Tùm i dzuŋu zə kuum Yeso Klisto tə Jɔn â tɔɔnə 1:12 - Kaa n Kəzə̀ n fəghə mə

¹² Ni ney nuu tsu n ghə̂ ghey adzəm ghə â kee kpii neynə wi, ndow kuum ndow n ghə̂ ghey ghə â bəghəmnə n zəd i wi, tə n fuu ghə n daʼa kə nə̀ ghə doʼo bə Waa a Kəzə̀.

Tùm i dzuŋu zə kuum Yeso Klisto tə Jɔn â tɔɔnə 1:12 Mawu Ofanana

Matyo 10:40

Yeso n nam dza ndow tə ghə nə̀, “Wù wey tə ney naŋanə ghaa, sey ney naŋa mə, abə wù ney naŋanə mə, tə sey ney naŋa soʼo wù wey tə tûm shinə mə.

Matyo 12:21

Sey nə̀, ghə̂ ghən ghə way ghə̂ a Təjuu ghə adzəm loʼ ni khə nə̀ ghə loʼ ibəghəshi n zəd i wi.”

Matyo 18:5

Wù wey tə kpii neynə nyaŋi fə waa fə tə̀ a loʼ tə wən n zəd zuŋ, tə sey kpii ney soʼo mə̀.”

Tùm i dzuŋu zə kuum Yeso Klisto tə Jɔn â tɔɔnə 1:11

Tə n bə n səə ghə̂ a wi, ghə̂ a wi ghə n ka kpii ney dzə wi.

Tùm i dzuŋu zə kuum Yeso Klisto tə Jɔn â tɔɔnə 1:7

Tə a bə ni bə təmi tiilə aghəə bòʼ daa kə tii kə, sey nə̀, ghə̂ adzəm a loʼ ni zow, ghə bəghəm tə̀ daa kə tii kə.

Tùm i dzuŋu zə kuum Yeso Klisto tə Jɔn â tɔɔnə 11:52

Tə n dza zey soʼo nə̀, Yeso i kad kpu kə way n tow kə naʼ i Təjuu, a i loʼ soʼo ni zuŋŋə dzəŋŋə bə waa a Kəzə̀ ghey ghə saŋŋə doʼo kaabənə n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 2:23

Nghee tə̀ Yeso â loʼnə n Yerosalem n nəŋə i Zə̂ kə taa zaʼa kə, ndəmə aghə̂ n bəghəm n wù wey tə loʼnə ghii wə nghee tə̀ ghə â koʼnə tsəə tey tə fwaʼanə.

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 3:18

Wù wey tə bəghəmnə tə̀ wi, Zə̀ kə kəm saʼa way wi, wù wey tə ka kee bəghəm tə̀ wi, Zə̀ kə n saʼ a wi gboo khəə tən, tə u naŋa wi n ngoʼ, n təŋkey, tə ka bəghəm dzə n zəd i sɔʼi fə Waa wi.

Kəfwaʼ 3:16

Wù wən ghaa koʼo bənə fa, ghaa adzəm, ghaa tɔʼ khənu wi, tə taw doʼo bə bòʼ bəghəm i fə̀ŋ zən ghey khənə n kow Yeso. À loʼ bəghəm i fə̀ŋ n kow Yeso i ghəŋənə nə̀ wù wən taw doʼo bə tə ghaa koʼonə.

Roma 8:14

I loʼ sey n təŋkey ghə̂ ghey ghə bweynə nghee tə Zay kə Zow kə ləghənə, ghə loʼ waa a Kəzə̀.

Roma 8:16

Zay kə Zow kə diinu tə̀ fə̀ŋ tə saa tə nə̀ saa loʼ waa a Kəzə̀.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 4:6

Zə̀ kə â kuu nyi bə Zay key kə â loʼnə n kow waa wi n fə̀ŋ tə saa, ni dii tsu nə saa loʼ waa a wi. À loʼ Zày kə tii kə, kə ghəŋŋənə nə̀ saa i tɔŋŋə wi nə̀, “Bày, dii tsu nə tə loʼ Bày saa.”

Kolose 2:6

Nghee ghaa bəghəm dzənə Yeso Klisto tə a loʼ Mûkəbii, ghaa khə ni muu nə kəfə kəmɔʼ ghi wi.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 3:10

Jìi zey saa koʼo keelinə waa a Kəzə̀ ghə nsə nghee waa ghə avəətsəə ghə tii loʼ nə̀, wù wey tə ghəŋŋə ghəə zey i kpiilə way, way dzə waa Kəzə̀, ighələ ghi wù wən tə ləghə way waazə a wi ghə.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

1 Jɔn 3:23

Laŋ kən tə tsəʼlə bənə tə saa loʼ nə̀ saa bəghəm fuu tə waa wi Yeso Klisto nsə nə̀ saa i ləghə tiilə wû i saa zə tə Klisto dzanə tə saa.