Jems 5:16 - Kaa n Kəzə̀ n fəghə mə

¹⁶ À wey loʼ ghə i tii zə ghaa khə ni dza tiilə ghəə a bəbə ghey ghaa ghəŋŋənə n wû i ghaa, gɔŋŋə tiilə soʼo n tow u ghaa sey nə̀, Zə̀ kə loʼ ni baŋŋə ghaa. N dza sey n təŋkey, gɔŋŋə i wù wey tə loʼnə tsətsəghə khə kədaʼa, ndzəmə fwaʼa soʼo.

Jems 5:16 Mawu Ofanana

Matyo 21:22

Abə ghaa khənə bəghəm i fə̀ŋ zə, ghaa i keelinu fə̂ key ghaa bəbənə nə igɔŋŋə.”

Matyo 3:6

Ghə n dza ndòw bəb i ghə tə̀ Jɔn, Jɔn n fuu ghə n mmuu n Kəzə̀ mə n dzuu Jodan.

Malakus 1:5

Ghə̂ ghə n nuu bə n mboʼo Judeya idzəm nsə n naʼ i Yerosalem bə n səə Jɔn. Ghə n dza bə bəb i ghə tə wi, tə n fuu ghə n mmuu n Kəzə̀ mə n dzuu Jodan.

Lukas 9:6

Sey, ghə n nuu shi ndòw, bwey naʼa tə naʼa, naʼlə ndow tûm Kəzə̀, baŋə ghə a dzaŋa ghə.

Tùm i dzuŋu zə kuum Yeso Klisto tə Jɔn â tɔɔnə 9:31

Ghey khənu nə̀ Zə̀ kə zow way gɔŋŋə i ghə̂ a bəbə ghə. Tə kee zownu gɔŋŋə i ghə̂ ghey ghə ngɔɔmənə wi, ghəŋŋə ndòw ghəə ghey a kpiilənə tə̀ wi.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 19:18

Ndəmə aghə̂ n ghə̂ ghey ghə â bəghəm fu n bə zaa vuŋ u ghə, dza fu bə ghəə a ghə a bəbə ghey ghə â loʼ nə ghə n ghəŋə.

Kəfwaʼ 8:24

Sey, Shimun n dza ndow tə Pita nsə Jɔn nə̀, “N buʼu kəwɔɔ nə̀ ghaa gɔŋŋə ndow tə Mûkəbii n tow kuŋ nə̀ kə ghə i loʼ zə n ghəə ghən ghaa dzanə fa nə shiənə n kow mə.”

Roma 3:10

I tɔ̀ɔ doʼo n màʼlə K-a-zə̀ nə̀, “Wù umɔʼ way dzə tə loʼnə tsətsəghə n sə K-a-zə̀, Umɔʼ ngəmsə way dzə.

Roma 5:19

Nghee i loʼ nə̀ wù umɔʼ a tuu ni zow tə Zə̀ kə, ndəmə aghə̂ n doʼo bə ghə̂ a bəbə ghə. N jii i mɔʼɔ zə, wù umɔʼ tə â zownə tə̀ Zə̀ kə, i ghəŋŋənə nə̀ ndəmə aghə̂ doʼo bə tsətsəghə n sə K-a-zə̀.

Kolose 1:9

À wey loʼ i ghi ni ney nuu bə n tsuʼ fey ghey â zow tsu zɔŋ u ghaa wə, ghey ka kam buu naŋa koʼ ni gɔŋŋə n tow u ghaa nə Zə̀ kə gaamə nə̀ ghaa i loʼ ni keeli ghəə zey tə ləghənə. Tə fuu ghaa n tɔb wə, nsə daʼa kə Zay kə Zow kə nə ghaa i loʼ ni zowkeeli dzɔb ghəə a tii ghə.

1 Tesalonika 5:17

Ghaa i gɔŋŋə nəŋə tədzəm.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

1 Tesalonika 5:25

Waazə ghə ghaa i gɔŋŋə tə ghey.

Hibru 11:4

A loʼ bəghəm i fə̀ŋ zən Ebel â khənə, zə â ghəŋənə nə̀ tə fəələ maʼlə wən u dzɔb tsəghəshinə u Ken wə. À loʼ n bam i bəghəm i fə̀ŋ i wi, Zə̀ kə â neynə wi nə̀ tə loʼ wù wən tə loʼnə tsətsəghə n təŋkey, Zə̀ kə n wû u wi wə â ney maʼlə wey tə â fəələnə nə̀ a loʼ maʼlə u dzuŋu wə. Nghee i buʼ loʼ kə nə̀ Ebel mâ kpu, saa nam zoʼlənu ghəə ghə na n wɔ wi kuum bəghəm i fə̀ŋ i wi n kow Zə̀ kə.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

Hibru 12:13

Ghaa ghəŋə nə̀ jìi zey ghaa bweynə tii i loʼ tsətsəghə, sey nə̀, ghə̂ ghey ghə bəghənə n baa ghaa, nghee ghə buʼ loʼ kə nə̀ ghə ngɔdlɔ bweynu, ghə i way ni nii bwu, ghə i fədlə taw dzɔbə.

Hibru 13:18

Ghaa ndow kə n sə kə ni gɔŋŋə tə̀ ghey. Ghey khənu nə̀ fə̀ŋ tə ghey tə zownu, n təŋkey ghey ləghə ni ghəŋŋə ghəə zey i kpiinə nə tənəŋə tədzəm.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Jɔn 3:22

Saa i keelinu fə wən saa nɔɔnə n wɔ wi n təŋkey, saa naŋŋənu laŋ u wi wə, ghəŋə soʼo ghəə ghey a dzɔbənə tə wi.