Tùm i dzuŋu zə kuum Yeso Klisto tə Jɔn â tɔɔnə 1:29 - Kaa n Kəzə̀ n fəghə mə

²⁹ Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 1:29 Mawu Ofanana

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Tùm i dzuŋu zə kuum Yeso Klisto tə Jɔn â tɔɔnə 1:35

Tsətsə wey, Jɔn n tey ghi ngəd tə wi tə təbəghə.

Tùm i dzuŋu zə kuum Yeso Klisto tə Jɔn â tɔɔnə 1:36

Ambə tə koʼ tsunə Yeso tə tsəghənə, tə n dza tə̀ ghə nə̀, “Koʼo na! À wən loʼ Njì ə Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 1:43

Tsətsə wey, Yeso n ghəŋə kɔʼ fə̀ŋ ə wi ni ndòw n Galili. Tə n ndòw koʼ tsu Filip dza tə̀ wi nə̀, “Dzûmə bə mə.”

Tùm i dzuŋu zə kuum Yeso Klisto tə Jɔn â tɔɔnə 2:1

Ambə tsuʼu n tsəghə tsunə ntəghə, zə̂ kə ney zə iwû kə loʼ kə n loʼ n naʼ i Kana n mboʼo Galili. Này Yeso n loʼ fu.

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Tùm i dzuŋu zə kuum Yeso Klisto tə Jɔn â tɔɔnə 6:51

N loʼ baa key kə fuunə muu zə, kə key kə shi tsu bənə idəŋ. Wù wey tə zə̂nə baa kə tii kə î keeli muu zə itsali. Baa kən n fuunə loʼ wû wuŋ. N fuu ni kùmshi tow u ghə̂ a mbi nə̀ ghə keeli muu zə itsali.”

Kəfwaʼ 13:39

Sey, ghə̂ ghey adzəm ghə bəghəmnə tə wi, ghə i doʼlənu tsətsəghə n sə K-a-zə̀, loʼ sey nə̀ ghə â way ni doʼo tsətsəghə n sə kə K-a-zə̀ a dza ghə naŋŋə laŋ kə Mushi.

Kəfwaʼ 8:32

Dəŋŋə key tə â tɔŋɔnə n màʼlə K-a-zə̀ n nəŋə i tii zə â loʼ nə̀, “Ghə a sii ndow wi tə aloʼ njì ghə dza i ndow wey, Tə n loʼ kə mɔŋ tə waa njì nə loʼnə n səə wù wey tə kɔmnə nyuŋ tə wi tə, Tə n ka tsəm jaʼ idzuu.

1 Kɔrint 15:3

Ghə i səŋi zey i loʼnə n tûm i dzuŋu zey mə â fuu nduŋŋə bənə tə̀ ghaa loʼ nə̀, Klisto â kpu n tow u saa ni ney nuu ghəə a saa a bəbə ghə tə̀ i tɔ̀ɔ doʼonə n màʼlə K-a-zə̀.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Galeshia 3:13

Klisto a kùmshi saa ghən saa loʼnə nə laŋ kə n saa ləŋ naŋa nghee tə â boʼonə ngoʼ ə saa n zat kə fəkaʼ, tə i tɔ̀ɔ doʼonə n màʼlə K-a-zə̀ nə̀, “Zə̀ kə i ləŋə naŋŋə wù wey ghə i kɔʼlə naŋanə vən i wi zə nə fəkaʼ.”

1 Timoti 2:6

À loʼ wi tə â fuunə wû u wi wə ni kùmshi tow u ghə̂ adzəm. Yeso â bə kpu n tow u ghə̂ adzəm tə a loʼ tsəə ni dii tsu nə̀ nəŋə zey Zə̀ kə â bayyə naŋa ni bəghəshi aghə̂ tii n kpii.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 1:19

Ghə â fəd kuum nuu shi bə tow u ghaa n kɔb kə kaŋ tə Klisto tən ghə fəələnə n zat kə fəkaʼ, tə a loʼ kaŋ tə waa njì zən ghə fəələnə nə̀ i khə way fəmmə kə loʼ kə khə soʼo way dzə u loʼ wə n kow wi.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

1 Jɔn 4:10

Ndzəm ndzəm kə iləghə kə way dzə nə̀ saa â ləghə ndow Kəzə̀, a fəd loʼ wi tə ləghə bənə saa isə, tûm bə waa wi tə a loʼ umaʼlə nə̀ tə bə ney nuu ghəə a saa a bəbə ghə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 14:1

Mə n baŋ laalə i ndow, koʼ tsu Waa Nji i tey n Kaʼ u Zayɔn. Zə n loʼ ghi ghə̂ ghə 144,000 (təkam fəbɔm nsə kam tə nghəm nkaykə nsə kam tə təkaykə). Ghə n tɔ̀ɔ naŋa zəd i Waa Nji zən nsə zəd i Bày wi zə n kaʼ n sə n ghə.

Chi dii 14:10

ghə i məə soʼonu lə n Kəzə̀ mən n loʼnə nəghə u fəə wə, tə feeli tsunə udzəm nə̀ ghə ka nyɔɔmə n wɔɔ nəghə u Kəzə̀ u fəə wə. Ghə i chɔdlɔ ghə n faalə kə uvələ kən sɔlfɔ ghəŋə nə̀ wə i ndəŋə bəʼlə n sə kə tsətəndəghə tə Kəzə̀ tə zow tə nsə n sə kə Waa Nji zey.

Chi dii 14:4

À wən loʼ ghə̂ ghən ghə â ka dzəələ wû i ghə ghi gheyzən ghə, boʼnə ghə â doʼo tən kə nə̀ ghə ka nyəŋi koʼ ghi weyzən. Ghə n dzûmə Waa Nji zey n luʼu tey tədzəm tə ndownə. Ghə loʼ ghə̂ ghən ghə bəghəshi bənə ghə n wɔɔ kə wù sɔŋtsuʼ. Ghə loʼ fə u sə isə wən u fən bə nə usum, saa fuu ndownə tə̀ Zə̀ kə nsə tə̀ Waa Nji.

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 19:7

Bə na tə saa saŋŋə, saa duʼlə ni fuu n nkɔʼlə tə wi! Təŋkey tsuʼ fə Waa Nji fə n kpi ni ney wey wi, wey wi n bayyə naŋa tən soʼo wû u wi wə.

Chi dii 19:9

Tsəndəghə Kəzə̀ zey n dza tə mə nə̀, “Tɔ̀ɔ naŋa tsu nə̀, Zə̀ kə i buulə ghə̂ ghən ghə tɔŋɔnə n zə̂ kə ney zə iwû i Waa Nji zey!” Tə n dza kpiʼi bə tə̀ mə nə̀, “À wən loʼ ghɔɔmə zən i loʼnə isəŋə, i nuu bə n wɔ Zə̀ kə.”

Chi dii 21:14

Ghə â bɔm mbàa naʼ i tii zə n tay a tsə kə ndaw ighəm n ghii tə təbəghə. Ghə tɔ̀ɔ naŋa tsəghə ndow zəd a ngəd tə Waa Nji tey ighəm n ghii tə təbəghə n tay a tii ghə.

Chi dii 21:27

Fə kə dzəə kə loʼ kə nə nyi koʼ way n naʼ i tii zə, nkee wù wən tə ghəŋŋə ləbi tə aghəə nkee ghəə tow kə dədlə kə nkee ghə̂ a badla ghə aghəə ghə. A fəd loʼ ghə̂ ghən zəd a ghə tɔ̀ɔ doʼo n màʼlə kə Waa Nji key, ghə̂ ghey ghə i keelinə muu zə itsali zə loʼnə tii, ghə i nyiənə fu n naʼ i tii zə.

Chi dii 21:9

Tsəndəghə Kəzə̀ umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tey təsəghəmbəghə nə̀ a tii luu doʼo tən kə zəŋ tən tə guŋŋə kɔʼnə təsəghəmbəghə n bə n səə mə dza tə mə nə̀, “Bə, mə i dii bə wɔ n weyzən, wey Waa Nji zey.”

Chi dii 5:6

Mə n koʼ ndow waa njì i teynə n fə̀ŋ ə kuu kə fɔɔ key tə̀ ghə n wey, nə̀ fə wən u loʼnə utaw ukaykə nsə ngəd tə n taʼ dzəŋ tsəghə bə. Waa njì ə tii n khə təndɔŋ təsəghəmbəghə nsə sə̂ ghə asəghəmbəghə. Sə̂ ghən asəghəmbəghə loʼ zày u Kəzə̀ wən ghə tûm shi ndownə n badla tədzəm fa a ghəlitsə.

Chi dii 5:8

Ambə i ney kɔʼnə, fə wey ukaykə u loʼnə utaw nsə ngəd tey nghəm nbəghə n ghii tə təkaykə n təm bə tənguʼ n tənə waa njì zey. Kay n khə bəghəm kə fətii nsə bɔm tə itsàa tə n wɔɔ nə̀ à tii luu doʼo kə inəŋ i loʼnə gɔŋŋə tə ghə̂ a Kəzə̀ ghə.

Chi dii 6:1

Nya, mə n koʼ ndow nghee Waa Nji zhwey nuu kɔʼ mə̀ŋ i sə̂ isə zə n luʼu key ghə nɔm naŋanə n mə̀ŋ tey təsəghəmbəghə. Mə n zow ndow soʼo kəfə kəmɔ̀ʼ n fə̂ wey ukaykə u loʼnə utaw kə dza shiə kɔʼɔ n dzə̀ i loʼ zə i kəmənə tə a loʼ ighow nə̀, “Bəghə!”

Chi dii 6:16

Ghə n dza ndow tə̀ kaʼa tə nsə naa u tii wə nə̀, “Bwu tsu bə n kow ghey, wə nyi naŋa tsu ghey, kə wù wey tə doʼnə n kuu kə fɔɔ nə koʼonə ghey, nsə nə̀ kə nəghə u fəə u Waa Nji wey i bwu n kow ghey,

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.

Chi dii 7:17

n təŋkey, Waa Nji wən tə baa loʼ kuu kə fɔɔ kə tii kə, tə i laalə tə ghə tə wù baʼa u tənjì u laalənə tə njì tə wi tə. Tə i ney ndow ghə n tɔŋ n tədzuu mən mmuu n tii n fuunə muu zə. Zə̀ kə i zəd maʼa sə̂ mey n dzəm n sə̂ a ghə.”