Jems 5:6 - Kaa n Kəzə̀ n fəghə mə

⁶ Ghaa tsəʼlə saʼ n kow aghə̂, wey daŋŋə ghə, nə̀ ghə ka ghəə i bəbə i loʼ i ghəŋə dzə. N ghəə ghən ghaa ghəŋənə tə ghə, ghə ka zuu dzəŋŋə dzə.

Jems 5:6 Mawu Ofanana

Matyo 21:38

Ambə ghə̂ ghey fəd koʼ tsunə waa wi, ghə n dza n wû i ghə nə̀, ‘À wən loʼ zə̂ə kəbii ə wi, bə na a wey tsu wi, tə a keeli ndòw fə̂ u wi.’

Matyo 27:20

Ghə fɔɔngili a nii ghə nsə ngəd tə inaʼ tə n tənnə nɔɔ kə aghə̂ key nə̀ ghə dza ndòw tə̀ Pilato nə̀ tə zəghə shi bə Barabas, ghə ney wey maʼa ndòw Yeso.

Matyo 5:39

N fa kee dza bə tə̀ ghaa nə̀, ka kûmmə dzəŋə dzə bəb zə n kow wù wey tə ghəŋənə bəb tə̀ wɔ. Abə wù saa nyi bənə wɔ n sali kə n dzoʼ kə kə̀ zəə kə, dii may ndòw dzoʼ kə̀ loʼ key nə̀ tə saa nyi bə.

Kəfwaʼ 22:14

Tə n daŋŋə dza bə tə mə nə̀, ‘Zə̀ kə ghə bày bày a saa kə n wɔ sày nə̀ wə i khə ghəə ghey tə ləghənə, wə koʼ Wù kəfwaʼ a wi wən tə loʼnə Tsətsəghə, wə i zow soʼo ghɔɔmə zey i shiə bənə n dzuu i wi.

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

Kəfwaʼ 8:32

Dəŋŋə key tə â tɔŋɔnə n màʼlə K-a-zə̀ n nəŋə i tii zə â loʼ nə̀, “Ghə a sii ndow wi tə aloʼ njì ghə dza i ndow wey, Tə n loʼ kə mɔŋ tə waa njì nə loʼnə n səə wù wey tə kɔmnə nyuŋ tə wi tə, Tə n ka tsəm jaʼ idzuu.

Hibru 10:38

Ghə̂ ghuŋ ghən ghə loʼnə tsətsəghə i muulənu nghee ghə gaʼnə fə̀ŋ tə ghə tə n kow mə, Abə wù ghə kee bwu khə̂mmə tsunə n bəghəm i fə̀ŋ i wi Mə i duʼlə way ghi wi.”

Jems 2:6

Ghaa a fədlə chɔdlɔnə ghə̂ a laa ghə. À loʼ ghə ndee ghə tsìinə ghaa, ney ndow soʼo ghaa n tay i saʼ a? À way ghə̂ a kûm ghə ə?

Jems 4:2

Ghaa ləghə ni keeli ufə̂, ambə ghaa dəm kìi tsunə ni keeli fə̂ u tii wə, ghaa n loʼ tə̀ ghaa i wey wù n ghə i tii zə. Ghaa mbuŋŋə ni ney keeli fə̂ wey ghə̂ a loʼ a khənə, ghəə a tii ghə a ghəŋŋə nə̀ ghaa i zuulə n wû i ghaa, bwɔdlɔ soʼo ungəd ni keeli fə̂ u tii wə. Ghaa way ni keeli fə̂ wey ghaa mbuŋŋənə ni keeli n təŋkey ghaa nɔɔ ndow way n wɔ Zə̀ kə.

1 Pita 4:18

I tɔ̀ɔ doʼo n màʼlə K-a-zə̀ nə̀, “Abə i loʼ ni taw tə ghə̂ a dzuŋu ghə ni keeli ibəghəshi, Zə i boʼo taw ngee tə ghə̂ a bəbə ghən ghə khə way Zə̀ kə ni keeli ibəghəshi ə?”