i bənə, ghaa i kəm bəb way mə n ghə i loʼ zə. N kùm dza bənu tə ghaa nə̀, abə ghaa nə nɔɔ kə kee kə tə̀ Bày n zəd zuŋ, tə nə fuunu tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 21:18

N kùm dza bə tə wɔ nə̀, nghee wə â nam loʼ winətəghə, wə n dzəŋŋə tsə ndzə tə n nəŋə wɔ, ndow n luʼu tey wə ləghənə ni ndow, a kee loʼ kə nə̀ abə wə i dən tsu, u nə naalə shiə ndow ikpi, wù nuu nə dzəŋə fu tsu ndzə tə, tə boʼo kɔʼ wɔ, tə ney ndow wɔ n luʼu key wə mə buʼu ləghə way ni ndow.”

Tùm i dzuŋu zə kuum Yeso Klisto tə Jɔn â tɔɔnə 3:3

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”

Tùm i dzuŋu zə kuum Yeso Klisto tə Jɔn â tɔɔnə 3:5

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 5:19

Yeso n dza ndòw tə̀ ngəd tə Təjuu tey nə̀, “N kûm dza bə isəŋə tə̀ ghaa nə̀, Waa way dzə ni ghəŋə dzə ghə i loʼ zə n daʼa kə wi. Tə ghəŋŋə ndòw kə ghəə zey tə koʼ neynə n wɔ Bày. N təŋkey, ghəə zey Bày ghəŋŋənə, Waa bɔɔmə ghəŋŋə ndòw kə i ghi.

Tùm i dzuŋu zə kuum Yeso Klisto tə Jɔn â tɔɔnə 5:27

Tə n fu daʼa kə saʼa kə tə̀ Waa, n təŋkey, tə loʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 6:26

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀ ghaa mə kəŋə dzə way bòʼ faalə mey ghaa mə koʼnə mə n ghəŋənə, ghaa mə kəŋə bòʼ baa wey ghaa zə̂ kow tsunə.

Tùm i dzuŋu zə kuum Yeso Klisto tə Jɔn â tɔɔnə 6:32

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀, â way dzə Mushi tə â fuunə ghaa n baa kən kə nuu tsuu bənə idəŋ, â loʼ Bày wuŋ tə â fuunə ghaa n ndzəm ndzəm k-a-baa kən kə nuu tsuu bənə idəŋ.

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:53

Yeso n dza ndòw tə̀ ghə nə̀, “N dza bə isəŋə tə̀ ghaa nə̀ abə wù ka fə wû u Waa wù sɔŋtsuʼ, mə̂ kɔʼ soʼo kaŋ tə wi tən tə i fəələnə, tə î keeli dzə way muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 8:34

Yeso n dza ndòw tə̀ ghə nə̀, “N ndzəmə dza bə tə̀ ghaa nə̀, wù wey tə ghəŋŋənə ghəə a bəbə ghə, loʼ kəkɔd tə bəb zə.

Tùm i dzuŋu zə kuum Yeso Klisto tə Jɔn â tɔɔnə 8:51

N dza bə isəŋə tə̀ ghaa nə̀, wù wey tə ney naŋanə ghɔɔmə zuŋ zə, nə kpu koʼ way.”

Tùm i dzuŋu zə kuum Yeso Klisto tə Jɔn â tɔɔnə 8:58

Yeso n dza ndòw tə̀ ghə nə̀, “N dza bə isəŋə tə̀ ghaa nə̀, tə̀ ghə ni bə ji Abraham â loʼ nə̀ n loʼnu.”

Kəfwaʼ 10:11

N jim u tii wə tə n koʼ ndow bikighow kə chi shi ndownə, fə kə loʼ kə tə a loʼ igham n shiə tsuu bə aghəlitsə, nə̀ ghə zəghə tsuu bə n ngaŋŋə tə tii tə təkaykə.

Kəfwaʼ 7:56

Sey, tə n dza tə ghə nə̀, “Koʼo na! N koʼo ndow bikighow kə chi doʼonə, mə n koʼo ndow soʼonə Waa Weynum tə teynə fu n kpi u Kəzə̀ u təmmə wə.”

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

2 Tesalonika 1:9

Tə i ney nuulə kɔʼɔ ghə n səə Mûkəbii, ghə i ka keeli soʼo kɔʼlə n wi, tə fuu ghə n ngoʼ zən i may way n vələ wən u nəmmə way.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Màʼlə kə Jud tə̀ ghə̂ a Kəzə̀ ghə 1:14

Enɔk wən tə â ghəŋə tsunə waa a waa ghə Adam ghə asəghəmbəghə, mâ dza naŋa zey ghəə ghə kuum ndzoʼo ghə̂ ghən nə̀, “Koʼo na! Mûkəbii i bəghə ghi ndəmə kam tə tsətəndəghə tə wi tə zow tə.

Chi dii 19:11

Mə n koʼ ndow bikighow kə chi kɔʼnə, mə koʼ tsu soʼo khinyam kə fəmə kə, kə teynə n sə kuŋ. Zəd i wù wey tə â nyəŋənə khinyam kə tii kə n loʼ nə̀ a loʼ Wù wey tə naŋŋə dzuu i wi zə, nsə Wù wən tə dzanə isəŋə. Tə saʼa n jìi zey i kpiinə, zuulə soʼo tsam n jìi zey i kpiinə.

Chi dii 4:1

Ambə n koʼ may tsu ghəə ghən, mə n kəm keeli jim u loʼ wə, n jim u tii wə, mə n koʼ fuʼ u ndaw u chi doʼonə idəŋ. Mə zow ndow dzə i loʼ zə i ghɔɔmə bə nə tə mə, nə̀ i fuŋu tə a loʼ isɔŋ, zə n dza nə̀, “Kɔʼ bə fa tə n dii bə wɔ n ghəə ghən a khə ni teeli shi.”