Jems 5:7 - Kaa n Kəzə̀ n fəghə mə

⁷ Waazə ghə, kow tsu kə na fə̀ŋ tə ni ndow kùm n nəŋə zey Mûkəbii i bəghənə tii. Ghaa koʼonu nghee tə wù usum kow tsunə fə̀ŋ tii ni ləmə kəŋə ndow nə̀ sum u wi u fuu bə wi n fəzəə wə. Tə kow tsu kə fə̀ŋ sa, ghow zə n tsu kəŋə ndow sa tə̀ num i bən bə tii, fəzəə wə n fən nyi bə.

Jems 5:7 Mawu Ofanana

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

Matyo 24:27

Bòʼ nə̀, Waa Weynum î bəghə tə̀ ghow i nə̂ mwàalənə n bəkighow, luʼu tə n baŋ nay ndòw ni nuu tsu n bad key tsə̀ shiə kɔʼɔ bənə tii ndòw kùm n bad key tsə̀ nyiə tsu ndòwnə tii.

Matyo 24:44

Sey, ghaa khə ni ləmmə tənə nəŋə tədzəm, n təŋkey, Waa Weynum î bəghə n nəŋə zey ghaa moʼlə way nə̀ tə loʼ ni bə tii.”

Lukas 18:8

N kûm dza bənu tə ghaa nə̀, tə i mbadla saʼa funu tə̀ ghə. Ghaa moʼlə nə̀ abə Waa wù sɔŋtsuʼ i bənə tə i koʼo kənu bəghəm i fə̀ŋ zə n kow ghə̂ ghə fa mbi?”

Lukas 21:27

Sey ghə nə daŋŋə kòʼ Waa wù sɔŋtsuʼ tə bəghənə nə təmbaʼ ghi daʼa kə səŋŋi kə nsə kɔʼlə mə.

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Tùm i dzuŋu zə kuum Yeso Klisto tə Jɔn â tɔɔnə 21:22

Yeso n beeli ndow wi nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee? Dzûmə bə mə!”

Tùm i dzuŋu zə kuum Yeso Klisto tə Jɔn â tɔɔnə 21:23

Zɔŋ wə n fuŋ nay ndow n fəŋŋə kə ghə̂ ghey ghə â bəghəmnə tə̀ Yeso nə̀, ngəd zən i kpu way, loʼ sey nə̀ Yeso â ka dza dzə tə Pita nə̀ ngəd ə tii nə kpu way. Tə â fəd dza nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee?”

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

1 Kɔrint 1:7

Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

Kolose 1:11

N gɔŋŋə soʼo nə̀, Zə̀ kə, tə khənə daʼa wə udzəm, tə fuu ghaa n daʼa kə wi kə, sey nə̀ ghaa loʼ ni təmi taw n bəghəm i fə̀ŋ, kow fə̀ŋ nə aghəə adzəm.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 2:19

À loʼ ghaa, ghaa i ghəŋŋənə nə̀ ghey i ndzəmə ləmmə, ghey i duʼlə, à loʼ soʼo ghaa naamə kə ghey kə. À loʼ ghaa, ghaa i ghəŋŋənə nə̀ ghey i ghaŋŋə wû zə sə kə Mûkəbii saa Yeso abə tə i bə dzəŋŋənə. Abə à way ghaa, à kəm loʼ kee ghey loʼ ni ghaŋŋə iwû tii ə?

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

Hibru 6:15

Sey, nghee Abraham kow tsunə fə̀ŋ ni ləmə, tə n bə keeli kɔʼ fə key Zə̀ kə â təb naŋanə tə̀ wi.

Jems 4:11

Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.

Jems 5:10

Waazə ghə, koʼo na nghee tûm tə Kəzə̀ tən tə â naʼlənə ghəə ghə n zəd i Mûkəbii â fəghənə tii. Ghə â kow fə̀ŋ n ngoʼ zey ghə â zownə. Dzûmə na ghow kə ibwey kə ghə kə.

Jems 5:3

Tsaʼ tə ishɔ̀lɔ̀ nsə tsaʼ tə itsaa tə ghaa tə n dzî doʼo. À loʼ dzî tə tii tə, tə i dza fuunə ghaa nə̀ ghaa taw n wɔɔ ghə, tə i fə wû i ghaa tə a loʼ uvəllə. Ghaa maŋa zuŋŋə kəŋŋə bə khəə mən n tsuʼu mən mbi may bənə tii kənunu.

2 Pita 3:4

Ghə nə bəbə nə̀, “N dza Yeso mâ dza naŋa nə̀ tə i kəm bəghənu ə? Tə ghee?” Ni ney nuu bə tə̀ mbi a nə kaʼnə, ghə bày bày a saa ghə n bə kpuulə, aghəə adzəm a ndow kə ighələ tə ghə â loʼnə nə nzeyyə.