Tùm i dzuŋu zə kuum Yeso Klisto tə Jɔn â tɔɔnə 1:17 - Kaa n Kəzə̀ n fəghə mə

¹⁷ Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Tùm i dzuŋu zə kuum Yeso Klisto tə Jɔn â tɔɔnə 1:17 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 18:37

Pilato n dza tə̀ wi nə̀, “I sey dii nə̀ wə loʼ kədə̀ŋ!” Yeso n beeli ndow wi nə̀, “À dza wɔ nə̀ n loʼ kədə̀ŋ. Zuŋ key ghə â jinə mə fa n mbi â loʼ ni bə dza isəŋə. Wù wey tə ləghənə isəŋə i tii zə, zəllənu ghəə zey n dzanə.”

Tùm i dzuŋu zə kuum Yeso Klisto tə Jɔn â tɔɔnə 5:45

Kə̂ ghaa nə̂ moʼlənə nə̀ a i loʼ mə, mə i dzanə tə̀ Bày nə̀ ghaa n bwu laŋ kə. Wù wey tə i dzanə tə̀ Bày nə̀ ghaa n bwu laŋ kə, loʼ Mushi wən ghaa â gaʼ fə̀ŋ tə ghaa tə n kow wi.

Tùm i dzuŋu zə kuum Yeso Klisto tə Jɔn â tɔɔnə 7:19

Mushi mâ fuu ghaa n laŋ kə, a kee loʼ nə̀, wù ghaa umɔʼ way dzə tə naŋŋənə laŋ kə tii kə. Ghaa mə kəŋə kaabə tsə ni wey bòʼ kee?”

Tùm i dzuŋu zə kuum Yeso Klisto tə Jɔn â tɔɔnə 8:32

Ghaa i keeli isəŋə, isəŋə i tii zə i bəghəshi ghaa.”

Tùm i dzuŋu zə kuum Yeso Klisto tə Jɔn â tɔɔnə 9:29

Ghey khə nə̀ Zə̀ kə â ghɔɔmə tə̀ Mushi, abə wù wən, ghey buʼ khə way luʼu key tə nuu bənə tii.”

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 7:38

À loʼ wi tə â loʼnə ghi ghə̂ ghə Izree ghə n nəŋə zey ghə â zuŋŋə doʼonə n mbvən ə ntsaŋ. Tə â loʼ fu, ghə bày bày a saa ghə n loʼ fu, tsəndəghə zey zə â ghɔɔmənə tə wi n kaʼ u Sinay n loʼ soʼo fu. Â loʼ fu n Kaʼ u Sinay tə â ney kɔʼnə ghɔɔmə i Kəzə̀ zən i ghəŋŋə nə̀ ghə̂ a keeli muu zə itsali ni fuu bə tə saa.

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

2 Kɔrint 1:20

I loʼ sey n təŋkey, à loʼ Klisto tə luulənə ghəə ghey Zə̀ kə â təb naŋanə adzəm. À loʼ n bam i wi ghey loʼnə ni bəghəm dzəŋi nə̀, “Zə̀ i loʼ sey.” Fuu ndow nkɔʼlə n dzəm tə̀ Zə̀ kə.

Galeshia 3:17

Ghəə zey n dzanə loʼ nə̀, Zə̀ kə a zə̂ nkaa ghi Abraham tə n təb naŋa tsu nə i naŋŋənu kaa n tii mə. Laŋ kən Zə̀ kə a fuunə n bam i tənum nbɔm kaykə nsə ghəm mə ntəghə, kə â ka kaa maʼa dzə nkaa mey tə â zə̂ naŋanə. Dii tsu nə̀, ghəə zey tə a bəghəm naŋa nə̀, nam teynu.

Hibru 9:22

I ndzəm loʼ n laŋ kə Mushi nə̀ à teeli loʼ kə təkaŋ tə ghəŋŋənə nə̀ ufə udzəm wə i zow nsə nə̀ abə ghə ka fəələ təkaŋ, ghə way ni neyzəə ghəə a ghə a bəbə ghə.