Tùm i dzuŋu zə kuum Yeso Klisto tə Jɔn â tɔɔnə 1:18 - Kaa n Kəzə̀ n fəghə mə

¹⁸ Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 1:18 Mawu Ofanana

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Lukas 10:22

“Bày wùŋ n fu may fə wə udzəm tə̀ mə, wù lo khə way Waa tsəghəshiə way Bày, ighələ tə̀ wù way tə khənə Bày tsəghəshiə way Waa, nsə ghə̂ ghey Waa say kɔʼnə ni dii fu wi tə̀ ghə.”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 12:41

Ayzaya â dza sey kùm nə̀ tə mâ koʼ zey ghaʼ i Yeso zə, tə n dza naŋa bə aghəə bòʼ wi.

Tùm i dzuŋu zə kuum Yeso Klisto tə Jɔn â tɔɔnə 13:23

Ngəd zey Yeso â ngii ləghənə n doʼ n teybow i wi.

Tùm i dzuŋu zə kuum Yeso Klisto tə Jɔn â tɔɔnə 14:9

Yeso n beeli ndow wi nə̀, “I sey dii nə̀ wɔɔ kə tìi tìi key n doʼo kəŋə bənə fa ghi ghaa a Filip, wə nam məʼlə kə wù wey n loʼnə ghii wə ə? Wù wey tə loʼ nə̀ tə n mə koʼ, tə n koʼ soʼo Bày. À loʼ kee ghaa sə nam dza kə nə̀, ‘Dii bə ghey n Bày ə?’

Tùm i dzuŋu zə kuum Yeso Klisto tə Jɔn â tɔɔnə 17:26

Mə n chi dii wù wey wə loʼnə ghii wə tə̀ ghə, mə i ndow kə n sə kə ni ghəŋə nə̀ ghə keeli wù wey wə loʼnə, sey nə̀, ləghə zə zey wə khənə n kow mə zə i loʼ n fə̀ŋ tə ghə, mə i loʼ soʼo nə kəfə kəmɔʼ ghi ghə.”

Tùm i dzuŋu zə kuum Yeso Klisto tə Jɔn â tɔɔnə 17:6

Mə n chi dii wù wey wə loʼ ghii wə tə̀ ghə̂ ghey wə â say shi bənə fa n mbi, fu bə tə̀ mə. Ghə â khə loʼ tsə ghə̂ ghə, wə n say shi bə ghə, fuu bə ghə tə̀ mə, ghə a naŋŋə ghɔɔmə zə zə̀.

Tùm i dzuŋu zə kuum Yeso Klisto tə Jɔn â tɔɔnə 3:11

N kuum dza bə isəŋə tə wɔ nə̀, ghey ghɔɔmə ghəə ghey ghey khənə, tiilə dza bə ghəə ghey ghey koʼnə, ghaa u nam bəghəm way tûm ə ghey.

Tùm i dzuŋu zə kuum Yeso Klisto tə Jɔn â tɔɔnə 6:46

Wù loʼ way dzə fa n mbi tə loʼnə nə̀ tə n koʼ koʼ tsə Bày a may kə way tə wey tə shi tsu bənə n səə Zə̀ kə, à loʼ kə wi tə loʼnə nə̀ tə n koʼ koʼ tsə Bày.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Kolose 1:15

Klisto loʼ fiilə K-a-zə̀ nə aghəə adzəm, tɔŋŋə Zə̀ kən a koʼo way. Tə Zə̀ kə ni bɔm mbi, à n loʼ nə waa wi loʼ zeynu, tə u loʼ nə tow kə n fə u mbi udzəm.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 6:16

À may kə wi tə nə kpu koʼ way. Tə muu n luʼu key daa kə baŋanə fuu n jìi zey wù sɔŋtsuʼ way ni koʼ wi. Wù loʼ way tə koʼ koʼ tsənə wi nkee tə nə koʼonə wi. Nkɔʼlə ndzəm nsə daʼa kə i loʼ tə wi tə mbi nə bə may. A may kə sey.

1 Jɔn 4:12

Wù loʼ ka kam koʼ koʼ tsə Zə̀ kə. Abə saa fədlə ləghə tiillə wû i saa zə, Zə̀ kə i loʼ nə kəfə kəmɔʼ ghi saa. Sey, ləghə i wi zə i loʼ ghi ndzəmə dii bə n ghəə a saa a ghəŋŋə ghə.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?

1 Jɔn 4:9

Zə̀ kə â dii bə nghee tə ngii ləghənə saa tii, nghee tə â tûm bə sɔʼi fə waa wi fa n mbi, sey nə̀, saa i keeli muu zə itsali.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.