Tùm i dzuŋu zə kuum Yeso Klisto tə Jɔn â tɔɔnə 1:34 - Kaa n Kəzə̀ n fəghə mə

³⁴ Jɔn n dza guŋŋə kɔʼ tə̀ ghə nə̀, “Mə n ndzəm koʼ ghəə a tii ghə, n fa ndzəmə dza bə tə ghaa nə̀, a wən loʼ Waa Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 1:34 Mawu Ofanana

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Matyo 26:63

Yeso n zow kə mɔŋ. Fɔɔngili u nii nii wə n dza kpiʼi tsu tə̀ wi nə̀, “N bəbə bə tə wɔ n zəd i Zə̀ kən kə loʼnə utaw nə̀ wə̀ dza bə tə̀ ghey nə̀, wə̀ loʼ Klisto Waa Kəzə̀ ə?”

Matyo 27:40

dza nə̀, “À wən loʼ wù wən tə â dzanə nə̀ tə î saʼa tsu Ndaw Kəzə̀ i nii zə n Yerosalem, tə bəghə dzəŋŋə kɔʼ nə ntsuʼu ntəghə. Bəghəshi bə wû wə wə̀ abə à loʼ nə̀ wə loʼ Waa Kəzə̀. Shi tsu bə fey n zat kə fəkaʼ.”

Matyo 27:43

Tə â bəghəm tə̀ Zə̀ kə, tə n buʼ dza soʼo nə̀ i loʼ waa Kəzə̀, abə Zə̀ kə ləghənə wi, tə bəghəshi tsu bə wi nya.”

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Matyo 3:17

Ghə n zow dzə̂ i loʼ zə i ghɔɔmə shiə tsu bənə n bikighow dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə.”

Matyo 4:3

Satan n ndòw bə, zey ni mɔm koʼ wi, dza tə̀ wi nə̀, “Abə wə ndzəm loʼnə Waa Kəzə̀, dza tsu nə̀ tay ghən a fəd doʼo kɔʼ baa kə nkala.”

Matyo 4:6

dza tə̀ wi nə̀, “Abə wə̀ ndzəm loʼnə Waa Kəzə̀, taa shi tsu ndòw fa, n təŋkey, ghə tɔɔ naŋa n màʼlə K-a-zə̀ nə̀, ‘Zə̀ kə i tsəʼlə tsu kəlaŋ tə̀ tsətəndəghə tə wi tə, ghə i keyyə wɔ Ghə î kwɔɔ keeli kɔʼɔ wɔ n wɔɔ, kə̂ wə̀ nə tsɔbənə ghow kə nə itay.’”

Matyo 8:29

Nghee tə̀ ghə koʼ tsunə Yeso, ghə n buʼ shi kɔʼ mmbɔŋ dza nə̀, “Wə ləghə kee n wɔ ghey ə Waa Kəzə̀? Wə n bə ni bə chɔd ghey nə̀ nəŋə i ka kam kpii ə?”

Malakus 1:1

À wən loʼ nghee tə tûm i dzuŋu zə bòʼ Yeso Klisto, Waa Kəzə̀ â kaʼnə tii.

Malakus 1:11

Sey, dzə i lòʼ zə n ghɔɔmə shi tsu bə n bikighow dza nə̀, “Wə lòʼ waa wuŋ u tsuʼu wə, fə̀ŋ zuŋ ngii duʼlənu ghi wɔ.”

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 3:22

Zay kə Zow kə n tsu bə n kow wi n wû u kəfə̀, dzə̀ i loʼ zə n ghɔɔmə tsu bə idəŋ dza, “wə̀ loʼ waa wùŋ u tsuʼu wə, n ngii duʼlənu ghi wɔ.”

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 1:49

Natanyə n beeli ndòw wi dza nə̀, “Wù dii wə, wə̀ ndzəm loʼ Waa Kəzə̀! Wə̀ loʼ də̀ŋ kə naʼ zə Izree!”

Tùm i dzuŋu zə kuum Yeso Klisto tə Jɔn â tɔɔnə 10:30

Mə ghi Bày a loʼ kəfə̂ kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 11:27

Mata n bəghəm dza nə̀, “Ow a Mûkəbii! N bəghəmnu nə̀ wə loʼ wù wey Zə̀ kə â dza naŋa nə̀ i tûm bənu, Waa Kəzə̀ wən tə â khənə ni bə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 19:7

Ngəd tə Təjuu tey n beeli ndow wi nə̀, “Ghey dzûmə kəlaŋ, laŋ kə tii kə dii nə̀ tə khə ni kpu, n təŋkey, tə ney naŋa kɔʼ wû u wi nə̀ i loʼ Waa Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 6:69

Ghey n bəghəm, ghey n zowkeeli soʼo nə̀ wə loʼ Wù Kəzə̀ u zow wə, Zə̀ kə tûm bənə.”

Roma 1:4

Zə̀ kə n zhəm dzəŋŋə bə wi nə ivə n daʼa kə Zay kə Zow kə ni dii bə nə̀ Yeso Klisto Mûkəbii saa loʼ waa wi. Tə loʼ kətow tə fə wə udzəm, khə way bəb i loʼ zə.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

Hibru 7:3

Luʼu kə loʼ kə way dzə ghə tɔ̀ɔ naŋanə wù wey tə̀ loʼnə bày Mekisedek, này wi nkee sali ndaw zey tə â shinə tii. Wù loʼ way dzə tə khənə tsuʼ fey ghə â jinə wi tii nkee tsuʼ fey tə â kpunə tii. Tə bɔɔmə fiilə kə waa Kəzə̀, loʼ soʼo fɔɔngili nə tənəŋə tədzəm.

1 Jɔn 2:23

Wù wey tə tuu maʼanə waa, sey tuu maʼa soʼo Bày. Wù wən tə bəghəm naŋanə waa sey bəghəm naŋa soʼonu Bày.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

1 Jɔn 4:9

Zə̀ kə â dii bə nghee tə ngii ləghənə saa tii, nghee tə â tûm bə sɔʼi fə waa wi fa n mbi, sey nə̀, saa i keeli muu zə itsali.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.

Chi dii 2:18

Yeso n dza bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Tyatira nə̀, waa Kəzə̀ wən sə̂ a wi a baŋanə tə a loʼ uvəllə, fuu i wi zə u nyiəllənə tə a loʼ vuʼ kən ghə tsoʼlə tsunə, dza nə̀,