Jems 5:11 - Kaa n Kəzə̀ n fəghə mə

¹¹ Ghaa mgbaŋ khənu nə̀ Zə̀ kə buulənu ghə̂ ghey ghə kownə fə̀ŋ. Ghaa mâ zow nghee tə Job â kownə fə̀ŋ tii, ghaa n koʼ soʼo ghəə ghey Zə̀ kə â ghəŋənə tə wi. À wən loʼ ni dii tsu nə̀ Zə̀ kə ngii khə fə̀ŋ i dzuŋu zə nsə sî i kwɔɔlə zə.

Jems 5:11 Mawu Ofanana

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Lukas 1:50

Sii i kwɔɔlə i wi zə î loʼ kow ghə̂ ghey ghə ngɔɔmənə wi nûm tə nûm.

Lukas 11:10

Təŋkey wù wey tə bəbnə fə kə, tə i keelinu, tə wey tə kəŋnə, tə i koʼonu, tə wey tə buʼnə fuʼ u ndaw wə, ghə i chiənu tə wi.

Lukas 6:36

I kwɔɔlə na sî zə tə̀ ghə̂ ghə ighələ tə̀ Bày ghaa kwɔɔlənə sî zə tə̀ ghə̂ ghə.

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 2:4

À kee loʼ kə nə̀ Zə̀ kə ngii khə sî i kwɔɔlə zə, tə ngii ləghə saa naʼ idzəm.

Hibru 10:39

I loʼ nə̀, saa way dzəŋi n ndzoʼo ghə̂ ghən ghə bwu khə̂mmə tsunə, Zə̀ kə u ləŋi maʼa tsunə ghə. Saa fəd loʼ ghə̂ ghey ghə khənə bəghəm i fə̀ŋ zə n kow Zə̀ kə, kə i bəghəshiənu saa.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Jems 1:2

Waazə ghə, ghaa khə ni duʼlə nəŋə tədzəm abə ghaa buʼu keeli kənə lii tə nchɔd tə,

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 3:14

Abə i buʼ kee loʼ kə nə̀ ghaa khə ni fəghə a dza ghaa ghəŋŋə ghəə ghey a kpiilənə, Zə̀ kə i buulə ghaa. Kə ghaa nə tsəŋənə wù loʼ, kə wù loʼ nə bəmi soʼonə ghaa.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.