Jems 5:15 - Kaa n Kəzə̀ n fəghə mə

¹⁵ Gɔŋŋə zey ghə i gɔŋŋə tsunə n bəghəm i fə̀ŋ, i ghəŋŋə nə̀ wù dzaŋa tii taw doʼo bə. Mûkəbii i ney nuu dzaŋ i tii zə. Nə̀ wù tii â ghəŋə bəəbə ghə i loʼ zə, Mûkəbii i neyzəə bəb i wi.

Jems 5:15 Mawu Ofanana

Matyo 17:20

Yeso n beeli ndòw ghə nə̀, “À loʼ n təŋkey, bəghəm i fə̀ŋ i ghaa i ngii təbənu. N kuum dza bə tə̀ ghaa nə̀, abə bəghəm i fə̀ŋ i ghaa i təbənə tə̀ a loʼ sam i kaʼ fə Mɔstad, ghaa loʼnu ni dza tə̀ kaʼ u wən nə̀, ‘Nuu tsu fa n luʼu kən, wə ndow fey!’ Wə i bɔɔmə nuu tsu. Ghə i loʼ i way zə i loʼnə ni tsəghəshi ghaa.”

Tùm i dzuŋu zə kuum Yeso Klisto tə Jɔn â tɔɔnə 5:14

Yeso n kəm koʼ tsu wù tii n Ndaw Kəzə̀ i nii zey n Yerosalem, dza ndòw tə̀ wi nə̀, “Koʼo, nya wən wə taw doʼo bənə, kə wə nə̀ kəm ghəŋŋənə ghəə a bəbə ghə, kə̂ ghəə i loʼ zə i bəb tsəghəshinə i zən i nə̂ shiənə n kow wɔ.”

Tùm i dzuŋu zə kuum Yeso Klisto tə Jɔn â tɔɔnə 6:39

À wən loʼ ghəə zey wù wey tə tûmnə mə ləghənə, tə ləghə nə̀ n tɔʼ kwu keeli tsu ghə̂ ghey tə fuu naŋanə tə mə, kə wù umɔʼ nə naynə tii, n nə̂ zhəm dzəŋŋə bə ghə nə ivə n tsuʼ fey mbi nə maynə tii.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

2 Kɔrint 4:14

Ghey ghəə ghən ghəŋŋə n təŋkey, ghey khənu nə̀ Zə̀ kən kə â zhəm dzəŋŋə bənə Mûkəbii Yeso nə ivə, tə i zhəm dzəŋŋə bə soʼonu saa nə ivə. Tə i ney kɔʼ ghey ghi ghaa, tə naŋa bə n səə wi.

Jems 1:6

À kee loʼ nə̀ abə wə dza i nɔɔ kəfə tə̀ Zə̀ kə, wə khə ni teeli khə bəghəm i fə̀ŋ zə, səmə way n ghə i loʼ zə n təŋkey, wù wey tə səmənə, loʼ tə a loʼ kətuŋutuŋu n nali Kədzuu, zəŋ maŋa tənnə kaabə tsənə.

Jems 5:13

Abə wù loʼ loʼnə n fəŋŋə kə ghaa tə fəʼlənə, tə n gɔŋŋə ndow tə̀ Zə̀ kə. Nə̀ wù loʼ, loʼ n fəŋŋə kə ghaa fə̀ŋ ə wi duʼlənə, tə n fuu kali u Kəzə̀ nə izhim.

Jems 5:16

À wey loʼ ghə i tii zə ghaa khə ni dza tiilə ghəə a bəbə ghey ghaa ghəŋŋənə n wû i ghaa, gɔŋŋə tiilə soʼo n tow u ghaa sey nə̀, Zə̀ kə loʼ ni baŋŋə ghaa. N dza sey n təŋkey, gɔŋŋə i wù wey tə loʼnə tsətsəghə khə kədaʼa, ndzəmə fwaʼa soʼo.

Jems 5:20

wù tii keeli tsu nə̀, wù wey tə ghəŋənə nə̀ kə wù bəbə nə nyəŋə laʼa ndownə, i bəghəshiə tow kə wù bəbə tii nə ivə, tə ghəŋə soʼo nə̀ Zə̀ kə neyzəə ghəə a wi a bəbə ghey tə loʼ nə̀ tə n ndəŋ ghəŋə.