Tùm i dzuŋu zə kuum Yeso Klisto tə Jɔn â tɔɔnə 1:10 - Kaa n Kəzə̀ n fəghə mə

¹⁰ À mbi â mgbaŋ bɔm wi, ambə tə bənə n mbi, ghə̂ a mbi ghə n ka koʼ keeli wi.

Tùm i dzuŋu zə kuum Yeso Klisto tə Jɔn â tɔɔnə 1:10 Mawu Ofanana

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Tùm i dzuŋu zə kuum Yeso Klisto tə Jɔn â tɔɔnə 1:11

Tə n bə n səə ghə̂ a wi, ghə̂ a wi ghə n ka kpii ney dzə wi.

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 1:3

Zə̀ kə â bɔm ufə̂ udzəm nə̀ tə tsəghə n kow wi, fə̂ kə loʼ kə way fa n mbi nə̀ a ka wi bɔm.

Tùm i dzuŋu zə kuum Yeso Klisto tə Jɔn â tɔɔnə 1:5

Daa kə tii kə baŋa nə kələm, ləm kə tii kə u way ni nəm maʼa wi.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 5:17

Yeso n fəd beeli ndòw ghə nə̀, “Bày wuŋ fwaʼa nəŋə tədzəm, n khə ni teeli fwaʼ soʼo nəŋə tədzəm.”

Kəfwaʼ 14:17

A kee loʼ nə̀ Zə̀ kə ka maŋ naŋa dzə ghə sey nə̀ tə ka ghəŋŋə nə̀ ghə keeli nə̀ tə loʼnu. Tə â ghəŋŋə nə̀ ghə keeli nə̀ tə loʼ utaw n ghəə a dzuŋu ghən tə â ghəŋŋənə ni tûm tsuu bə ghow zə i idəŋ, ghəŋŋə soʼo nə̀ fə wə i nyîmmə dzɔbə n nəŋə zey i kpiilənə. À loʼ wi tə â fuunə ghaa n fəzəə wə, ghəŋŋə soʼo nə̀ ghaa i saŋŋə n fə̀ŋ tə ghaa naʼ idzəm.”

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 2:8

Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.

1 Kɔrint 8:6

A kee bə saa, saa khə kə Kəzə̀ kəmɔʼ. À loʼ Bày saa tə bɔmnə fə wə udzəm, saa fa muu bòʼ wi. I loʼ soʼo nə̀ saa khə kə Mûkəbii umɔʼ. À loʼ Yeso Klisto wən Zə̀ kə â bɔmnə fə wə udzəm fa n mbi n bam i wi, à loʼ soʼo n bam i wi saa muunə.

Kolose 1:16

Zə̀ kə â ney waa wi ni bɔm ufə̂ udzəm idəŋ nsə fa a ghəlitsə. À bɔm wi fə wən a loʼ ni koʼ nsə u wən a way ni koʼ. Â bɔm wi tsətəndəghə tə Kəzə̀ tə nsə zay wən u loʼnə n luʼu tə usəghə idəŋ nsə zày wən u saʼanə fa n ghəlikətsə. Zə̀ kə â ney wi ni mbi idzəm, tə n bɔm mbi ə tii tə̀ wi.

Hibru 11:3

À loʼ bəghəm i fə̀ŋ zən saa khənə n kow Zə̀ kə, i ghəŋənə nə̀ saa zowkeeli nə̀ Zə̀ kə â maŋ dza tsu kə nə̀ mbi doʼo bə, mbi n doʼo bə. À wey loʼ ghə i tii zə Zə̀ kə â neynə fə wən saa koʼo way ni ghəŋə fə wən saa koʼonə.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.